Heilsu,- íþrótta- og tómstundanefnd

12. fundur 23. nóvember 2020 kl. 17:00 - 18:10 Fjarfundur í gegnum ZOOM
Nefndarmenn
  • Björk Grétarsdóttir formaður
  • Erna Sigurðardóttir aðalmaður
  • Guðmundur Jónasson aðalmaður
  • Jóhanna Hlöðversdóttir aðalmaður
  • Sigdís Oddsdóttir aðalmaður
Starfsmenn
  • Eiríkur Vilhelm Sigurðarson ritari
Fundargerð ritaði: Eiríkur Vilhelm Sigurðarson Markaðs- og kynningarfulltrúi

1.Erindi um rýmri opnun félagsmiðstöðvar

2010014

Fyrir liggur minnisblað frá fundi formanns foreldrafélags Grunnskólans á Hellu og markaðs- og kynningarfulltrúa ásamt skýrslu um starfsemi Félagsmiðstöðvarinnar Hellisins.
Björk Grétarsdóttir vék af fundi undir þessum lið.

Eftir að hafa kynnt sér erindið vel þá veltir nefndin því upp hvort aukin opnun félagsmiðstöðvar að loknum skóladegi ætti frekar að vera samhliða starfsemi skólans heldur en félagsmiðstöðvarinnar.

Aukna opnun í félagsmiðstöðinni á kvöldin þarf að skoða með börnum og ungmennum í sveitarfélaginu. Nefndin leggur til að skoðuð verði reynsla Rangárþings eystra af sambærilegri þjónustu og að kannað verði meðal ungmenna og foreldra hvort áhugi sé á aukinni kvöld opnun í félagsmiðstöðinni.

Aukin þjónusta við íbúa er alltaf jákvæð en þarf að rúmast innan fjárhagsáætlunar.

2.Ungmennaráð 2020-2021

2010045

Gunnar Páll Steinarsson og Guðný Salvör Hannesdóttir hafa staðfest að þau taki sæti í Ungmennaráði Rangárþings ytra og eru þá kjörin til tveggja ára eða til 2022.
Nefndin staðfestir fulltrúa í Ungmennaráði 2020-2022 fyrir sitt leyti.

3.Heilsueflandi samfélag

1809021

Jóna Þórhallsdóttir hefur staðfest að hún hafi áhuga á að taka þátt í stýrihóp um Heilsueflandi samfélag í Rangárþingi ytra.
Nefndin staðfestir fulltrúa í stýrihóp Heilsueflandi samfélags fyrir sitt leyti.

Fundi slitið - kl. 18:10.

Fannst þér efnið á síðunni hjálplegt?