Málsnúmer 1610005

Vakta málsnúmer

Skipulags- og umferðarnefnd - 99. fundur - 10.10.2016

BIOKRAFT hefur sent Skipulagsstofnun meðfylgjandi tillögu að matsáætlun um áform fyrirtækisins um að reisa allt að 13 vindmyllur í landi fyrirtækisins norðan Þykkvabæjar, skv. 2. mgr. 8. gr. laga nr. 106/2000 og 17. gr. reglugerðar nr. 660/2015 um mat á umhverfisáhrifum. Óskað er umsagnar Rangárþings ytra um hvort tillagan geri nægjanlega grein fyrir framkvæmdinni og umhverfi hennar.
Skipulagsnefnd telur að nægjanlega sé gerð grein fyrir þeim umhverfisþáttum sem taka til umræddrar framkvæmdar í tillögu að matsáætlun. Nefndin gerir þó eftirfarandi athugasemdir:

1.Í kaflanum um hljóðvist er hvergi sagt frá nærliggjandi skilgreindu frístundasvæði í aðalskipulagi sveitarfélagsins. Nefndin bendir á að umrætt frístundasvæði merkt F2 í greinargerð aðalsipulagsins er í um 500 metra fjarlægð frá áformuðum vindmyllum ef marka má mynd á bls. 2.

2. Í upptalningu á þeim leyfum sem framkvæmdin kallar á í kafla 1.5 á bls. 5 er sagt frá því að leyfi frá byggingarfulltrúa þurfi vegna hávaða frá atvinnustarfsemi. Nefndin bendir á að samkvæmt 11. gr. reglugerðar um hávaða nr. 724/2008 séu það Heilbrigðisnefndir undir yfirumsjón Umhverfisstofnunar sem hafa eftirlit með framkvæmd reglugerðar um hávaða.

3. Á bls. 1 er sagt að virkjunarsvæðið sé 357 ha að stærð. Nefndin telur að hér sé um misræmi í stærðum að ræða þar sem í kafla 1.6. á bls 7 er talað um að ekki sé lengur gert ráð fyrir Austurbæjarmýrinni undir framkvæmdasvæði virkjunarinnar.

4. Skipulagsnefnd óskar eftir að betur verði gerð grein fyrir efnistöku í tengslum við framkvæmdina í frummatsskýrslu.

5. Skipulagsnefnd telur að taka þurfi afstöðu til nálægðar við núverandi norðurljósamöstur Raunvísindastofnunar Háskóla Íslands, sem eru á suðurmörkum Austurbæjarmýrar.

Sveitarstjórn Rangárþings ytra - 29. fundur - 12.10.2016

Vísað er til umfjöllunar um einstaka liði en fundargerðin að öðru leyti til kynningar.
  • .1 1602075 Framkvæmdaáætlun Vatnsveitu 2016 - endurskoðun
    Vatnsveita Rangárþings ytra og Ásahrepps - 45 Veitustjóri kynnti yfirlit um núverandi samtengingar einstakra veitna og leiðir til að tengja þær enn frekar saman til að tryggja afhendingaröryggi. Einnig var farið yfir fyrirliggjandi áfangaskiptingu frá Rangárljósi þar sem hægt er að samnýta jarðvegsvinnu. Tillaga liggur fyrir um að vatnsveitan óski eftir heimild til framkvæmda að upphæð kr. 40 m. sem skiptist á árin 2016 og 2017. Gert er ráð fyrir að 13.6 m. falli til á árinu 2016 sem þarf þá að gera ráð fyrir í viðauka við fjárhagsáætlun ársins 2016 en afgangnum verði vísað til fjárhagsáætlunar 2017. Gert er ráð fyrir að fjárþörfinni verði mætt með lántöku vatnsveitunnar. Óskað er eftir því við aðildarsveitarfélög vatnsveitunnar að þau gangist í ábyrgð vegna lántökunnar, í samræmi við ákvæði í samþykktum vatnsveitunnar, og tryggi skammtímafjármögnun á árinu 2016 þar til lánsfé hefur fengist.

    Samþykkt samhljóða.     Bókun fundar Tillaga er um að sveitarstjórn samþykki fyrir sitt leyti fyrirætlanir vatnsveitunnar um nýjar framkvæmdir að upphæð kr. 40. m sem skiptast á árin 2016 og 2017 og jafnframt að gangast í ábyrgð vegna lántöku til fjármögnunar á fyrrgreindum framkvæmdum. Byggðarráði verði falið að undirbúa viðauka við fjárhagsáætlun til að mæta skammtímafjármögnun á þeim hluta framkvæmdanna sem falla til á árinu 2016.

    Samþykkt samhljóða.

Skipulags- og umferðarnefnd - 112. fundur - 08.05.2017

Skipulagsstofnun hefur farið yfir framlagða tillögu Biokraft að matsáætlun. Stofnunin fellst á tillögu framkvæmdaraðila að matsáætlun með athugasemdum.
Lagt fram til kynningar.