Fjallskilanefnd Rangárvallaafréttar

Farið var yfir Afréttarskránna og lagfært í samræmi við lögbýlaskrá. Sveitarstjóra falið að fara aftur yfir og skoða hvort einhver lögbýli vantar á listann og eins gangast í að skoða hvort einhver lögbýli hafi dottið út af lögbýlaskrá sem þar ættu að vera.

Farið yfir stöðu uppgjörs vegna fjallferða 2014. Rekstur fjallferðanna er nálægt því að vera á áætlun. Alls voru reknar 934 fullornar ær. Sú nýbreytni að taka með ferðamenn í fjallferðir hefur gengið vel og er stefnt að því að halda því áfram næsta haust.

Rætt var um hvar staðsetja ætti nýtt næturhólf. Gera þarf ferð þegar vorar til að staðsetja girðingu áður en hægt er að fastsetja áætlun þar um. Einnig þarf að lagfæra brúarstæðið inn við Krók. Þá þarf að fara viðhaldsferð í Reyðarvatnsréttir á sumri komanda.