10Hreppsnefnd Rangárþings ytra
Fundargerð
- fundur hreppsnefndar Rangárþings ytra, haldinn að Suðurlandsvegi 1, Hellu,
föstudaginn 10. júlí 2009, kl. 9:00.
Mætt voru: Þorgils Torfi Jónsson, Ingvar Pétur Guðbjörnsson, Sigurbjartur Pálsson, Helga Fjóla Guðnadóttir, Ólafur Elvar Júlíusson, Guðfinna Þorvaldsdóttir og Margrét Ýrr Sigurgeirsdóttir. Að auki Örn Þórðarson sveitarstjóri sem ritaði fundargerð.
- Ársreikningar sveitarfélagsins og samstarfsverkefna á Laugalandi, 2008, síðari umræða.:
Tillaga um að staðfesta ársreikninga sveitarfélagsins og samstarfsverkefna á Laugalandi.
Samþykkt með fjórum atkvæðum. Þrír sitja hjá (ÓEJ, GÞ, MÝS).
Ársreikningarnir áritaðir af sveitarstjórn.
Bókun B-lista:
Vegna efnahagsástandsins í þjóðfélaginu og í ljósi niðurstöðu ársreikninga sveitarfélagsins, þá viljum við undirrituð hvetja stjórnendur sveitarfélagsins til þess að fara með gát í fjárskuldbindingum og draga úr öllum nýframkvæmdum á vegum sveitarfélagsins. Við fulltrúar erum tilbúin að leggja okkar lóð á vogarskálarnar og veita aðstoð í málum er varða íbúa sveitarfélagsins og sem er þeim til heilla.
Guðfinna Þorvaldsdóttir, Margrét Ýrr Sigurgeirsdóttir og Ólafur E. Júlíusson.
Sveitarstjórn felur sveitarstjóra, Þorgils Torfa Jónssyni og Ólafi E. Júlíussyni, í samráði við forstöðumenn deilda sveitarfélagsins, að vinna áfram að því að leita leiða til hagræðingar í rekstri sveitarfélagsins og stofnana þess og leggja tillögur þar að lútandi fyrir hreppsnefnd. Sveitarstjórn felur sveitarstjóra að vinna að og skila til sveitarstjórnar 6 mánaða uppgjöri 2009 eins fljótt og auðið er.
Samþykkt samhljóða.
- Landskipti og sala á landi og landskikum, stofnun lögbýla og tengd erindi:
- Borg, landskipti.
Sveitarstjórn gerir ekki athugasemd við að skipt verði úr landi Borgar, lnr. 165363, nýrri lóð lnr. 218544 (5000 fm.). Afgreiðsla var frestað á 44. fundi hreppsnefndar. Undirskriftir eigenda aðliggjandi lands liggja fyrir.
Samþykkt samhljóða.
Fleira ekki gert og fundi slitið kl. 9.40