Málsnúmer 1608033

Vakta málsnúmer

Skipulags- og umferðarnefnd - 99. fundur - 10.10.2016

Rangárþing ytra vinnur að gerð breytingar á aðalskipulagi sveitarfélagsins 2010-2022 þar sem um breytingu úr landbúnaðarlandi í verslunar- og þjónustusvæði í landi Uxahryggjar er að ræða.
Skipulagsnefnd gerir ekki athugasemdir við fyrirliggjandi lýsingu og leggur til að hún verði kynnt skv. 1. mgr. 30. gr. skipulagslaga nr. 123/2010.

Skipulags- og umferðarnefnd - 104. fundur - 12.12.2016

Rangárþing ytra vinnur að gerð breytingar á aðalskipulagi sveitarfélagsins 2010-2022 þar sem um breytingu úr landbúnaðarlandi í verslunar- og þjónustusvæði í landi Uxahryggjar er að ræða. Lýsing var kynnt til og með 4. nóvember. Ábendingar bárust frá Rangárþingi eystra varðandi mörk sveitarfélaganna á umræddu svæði og einnig frá Skipulagsstofnun sem tekið hefur verið tillit til í meðfylgjandi tillögu.
Við nánari skoðun skipulagsfulltrúa hefur komið í ljós misræmi í afmörkun sveitarfélagamarka á umræddu skipulagssvæði. Mörk sveitarfélaganna Rangárþings ytra og Rangárþings eystra ber ekki saman á uppdráttum aðalskipulaga beggja sveitarfélaga. Nefndin telur þó ekki ástæðu til að fresta umræddri breytingu á landnotkun, þar sem umfang breytingarinnar er langt innan marka þess að nákvæm afmörkun verði gerð á uppdrætti og að væntanleg breyting á mörkum sveitarfélaganna muni ekki hafa nein áhrif á áformaða landnotkun. Nefndin vill þó árétta að ekki verði unnið að gerð deiliskipulags fyrir viðkomandi svæði fyrr en að loknu samráðsferli um mörk sveitarfélaganna tveggja.

Nefndin leggur því til að tillagan verði kynnt skv. 2. mgr. 30. gr. skipulagslaga nr. 123/2010 og í framhaldinu verði send Skipulagsstofnun skv. 3. mgr. 30. gr. sömu laga.

Skipulags- og umferðarnefnd - 105. fundur - 09.01.2017

Rangárþing ytra vinnur að gerð breytingar á aðalskipulagi sveitarfélagsins 2010-2022 þar sem um breytingu úr landbúnaðarlandi í verslunar- og þjónustusvæði í landi Uxahryggjar er að ræða. Tillagan hefur verið kynnt skv. 2. mgr. 30. gr. skipulagslaga.
Skipulagsnefnd samþykkir fyrirliggjandi tillögu og leggur til að hún verði auglýst skv. 30. gr. skipulagslaga nr. 123/2010.

Skipulags- og umferðarnefnd - 106. fundur - 06.02.2017

Rangárþing ytra vinnur að gerð breytingar á aðalskipulagi sveitarfélagsins 2010-2022 þar sem um breytingu úr landbúnaðarlandi í verslunar- og þjónustusvæði í landi Uxahryggjar er að ræða. Tillagan hefur verið kynnt skv. 2. mgr. 30. gr. skipulagslaga. Athugasemdir bárust frá Skipulagsstofnun vegna skorts á þarfagreiningu á stöðu ferðaþjónustunnar, bæta þarf stefnu um umfang og yfirbragð mannvirkja og komið var inná staðsetningu uppbyggingarsvæðisins m.t.t. fjarlægðar frá Þverá og þjóðvegi.
Skipulagsnefnd hefur farið yfir fram lagðar athugasemdir frá Skipulagsstofnun. Gerðar hafa verið nauðsynlegar lagfæringar á tillögunni að teknu tilliti til athugasemda. Nefndin samþykkir fyrirliggjandi tillögu og leggur til að hún verði auglýst skv. 30. gr. skipulagslaga nr. 123/2010.