Framkvæmda- og eignanefnd

Tómas Haukur fór yfir stöðu viðhalds og framkvæmdamála vegna ársins 2025. Fram kom að altjón varð á flutningi á gólfdúk í nýju grunnskólabygginguna á Hellu sem óhjákvæmilega veldur töfum á því að hægt verði að taka 2 áfanga í notkun um næstu áramót. Á næstu dögum verður ljóst hversu miklar tafir verða og þá mun það verða kynnt sérstaklega.

Rætt var um helstu framkvæmdar- og viðhaldsverkefni áranna 2026-2028.

Fjárhagsáætlun Húsakynna bs fyrir árið 2026 lögð fram til kynningar.

Tómas Haukur kynnti helstu viðhalds- og fjárfestingarverkefni sem eru áætluð á Laugalandi á árinu 2026.

Lagðar eru fram öryggisúttektarskýrslur fyrir íþróttahús og íþróttamiðstöðvar sveitarfélagsins.

Lagt til að óska eftir því að fá tímasetta aðgerðaráætlun um úrbætur frá forstöðumanni íþróttamannvirkja fyrir næsta fund nefndarinnar sem er er áætlaður í desember.

Samþykkt samhljóða.

Framkvæmda- og eignanefnd leggur til að gjaldskrá Rangárljósa 2026 verði samþykkt.

Samþykkt samhljóða.

Framkvæmda- og eignanefnd leggur til að fjárhagsáætlun fyrir Rangárljós 2026 verði samþykkt.

Samþykkt samhljóða.

Rætt um fund sem haldinn var í Rangárhöllinni þann 12.nóv. s.l. með hagaðilum á svæðinu. Upplýst er að sveitarfélagið mun koma upp götulýsingu á ljósastaura sem komnir eru fyrir jól. þá verði brugðist við frágangi á yfirborðsvatni í hluta hverfsins í samráði við eigendur. Óskað var eftir því að hagaðilar kæmu með tillögur um að aðalaðkomu að reiðhöll og mögulegar útfærslur á reiðleiðum.