Framkvæmda- og eignanefnd

Á fundinn mætir Jón Ragnar Örlygsson aðstoðamaður skipulagsfulltrúa og fer yfir lista vegna framkvæmda í umferðarmálum. Tómas Haukur og Jón Ragnar gerðu síðan grein fyrir stöðu mála varðandi árið 2025.

Unnið verður að umferðaröryggismálum í sumar í samræmi við fyrri ákvörðun nefndarinnar.

Lögð fram ábending frá Dögg Þrastardóttur varðandi umferðaröryggismál á Langasandi og felur nefndin sveitarstjóra að svara erindinu.

Yfirlit yfir auglýsingu á umferðarmerkingum í Stjórnartíðindum var lögð fram.

Samþykkt samhljóða.

Tómas Haukur fór yfir stöðu viðhalds og framkvæmdamála vegna ársins 2025.

Lögð fram ábending frá Dögg Þrastardóttur varðandi ástand leikvalla. Nefndin þakkar fyrir erindið og felur sveitarstjóra að svara erindinu.

Samþykkt sammála.

Tómas Haukur fór yfir stöðu framkvæmda við gervigrasvöllinn á Hellu. Verið er að ganga frá samningi við Laiderz um lagningu á 40-50mm gervigras með fjaðurlagi sem var lægstbjóðandi í verkið.

Vinna við jarðvinnu er hafin. Lokið er við að fjarlægja fergingu af vellinu og lagnavinna hafin. Gert er ráð fyrir að vinna við lagningu gervigrassins hefjist eftir miðjan júlí.

Tómas Haukur fór yfir stöðu framkvæmda vegna byggingu á 2. áfanga við stækkun Grunnskólans á Hellu. Fram kom að vegna tafa við afhendingu innréttinga og innihurða er gert ráð fyrir að neðri hæð hússins verði tekin í notkun í lok október. Að öðru leyti gengur vinna við verkið vel.

Tómas Haukur fór yfir stöðu hönnunar vegna byggingu á 3. áfanga við stækkun skólasvæðisins á Hellu vegna leikskólans Heklukots. Hönnun skólans er á lokastigi og gert ráð fyrir að bjóða út jarðvinnu vegna verksins í júlí og jarðvinna hefjist í lok ágúst/byrjun september. Verið er að vinna að deilihönnun og útboðsgögnum fyrir burðarvirki og innri frágang.

Tómas Haukur fór yfir stöðu framkvæmda varðandi 2. og 3. áfanga við stækkun skólasvæðisins á Hellu og þær tímalínur sem eru í gangi. Hann telur að tímalínan við 3. áfanga verði þannig að jarðvinnu ljúki í okt/nóv. og hægt að fara í útboð á sökklum og burðarvirki í sept/okt. Ekki er talið raunhæft að flýta frekar framkvæmdum við 3. áfanga verkefnisins þar sem ekki er talið heppilegt að vinna við uppsetningu og fyllingu sökkla að vetrarlagi. Stefnt að því að nýta veturinn frekar til undirbúnings og framkvæmdir hefjist snemma vors 2026.

Lagðar fram upplýsingar frá Bergrisanum bs. um möguleika þess að sækja um framlög í Jöfnunarsjóð sveitarfélaga vegna framlaga ríkisins til úrbóta í aðgengismálum fatlaðs fólks 2025-2026.

Nefnin felur forstöðumanni eigna- og framkvæmdasviðs að vinna að umsókn í sjóðinn.

Samþykkt samhljóða.

Tómas Haukur fór yfir stöðu sameiginlegs samnings Rangárþings ytra og Rangárþings eystra um hreinsun rotþróa en samningurinn rennur út í lok árs. Farið var yfir hvernig framkvæmdin hefur gengið og þær áskoranir hafa verið í framkvæmdinni.

Nefndin felur sveitarstjóra að boða til fundar með Rangárþingi eystra um málið.

Samþykkt samhljóða.

Lengi hafa verið áform um að byggja göngubrú í gamla brúarstæðinu yfir Ytri Rangá. Slík brú er hluti af skipulagsáformum nýs Bjargshverfis og myndi jafnframt styðja við útisvistamöguleika íbúa og gesta.

Nefndin leggur til að farið verði að skoða mögulegar útfærslur á hönnun slíkrar göngubrúar og felur forstöðumanni framkvæmda- og eignasviðs að undirbúa málið fyrir næsta fund nefndarinnar.

Samþykkt samhljóða.