Landmannalaugar, Uppbygging grunnaðstöðu

Til að samræming fáist í gerð tillagna að uppbyggingu þurfa aðilar að koma sínum hugmyndum fram og málin að ræðast. Fulltrúar frá Landmótun og VA-arkitektum byrjuðu það ferli með því að kynna hugmyndir sínar sem lagðar voru fram sem grundvöllur vinningstillögunnar. Kom fram í þeirra kynningu að umræddar áreyrar í Landmannalaugum séu stærstu líparít áreyrar í Evrópu. Jafnframt kom fram í forskoðun þeirra að afar áberandi var hversu margir bílar voru á svæðinu og svæðið oft eins og á bílasölu.

Koma þarf bílum af svæðinu og á þar til gerð stæði, annars vegar sunnan við Sólvang og hins vegar við Námskvíslina. Breiður og góður göngustígur tengi saman bæði svæðin, ásamt að stígur verði lagður frá bílastæðum við Námskvísl að laugasvæðinu og skála Ferðafélagsins.

Skoða þarf betur snjóálag við Námskvíslina.

Sýndar voru sjónlínur frá laugasvæðinu og kom fram að núverandi varnargarður mætti endurskoðast m.t.t. varna. Að sögn Ólafs Arnar var garðurinn fjármagnaður af Ferðafélagi Íslands. Gera þarf þarfagreiningu á varnargörðum á svæðinu. Veðurstofa Íslands hefur haft með vatnamælingar að gera í Laugunum og þyrfti að óska eftir niðurstöðum frá þeim við frekari hönnun á svæðinu m.t.t. varna og staðsetningar á mannvirkjum.

Styrkja þarf gróðurvernd á svæðinu með góðum stígum og stýringu á styttri leiðum um svæðið.

Byggingar eiga að vera léttar og þannig gerðar að auðvelt verði að fjarlægja þær. Sýndar voru hugmyndir um innra útlit húsa og skipulag í nágrenni þeirra.

ASJ hjá VA-arkítektum lagði fram grunnskjal þarfagreiningar vegna framtíðaruppbyggingar. Hópurinn ræddi ýmsar grunnstærðir varðandi fjölda ferðamanna og starfsmanna, stöðu þekkingar um þolmörk svæðisins og mögulega dreifingu álags innan þess. Ákveðið að kalla strax eftir frekari ábendingum frá öllum í vinnuhópnum varðandi þau atriði sem sett eru fram í grunnskjalinu. Jafnframt verði farið betur yfir þann hámarks-gestafjölda sem vinningstillagan ræður við og skoðað hvort bæta megi við þekkingargrunninn varðandi álagstoppa með skipulegri gagnasöfnun í Landmannalaugum nú í sumar.

Stýrihópur leggur til að hugað verði að nauðsynlegum framkvæmdum í samræmi við áherslur hópsins. Hópurinn telur eðlilegast að sótt verði um styrki til slíkra verkefna og telur það liggja beinast við að sveitarfélagið Rangárþing ytra óski eftir styrkjum í slík verkefni með Umhverfisstofnun. Hópurinn leggur einnig áherslu á að allar umsóknir um styrki til framkvæmda í Landmannalaugum byggi á fyrirliggjandi þarfagreiningu. Jafnframt leggur hópurinn til að haft verði samband við Veðurstofu Íslands, Landgræðsluna og Fiskistofu um áframhaldandi vinnu við gerð og hönnun varnargarða við Námshraun.

Stýrihópurinn leggur til að sótt verði um styrk til framkvæmda við 1. áfanga. Fulltrúar Umhverfisstofnunar og sveitarfélagsins munu leggjast yfir styrkumsókn til Framkvæmdasjóðs ferðamannastaða.

Lagt fram til kynningar.

Tillaga erum um að sveitarstjórn staðfesti fyrirliggjandi samning við Framkvæmdasjóð ferðamannastaða um 60 m. kr styrk til uppbyggingar í Landmannalaugum og felur sveitarstjóra að undirrita hann.

Samþykkt samhljóða.

Fyrir liggur hönnunaráætlun vegna endurbóta á bílastæði við Námskvísl í samræmi við gildandi deiliskipulag svæðisins sem byggir á verðlaunatillögu Landmótunar sf og VA arkitekta. Jafnframt liggur fyrir verðtilboð, 3.1 mkr, frá Landmótun sf til að ljúka við hönnun bílastæðanna og gerð útboðsgagna. Tillaga er um að ganga að tilboðinu og fela sveitarstjóra að ganga frá samningum og vinna málið áfram. Verkefnið er fjármagnað af styrk sem sveitarfélagið hlaut úr Framkvæmdasjóði ferðamannastaða.

Samþykkt samhljóða.