Landsskipulagsstefna, gögn til úrvinnslu

Skipulagsnefnd telur að það vanti áherslur fyrir samnýtingu verndar og uppbyggingar. Valkostir eru of mikið í aðra áttina, þ.e. annað hvort vernd eða uppbygging. Nefndin leggur mikla áherslu á að skipulögð uppbygging geti fyrirbyggt spillingu verðmætra svæða vegna stóraukinnar umferðar ferðafólks. Skipulagsnefnd leggur áherslu á að nýta og njóta landsins í sátt við náttúruna.

Einnig vill nefndin ítreka og leggur mikla áherslu á að notast verði við fyrirliggjandi rammaskipulag sem gert var fyrir Suðurhálendið og kynnt var fyrir umsjónarmanni Landsskipulagsins í upphafi en virðist ekki hafa verið haft til hliðsjónar í framlagðri skýrslu.

Skipulagsnefnd leggur til að sveitarfélögin þrjú sem stóðu að gerð rammaskipulags fyrir Suðurhálendið, standi sameiginlega að umsögn um fyrirliggjandi tillögu að landsskipulagsstefnu.

Nefndin leggur til að sveitarstjórn skipi 2 fulltrúa til að vinna að tillögu að umsögn. Kynningarfundur á vegum Skipulagsstofnunar er áformaður í lok janúarmánaðar. Fulltrúar sveitarfélaganna leggi drög að umsögn fyrir næsta fund skipulagsnefndar, sem áætlaður er þann 9. febrúar nk.

Skipulagsnefnd fór yfir sameiginleg drög sveitarfélaganna Rangárþings ytra, Rangárþings eystra og Skaftárhrepps að umsögn og felur skipulagsfulltrúa og fulltrúum sveitarfélagsins þeim Þorgils Torfa Jónssyni og Yngva Karli Jónssyni að vinna áfram að umsögninni með skipulagsfulltrúum Skaftárhrepps og Rangárþings eystra og stefnt verði að því að tillaga að umsögn verði lögð fyrir sveitarstjórnir tiltekinna sveitarfélaga.

Lagt fram til kynningar.

Lagt fram til kynningar.