Eignir í umsjá Húsakynna bs

Farið yfir lista um sameiginlegar fasteignir (fylgiskjal 1 með samþykktum). Ljóst að staðfesta þarf nokkur atriði varðandi nákvæma eignarhluta og skráningu í fasteignaskrá. Eins er líklegt að vanti einhverjar eignir á listann. Óskað eftir því að sveitarstjórar vinni í málinu og leggi uppfærðan lista fyrir stjórnina.

Farið yfir lista sameiginlegra eigna á Holtamannaafrétti.



Tillaga um að sveitarstjórum verði falið að undirbúa útleigu reksturs eigna við Þóristungur og girðingar við Hald. Einnig verði kannaðir möguleikar með útleigu á umsjón og rekstri annarra girðinga og eigna á afréttinum.



Samþykkt samhljóða.

Auglýst var eftir tilboðum í rekstur eigna á Holtamannaafrétti með fresti til 15. maí. Tvö tilboð bárust bæði í Þóristungur, frá Fish partners annars vegar og Karli Ölvissyni og Helgu Maríu Hafþórsdóttur í Þjórsártúni hins vegar. NJ og ÁS falið að ræða við tilboðsgjafa og fá nánari upplýsingar um hugmyndir þeirra um reksturinn og leggja fram tillögu fyrir næsta stjórnarfund.

Samþykkt er að ganga til samninga við Fish partner ehf til þriggja mánaða með möguleika á framlengingu til lengri tími samkvæmt tilboði Fish partner ehf. Á þessu þriggja mánaða tímabili skal húsaleiga vera 100.000 kr á mánuði. Fish partner ehf yfirtekur þær pantanir sem þegar hafa borist í sumar. Umsjónarmanni fasteigna er falið að vinna endurbótaáætlun á húsinu í samstarfi við Fish partner ehf.



Samþykkt að leigja Vatnajökulsþjóðgarði hestagirðingu í Nýjadal til fimm ára með sex mánaða uppsagnarákvæði.



Sveitarstjórum (NJ og ÁS) falið að ganga frá leigusamningum í samræmi við umræður fundarins.

Frestað til næsta fundar.

Rætt var um hugmyndir að framtíðarfyrirkomulagi á rekstri hússins í Þóristungum en komið er að gagngeru viðhaldi. Lögð var fram kostnaðaráætlun að fjárhæð um 15 m til viðhalds hússins. Tillaga lögð fram um að bjóða húsið til kaups í því ástandi sem það er og með þeim skilyrðum að fjallmenn hafi gjaldfrían aðgang að húsinu í fjallferðum.



Tillagan samþykkt með tveimur atkvæðum (IPG,YKJ), einn sat hjá (KÖ).

4.1 Sala húsa í Þóristungum
Fyrir fundinum liggja tillögur að auglýsingu fyrir húsin í Þóristungum. Ákveðið að auglýsa eftir tilboðum á fasteignavef Fannberg-fasteignasölu. Fasteignasalan stingur upp á að auglýsa opið hús á ákveðnum tíma á næstunni. ÁS falið að fylgja málinu eftir. Skilgreining á lóð undir húsin er í ferli hjá Ásahreppi.

4.2 Skálar á Holtamannaafrétti
Um er að ræða skála í Þúfu, Illugaveri og Hvanngili. Mikilvægt er að nýta vettvangsferð til að gera úttekt á ástandi skálanna og meta þörf fyrir viðhald og slíkt.

4.3 Heysala á Holtamannaafrétti
NJ upplýsti að skrifstofa Ásahrepps sá um heysöluna sl. ár í Þóristungum, Haldi, Hvanngili og Þúfu. Heysalan stóð undir sér á síðasta ári.

4.4 Landréttir í Réttarnesi
Rætt um viðhald á þessum menningarverðmætum og fyrirkomulagi til framtíðar. Mikilvægt er að setja saman áætlun varðandi enduruppbyggingu réttanna og áningaraðstöðu á staðnum. Einnig mætti huga að hinum fornu réttum við Hald. ÁS falið að leita upplýsinga um fyrirkomulag enduruppgerðar slíkra hlaðinna rétta í nágrannasveitarfélögum. Einnig er rétt að vera í góðu samráði við minjavörð Suðurlands um þetta málefni.

4.5 Körfuboltavöllur úti - erindi frá nemendum
Fyrir fundinum lá erindi frá nemendum við Laugalandsskóla varðandi uppbyggingu á körfuboltavelli utandyra. ÁS falið að láta meta kostnað við að koma upp slíkum velli og vísa til gerðar næstu fjárhagsáætunar.

