Þjónustusamningur um trúnaðarlækni og heilbrigðismál

Lagt fram til kynningar.

Heilbrigðisstofnun Suðurlands hefur sagt upp þjónustusamningi við sveitarfélagið um trúnaðarlæknis- og heilbrigðisþjónustu og óskar eftir viðræðum um gerð nýs samnings. Sveitarstjóra falið að ræða við HSU um framhald samningsins og leggja mat á reynsluna af samningum og leggja fram minnisblað á næsta fund byggðarráðs.

Samþykkt samhljóða.

Fyrir liggur bréf frá HSU þar sem þjónustusamningi um trúnaðarlækni og heilbrigðismál við sveitarfélagið er sagt upp með þriggja mánaða fyrirvara og samningslok miðast við 31. maí 2020. Tillaga er um að fela sveitarstjóra að leita annarra leiða með þjónustu trúnaðarlæknis fyrir sveitarfélagið og leggja fram tillögur á næsta fundi sveitarstjórnar. Jafnframt er sveitarstjóra falið að óska eftir fundi með nýjum forstjóra HSU til að ræða heilsugæslumál í Rangárþingi almennt.

Samþykkt samhljóða.

Lögð fram til kynningar þau gögn sem fyrir liggja. Tillaga er um að miða í grunninn við þjónustu trúnaðarlæknis og fela byggðarráði að taka afstöðu til verðkönnunar þegar frekari gögn liggja fyrir.

Samþykkt samhljóða.

Lögð fram gögn vegna verðkönnunar um trúnaðarlæknisþjónustu. Lagt er til að ganga til samninga til eins árs við Heilsuvernd ehf. Sveitarstjóra falið að ganga frá málinu.

Samþykkt samhljóða.