Framkvæmda- og eignanefnd

Tómas Haukur gerði grein fyrir stöðu mála varðandi árið 2025.

Unnið verður áfram að umferðaröryggismálum í samræmi við fyrri ákvörðun nefndarinnar. Umferðarskiltum hefur að mestu verið komið upp og lokið við að merkja gangbrautir. Stefnt er að því að samþykkt verkefni verði kláruð á næstu vikum.

Nefndin tekur undir tillögu skipulags- og umferðarnefndar að góðar merkingar séu við hraðahindranir svo komið verði í veg fyrir skemmdir utan vega. Skoða þarf almennt umferðarmerkingar í Þykkvabæ.

Samþykkt samhljóða.

Tómas Haukur fór yfir stöðu viðhalds og framkvæmdamála vegna ársins 2025. Breytingar verða á framkvæmdum í Freyvangi vegna óhjákvæmilegra veitnu- og lagnaframkvæmda og þarf því að freksta framkvæmdum við yfirlögn til vorsins 2026. Framkvæmdum við Þrúðvang þarf að fresta til vorsins 2026 vegna vinnu við hverfisskipulag.

Rætt var um helstu framkvæmdar- og viðhaldsverkefni áranna 2026-2028 og forstöðumanni framkvæmda- og eignasviðs falið að vinna tillögur fyrir næsta fund nefndarinnar.

Samþykkt samhljóða.

Tómas Haukur fór yfir stöðu framkvæmda við gervigrasvöllinn á Hellu.

Vinna við lagningu gervigrassins er í fullum gangi en lokafrágangur er háður verðurskilyrðum.

Tómas Haukur fór yfir stöðu framkvæmda vegna byggingu á 2. áfanga við stækkun Grunnskólans á Hellu. Gert er ráð fyrir að mötuneyti og leikskólinn komist í nýtt húsnæði eigi síðar en um áramót.

Lögð fram niðustaða útboðs í jarðvinnu. Lagt er til að samið verði við lægstbjóðanda Stórverk ehf en tilboðið hljóðaði upp á 96,1 milljón sem er 93% af kostnaðaréætlun. Sveitarstjóra verði falið að ganga frá samningi.

Samþykkt samhljóða.

Farið var yfir málefni sem komu fram á fundi með hagsmunaaðilum hesthúsahverfisins þar sem rætt var m.a. um stöðu framkvæmda vegna lýsingar og regnvatnsmála í hverfinu.

Sett verður upp lýsing í október og einnig verður unnið að lausnum vegna regnvatnsmála.

Samþykkt samhljóða.

Forstöðumaður eigna og framkvæmdasviðs fór yfir stöðu málsins og verið er að vinna í málinu í samræmi við fyrri afgreiðslu nefndarinnar.

Forstöðumaður eigna og framkvæmdasviðs fór yfir stöðu málsins. Lagt til að taka ganga til samninga við Eflu á forsendum framlagðs minnisblaðs með fyrirvara um að Rangárþing eystra taki þátt í verkefninu.

Samþykkt samhljóða.

Forstöðumaður eigna- og framkvæmdasviðs fór yfir stöðu málsins. Fram kom að verkið verði unnið samhliða nýrri vegtengingu við Suðurlandsveg.

Forstöðumaður eigna- og framkvæmdasviðs fór yfir stöðu málsins.