4.6 Salernishús við Tjaldsvæði - erindi frá leigjendum
Farið yfir erindið. ÁS falið að afla staðfestingar á eignarhaldi og afgreiðslu erindis frestað til næsta fundar.

2.1 Sala á húsum í Þóristungum
Lagt fram yfirlit frá Fannberg fasteignasölu varðandi tilboð í húseignir í Þóristungur. Hæsta tilboð í húsin var 13.000.000.- kr og leggur stjórn Húsakynna til við sveitarstjórnir Rangárþings ytra og Ásahrepps að taka tilboði hæstbjóðanda. Skilyrt verði í kaupsamningi og þinglýst sú kvöð að fjallmenn hafi skilyrðislausan gjaldfrjálsan aðgang að húsunum í leitum hvert ár.

Samþykkt með 2 atkv. (IPG,YKJ), einn var á móti (KÖ).

2.2 Landréttir í Réttarnesi
Búið er að kanna hvernig uppbyggingu var háttað við endurnýjun fjárrétta í Árnessýslu. Algengt fyrirkomulag hefur verið að sérstök hollvinasamtök hafi leitt slíkt endurbyggingarstarf en sveitarfélögin hafi einnig verið bakhjarlar í starfinu. Fyrir liggja greinargóðar heimildir um dilkaskipan og sögu Landrétta og gæti verið fyrsta skrefið að koma upp upplýsingaskilti. Ákveðið að fela ÁS að undirbúa málið og kynna á næsta stjórnarfundi. Formaður mun leita eftir samstarfi við áhugasama heimamenn um stofnun hollvinafélags réttanna.

2.3 Salernishús við Tjaldsvæði - erindi frá leigjendum
Húsið er í sameiginlegri eigu Rangárþings ytra og Ásahrepps og samkvæmt 4. gr. leigusamnings ber leigutaka að sjá um viðhald hússins. Erindinu er því hafnað.

Í ljósi þess að Ásahreppur hafnaði kauptilboði í húsið lagði formaður fram eftirfarandi tillögur:

2.1 Tillaga um útleigu á Þóristungum sumarið 2017
Undirritaður leggur til að formanni stjórnar verði falið að ganga til samninga við
Fish Partner ehf. um leigu á Þóristungum til þriggja mánaða í sumar. Leiga verði sú
sama og í fyrrasumar að viðbættri vísitöluhækkun.
Ingvar P. Guðbjörnsson

Greinargerð:
Þann 31. maí 2016 bókaði stjórn Húsakynna eftirfarandi: „Samþykkt er að ganga til
samninga við Fish Partner ehf. til þriggja mánaða með möguleika á framlengingu til
lengri tími samkvæmt tilboði Fish partner ehf. Á þessu þriggja mánaða tímabili skal
húsaleiga vera 100.000 kr á mánuði. [...]“
Á fundi sveitarstjórnar Ásahrepps þann 10. maí 2017 var eftirfarandi bókað:
„Hreppsnefnd hafnar sölu á Þóristungum og leggur til að kannað verði hvort
grundvöllur sé fyrir því að tekinn verði upp leigusamningur sem samþykktur var á 10.
fundi Húsakynna bs. 31.05.2016. Umræddur leigusamningur var við sama fyrirtæki og
bauð hæðst í Þóristungur. Samþykkt.“
Málið var rætt á samráðfundi sveitarstjórna sveitarfélaganna nýverið þar sem einnig
var hvatt til þess að umræddur leigusamningur frá 31. maí 2016 yrði tekinn upp við
félagið í samræmi við framleigubókun þann dag.
Í ljósi alls þessa er ofangreind tillaga lögð fram til að tryggja að rekstur verði í húsinu í
sumar.

Tillagan borin upp og samþykkt samhljóða.

ÁS falið að senda út reikninga fyrir leigu og fela leigutökum að yfirtaka þær pantanir sem þegar hafa borist fyrir sumarið.


2.2 Tillaga um að vinna að langtímaleigusamningi á Þóristungum
Lagt er til að formanni verði falið að vinna að samningi við Fish Partner ehf. um
langtímaleigu á Þóristungum sem hafi það markmið að leigutaki endurbæti húsið í
samræmi við úttekt frá árinu 2016 og skili því svo að leigutíma loknum til leigutaka
uppgerðu eftir ákvæðum samningsins. Samningurinn verði lagður fyrir stjórn til
umfjöllunar og staðfestingar á næstu þremur mánuðum og mun ekki öðlast gildi fyrr
en stjórn Húsakynna bs. hefur samþykkt hann og sveitarstjórnir Rangárþings ytra
og Ásahrepps staðfest hann.
Ingvar P. Guðbjörnsson

Greinargerð:
Þessi tillaga er lögð fram í samræmi við umræður á samráðfundi sveitarstjórna nú
nýverið þar sem þessi leið var lögð til. Tillagan gengur út á að fela formanni umboð til
að ganga til samninga, með öllum eðlilegum fyrirvörum og mun samningur verða að
koma aftur fyrir stjórn, að því gefnu að samningar takist á milli aðila. Skal
samningurinn miða að því að sett verði upp endurbótaáætlun sem leigutakar þurfi að
uppfylla á ákveðnu árabili og skila svo húsinu til leigusala í uppgerðu ástandi. Að öðru
leyti þarfnast tillagan ekki útskýringa.

