Framkvæmda- og eignanefnd

Tómas Haukur fór yfir stöðu viðhalds- og framkvæmdamála vegna ársins 2025. Helstu verkefni sem unnið er að núna er að koma upp lýsingu á göngustíg milli Heiðvangs og Eyjasands og meðfram Sleipnis- og Faxaflötum. Dregist hefur að fá afhent götuljós fyrir hesthúsahverfið en þau eru væntanleg í vikunni. Að auki verður farið í lagfæringar á regnvatnslögnum og stígum í hluta hesthúsahverfisins. Þá er hafin vinna við áfanga 2 við fráveitulögn að nýrri staðsetningu hreinsistöðvar á Hellu.

Tómas Haukur fór yfir stöðu framkvæmda vegna byggingu á 2. áfanga við stækkun Grunnskólans á Hellu. Verið er að vinna í lýsingu, gólfefnum á efri hæð og uppsetningu á kerfisloftum. Þá verið grófjöfnun lóðarinnar. Flutningar í nýtt húsnæði eru háðir því að framleiðslutími nýs gólfdúks á neðri hæð og göngum efri hæðar, í stað þess sem eyðilagðist í flutningum, standist. Að því gefnu er gert ráð fyrir að hefja starfsemi í 2. áfanga eigi síðar en eftir páska.

Tómas Haukur fór yfir stöðu framkvæmda vegna byggingu á leikskóla á Hellu. Fyrsti áfangi við jarðavinnu er í gangi. Verið er að fylla í jarðvegspúða undir sökkla og gert er ráð fyrir að því ljúki fyrir jól. Útboðsgögn eru í vinnslu og gert er ráð fyrir að hægt sé að bjóða út burðarvirki hússins fljólega eftir áramót.

Tómas Haukur fór yfir stöðu framkvæmda við gervigrasvöllinn á Hellu. Rætt var um tímasetningar á lýsingu vallarins. Lýsing verður á vellinum frá 9:00-12:00 og 15:00-20:00 nú í svartasta skammdeginu. Gert verður ráð fyrir því að stýring á lýsingu verði í íþróttamiðstöðinni á Hellu. Varðandi aðstöðumál við völlinn er gert ráð fyrir að lausar kennslustofur sem eru við völlinn verði nýttar fyrir búnings- og sturtuaðstöðu og verði tilbúin í byrjun sumars. Þá verður komið fyrir aðstöðu til bráðabrigða fyrir veitingasölu og áhaldageymslu. Þá þarf í samráði við KFR að koma upp varamannaskýlum við völlinn.

Lögð fram samantekt og hugmyndir frá íþrótta- og fjölmenningarfulltrúa um nýtingu á tengibyggingu íþróttamiðstöðvarinnar á Hellu.

Lagt til að hefja vinnu við þarfagreiningu á rýmum sem losna í íþróttamiðstöðinni þegar mötuneyti flyst úr kjallaranum. Í framhaldi af þarfagreiningu verði gerð frumdrög að hönnun.

Þar til að endanleg hönnun liggur fyrir er lagt til að rými í tengibyggingu verði nýtt sem aðstaða fyrir gesti í samræmi við framkomnar hugmyndir. Forstöðumanni íþróttamiðstöðva falið að vinna málið áfram með það að markmiði að aðstaðan verði klár fljótlega á nýju ári.

Samþykkt samhljóða.

Forstöðumaður eigna- og framkvæmdasviðs fór yfir stöðu málsins. Verið er að vinna drög að útboðsgögnum um tæmingu rotþróa. Einnig er verið að skoða með breytingar á samþykkt fráveitu fyrir Rangárþing ytra. Lagt til að haldinn verði sameiginlegur fundur með Rangárþingi eystra og EFLU í janúar til að fara yfir stöðu mála.