Samþykktir fyrir byggðasamlagið Odda bs

Tillaga er um að sveitarstjórn samþykki fyrir sitt leyti að stofna byggðasamlagið Odda bs samkvæmt fyrirliggjandi samþykktum þar um. Jafnframt er tillaga um að skipa úr byggðarráði, Margréti Hörpu Guðsteinsdóttur og Sólrúnu Helgu Guðmundsdóttur, í stjórn byggðasamlagsins. Varamenn verði Yngvi Karl Jónsson og Haraldur Eiríksson.



Samþykkt samhljóða





Bókun Á-lista:



Fulltrúar Á-lista leggja ríka áherslu á að ný stjórn byggðasamlagsins Odda taki fyrir á sínum fyrsta fundi reglur um forgangsröðun barna á leikskóla og samræmi þær reglum um heimaskóla grunnskólabarna í Rangárþingi ytra og Ásahreppi. Eins verði þá mótaðar reglur um flutning skólabarna milli skóla.



Yngvi Karl Jónsson

Margrét Harpa Guðsteinsdóttir

Sigdís Oddsdóttir

Farið var yfir atriði úr samþykktum fyrir byggðasamlagið Odda sem þarf að útfæra eða klára.



2.1 Áætlun til fjögurra ára (3. gr.)

Ákveðið að beina undirbúningi að slíkri áætlun til umræðu hjá fræðslunefnd.



2.2 Um réttindi og skyldur starfsmanna (5. gr.)

Framkvæmdastjóra falið að sjá til þess að gerður verði viðauki með öllum núgildandi ráðningarsamningum þar sem fram kemur að breytingar á rekstrarformi skerða á engan hátt réttindi og skyldur starfsmanna skólanna.



2.3 Um forgangsröð í leikskóla (6. gr.)

Málið er í farvegi hjá fræðslunefnd.



2.4 Um varamenn í stjórn Odda bs. (7. gr.)

Ekki er tiltekið sérstaklega í samþykktum fyrir Odda bs hverjir séu varamenn oddvita í stjórn en skilningur stjórnar er að varaoddvitar séu varamenn oddvita.



2.5 Um val á endurskoðendum (9. gr.)

Framkvæmdastjóra falið að leita eftir samningi við KPMG um endurskoðun reikningar byggðasamlagsins.

Vísað er til umfjöllunar um einstaka liði en fundargerðin að öðru leyti staðfest.

Samþykktirnar hafa reynst mjög vel þau ár sem þær hafa verið í gildi og er ekki talin þörf á breytingum nema hvað uppfæra þarf greinar 10 og 11 þar sem kveðið er á um endurskoðun og gildistöku. Lagt er til að greinar 10 og 11 verði orðaðar á sama hátt og samþykktir fyrir Húsakynni bs og lagðar fyrir næsta fund sveitarstjórna.

Samþykkt samhljóða.

Farið var yfir samþykktirnar með því að lesa upp einstakar greinar þeirra og opna síðan á umræður. Umræður sköpuðust einkum um greinar 7 og 8 sem snúa að stjórn byggðasamlagsins og hvort breyta ætti fyrirkomulagi þar um. Einnig var fjallað almennt um fræðslumál, íþrótta- og tómstundastarf jafnhliða umræðu um einstakar greinar samþykktanna. Tillaga var lögð fram um að fela stjórn Odda bs að taka samþykktirnar aftur til skoðunar í ljósi þeirra umræðna sem sköpuðust í samráðsnefnd og leggja þær fyrir sveitarstjórnir á reglulegum fundi þeirra í apríl 2019. Samþykkt samhljóða.

Á fundi í samráðsnefnd sveitarfélaganna þann 7. mars sl. var samþykkt að fela stjórn Odda bs að taka samþykktirnar aftur til skoðunar í ljósi þeirra umræðna sem sköpuðust í samráðsnefnd og leggja þær fyrir sveitarstjórnir á reglulegum fundi þeirra í apríl 2019. Ákveðið að fela ÁS að óska eftir tillögum að breytingum frá fulltrúum E-lista Ásahrepps sem óskuðu eftir umræðu um þetta mál. Þessar tillögur þurfa að berast fyrir næsta fund í stjórn Odda bs sem áætlaður er þriðjudaginn 2. apríl n.k.

Stjórn Odda bs leggur til að fyrri endurskoðun á samþykktum fyrir byggðasamlagið verði látin standa og ekki verði gerðar frekari breytingar að sinni. Tryggt verði að allir sveitarstjórnarfulltrúar, bæði aðal- og varamenn hafi aðgang að öllum fundagögnum stjórnar Odda bs í gegnum fundagáttina. Stjórn Odda bs samþykkir samhljóða að fulltrúa E-lista í sveitarstjórn Ásahrepps verði boðið að sitja stjórnarfundi Odda bs með málfrelsi og tillögurétt frá og með næsta stjórnarfundi sem áætlaður er 23. apríl n.k. Þetta fyrirkomulag verði til reynslu í eitt ár.

Farið yfir afgreiðslu sveitarstjórna á bókun frá síðasta fundi Odda bs. Ásahreppur þarf að afgreiða bókun við lið 3 á 5. fundi stjórnar Odda bs og einnig lið 2 á 11. fundi stjórnar Odda bs.

Rætt um það fyrirkomulag sem gilt hefur síðasta árið en áheyrnarfulltrúi minnihluta í sveitarstjórn Ásahrepps hefur setið stjórnarfundi Odda bs með málfrelsi og tillögurétt. Fyrirkomulagið þykir hafa heppnast vel og er tillaga um að sami háttur verði hafður á til loka kjörtímabilsins en samþykktir byggðasamlagsins haldist óbreyttar.

Samþykkt samhljóða.

Bókun áheyrnarfulltrúa E-lista
Áheyrnarfulltrúi ítrekar beiðni um að samþykktir séu endurskoðaðar með það í huga að hafa fullan atkvæðisrétt.

Elín Grétarsdóttir