Afgreiðslu frestað.

Samningur við Fish Partner er útrunninn. Tillaga um að auglýsa rekstur húsanna í Þóristungum, Hvanngili og Gásagusti á Holtamannaafrétti sem eru í umsjá Húsakynna bs. Ýmsar útfærslur gætu verið mögulegar s.s. að greiða leigu með endurnýjun húsanna. Hugsanlegt væri að félagasamtök tækju hús að sér líkt og ágæt reynsla er af. Gjarnan mætti hvetja heimafólk til að senda inn umsóknir.

Samþykkt samhljóða.

2.1 Þóristungur, samningur við Fish partner

Tillaga um að vinna að langtímaleigusamningi á Þóristungum

Lagt er til að formanni verði falið að vinna að samningi við Fish Partner ehf. um langtímaleigu á Þóristungum sem hafi það markmið að leigutaki endurbæti húsið í samræmi við úttekt frá árinu 2016 og skili því svo að leigutíma loknum til leigutaka uppgerðu eftir ákvæðum samningsins. Samningurinn verði lagður fyrir stjórn til umfjöllunar og staðfestingar fyrir miðjan mars n.k og mun ekki öðlast gildi fyrr en stjórn Húsakynna bs. hefur samþykkt hann og sveitarstjórnir Rangárþings ytra og Ásahrepps staðfest hann.

Ingvar P. Guðbjörnsson

Greinargerð:
Þessi tillaga er lögð fram í samræmi við umræður á samráðfundi sveitarstjórna nú nýverið þar sem þessi leið var lögð til. Tillagan gengur út á að fela formanni umboð til að ganga til samninga, með öllum eðlilegum fyrirvörum og mun samningur verða að koma aftur fyrir stjórn, að því gefnu að samningar takist á milli aðila. Skal samningurinn miða að því að sett verði upp endurbótaáætlun sem leigutakar þurfi að uppfylla á ákveðnu árabili og skila svo húsinu til leigusala í uppgerðu ástandi. Að öðru leyti þarfnast tillagan ekki útskýringa.

Tillagan borin upp og samþykkt með 1 atkvæði (KÖ sat hjá)

2.2 Aðrar eignir á Holtamannaafrétti
Formaður lagði fram tillögu um að auglýst yrði eftir áhugasömum um að taka gömlu fjallaselin í Hvanngiljum (Hvanngiljahöll) og í Þúfuveri (Gásagustur) á Holtamannaafrétti í fóstur líkt og t.a.m. hefur heppnast vel í Illugaveri.

Tillagan borin upp og samþykkt með 1 atkvæði (KÖ sat hjá)

2.1 Þóristungur
Formaður lagði fram samning við Fish partner um Þóristungur. Samningurinn var borinn upp til atkvæða og samþykktur með tveimur atkvæðum (IPG,YKJ), einn var á móti (KÖ).

Bókun frá Karli Ölvissyni
Að mínum dómi má t.d. ekki fækka herbergjum eins og samningurinn gerir ráð fyrir.

Málefni Þóristungna kynnt. Lagt fram ástandsmat á hesthúsi í Þóristungum og viðhaldsþörf. Einnig lagt fram mat á viðhaldskostnaði. Málinu vísað til Ásahrepps sem hefur umsjón með fasteignum á Holtamannaafrétti skv. þjónustusamningi milli Ásahrepps og Rangárþings ytra frá desember 2015.

Lagðar fram til kynningar myndir af húsinu í Þóristungum sem nú hefur tekið algjörum stakkaskiptum. VV mun á næstu vikum láta taka út framkvæmdirnar með formlegum hætti.

Tekið fyrir erindi frá Engilbert Olgeirssyni og Rán Jósepsdóttur en þau hafa óskað eftir viðræðum um að kaupa aðstöðuhús við tjaldsvæðið á Laugalandi. Þau telja að komið sé að töluverðu viðhaldi. Tekið er vel í erindið. Ákveðið að óska eftir verðmati fasteignasala á eigninni. Jafnframt er formanni falið að hitta Engilbert og Rán þegar verðmat liggur fyrir. Afgreiðslu frestað til næsta fundar.

Fyrir liggur verðmat á tjaldstæðahúsinu frá fasteignasala og formaður hefur fundað með Engilbert Olgeirssyni og Rán Jósepsdóttur um málið eins og ákveðið var á síðasta fundi. Tillaga er um að ganga til samninga við Engilbert og Rán um kaup á húsinu fyrir 400.000 kr. Jafnframt verði stofnuð lóð undir aðstöðuhúsið og tilheyrandi breytingar gerðar á leigusamningi um tjaldsvæðið þannig að fram komi að húsið verði fjarlægt í lok leigutíma.

Samþykkt með 2 atkvæðum (HT,BJJ), 1 á móti (ST)

Bókun frá ST. ST telur réttara að húsið verði áfram í eigu sveitarfélaganna og að gengið verði til samninga við leigutaka um að gera nauðsynlegar endurbætur á húsinu frekar en að selja það.

Lagður fram og samþykktur samhljóða með smávægilegum orðalagsbreytingum endurskoðaður samningur um tjaldsvæði á Laugalandi.

Lagt fram minnisblað um framtíðarnýtingu skólastjórahúss. Fyrir liggur að ráðast þarf í endurbætur og taka þarf ákvörðum um fyrirkomulag á leigu neðri hæðar.
Efrhæð verður áfram nýtt sem íbúðarhúsnæði. Komið hefur fram hugmynd að nýta neðrihæð til annars en íbúðar.
Tómasi falið að gera kostnaðargreiningu með það í huga að koma húsnæðinu í gott lag.

Samþykkt samhljóða.

Staða eigna í umsjá Húsakynna rædd.

HT ræddi um framtíð skólastjórahússins og fór yfir minnisblað frá stjórn Húsakynna bs. Fyrir liggur að komið er að ákveðnum tímamótum varðandi framtíð hússins og rétt að velta fyrir sér hvað sé best að gera. Mögulega mætti stofna lóð og selja húsið. Þá kemur til greina að húsið verði rifið eða þá gert upp til framtíðar. Ákveðið að óska eftir því við stjórn Húsakynna bs að vinna málið áfram að leggja fram gögn og eftir atvikum útfærða tillögu fyrir sveitarstjórnir. Fram kom að endurnýjun á gólfi Íþróttahússins er á rekstraráætlun Húsakynna bs 2022. Þá kom fram að nú stendur yfir vinna Húsakynna bs með skólastjórnendum á Laugalandi varðandi innra skipulag í skólabyggingunum á Laugalandi. ÁBÓ ræddi hesthús í Þóristungum sem þarfnast orðið aðhlynningar. Stjórn Húsakynna bs. falið að greina möguleika í stöðunni og leggja fram tillögu um aðgerðir í málinu.

4.1. Skólastjórahús
Í kjölfar minnisblaðs sem lagt var fram á 12. fundi í stjórn Húsakynna bs hefur málið verið skoðað betur varðandi framtíð skólastjórahússins. Rætt hefur verið að komið sé að tímamótum með framtíð hússins. Því hefur verið velt upp hvort mögulega mætti stofna lóð og selja húsið; hvort til greina komi að húsið verði rifið eða þá gert upp til framtíðar. Við frekari skoðun hefur komið fram að húsið er ennþá skráð í 75% eigu ríkisins eins og skólahús voru þegar grunnskólarnir voru fluttir frá ríki til sveitarfélaga á sínum tíma. Það eru því fáir valkosti í stöðunni eins og sakir standa. Stjórn Húsakynna bs beinir því til sveitarstjórna aðildarsveitarfélaganna að meta hvort fara eigi í viðræður við ríkið um yfirfærslu eignarhluta ríkisins til sveitarfélaganna.

4.2. Hesthús í Þóristungum
Á samráðsfundi Rangárþings ytra og Ásahrepps þann 15.11.2021 var rætt um hesthús í Þóristungum sem þarfnast orðið aðhlynningar. Þar var málinu vísað til stjórnar Húsakynna bs. til að greina möguleika í stöðunni og leggja fram tillögu um aðgerðir í málinu. Talið er að leggja þurfi 2.5 mkr í viðhald hússins ef vel á að vera. Ekki hefur verið gert ráð fyrir þeim fjármunum í fjárhagsáætlun 2022. Stjórn Húsakynna bs óskar því eftir að sveitarstjórnir aðildarsveitarfélaganna taki afstöðu til þess hvort gera eigi viðauka við fjárhagsáætlun ársins 2022 til að mæta þessum kostnaði eða hvort beina eigi verkefninu til fjárhagsáætlunar 2023.