Árbæjarhellir land 2, deiliskipulag þjónustusvæðis vestan Árbæjarvegar

Eigendur Árbæjarhellis 2, landnr. 198670 óska eftir heimild til að deiliskipuleggja hluta úr landi sínu undir verslunar- og þjónustustarfsemi. Nýtt verslunar-og þjónustusvæði verður um 3 ha að stærð og þar er gert ráð fyrir byggingu veitinga- og gistiheimilis í tengslum við ferðaþjónustu. Lögð er fram lýsing skipulagsáforma.

Eigendur Árbæjarhellis 2, landnr. 198670 leggja fram tillögu að deiliskipulagi úr landi sínu undir verslunar- og þjónustustarfsemi. Nýtt verslunar- og þjónustusvæði verður um 3 ha að stærð og þar er gert ráð fyrir byggingu veitinga- og gistiheimilis í tengslum við ferðaþjónustu. Tillaga að breytingu á aðalskipulagi hefur verið kynnt.

Eigendur Árbæjarhellis 2, landnr. 198670 leggja fram deiliskipulag af hluta úr landi sínu undir verslunar- og þjónustustarfsemi. Nýtt verslunar- og þjónustusvæði verður um 3 ha að stærð og þar er gert ráð fyrir byggingu veitinga- og gistiheimilis í tengslum við ferðaþjónustu. Tillaga lögð fram samhliða breytingu á aðalskipulagi.

Eigendur Árbæjarhellis 2, landnr. 198670 leggja fram deiliskipulag af hluta úr landi sínu undir verslunar- og þjónustustarfsemi. Nýtt verslunar- og þjónustusvæði verður um 3 ha að stærð og þar er gert ráð fyrir byggingu veitinga- og gistiheimilis í tengslum við ferðaþjónustu. Breyting á aðalskipulagi hefur einnig verið unnin samhliða. Tillagan var auglýst frá 13.2.2017 til og með 30.3.2017. Breyting á aðalskipulaginu var auglýst samhliða og bárust eftirfarandi athugasemdir: Áréttað er að allar athugasemdir eru birtar sem fylgiskjöl fundarins og því er hér einungis um grófa upptalningu að ræða.
1. Guðmundur Ólafsson formaður sumarhúsafélagsins Vatnshóla gerir athugasemd við stærðir húsa og vill fá frekari upplýsingar um áformaðan verslunarrekstur. Einnig hefur hann miklar áhyggjur af vatnsmálum og óskar eftir svari um hvernig sveitarfélagið hyggst tryggja nægilegt vatnsmagn á svæðið. Hann óskar eftir fyrir hönd landeigenda í Vatnshólum og sumarhúsafélagsins Vatnshóla að frestur til athugasemda verði framlengdur til 1. maí 2017.
2. Íbúi, sem ekki vildi láta nafns síns getið, hafði áhyggjur af með hvaða hætti reiðstígur yrði gerður meðfram Árbæjarvegi ef þessi áform yrðu að veruleika.
3. Guðrún S. Gísladóttir, eigandi að lóð í Vatnshólum, nærliggjandi frístundasvæði, gerir athugasemdir við að breyta eigi núverandi beitarlandi í verslunar- og þjónustusvæði. Einnig mótmælir hún harðlega þeirri málsmeðferð að teknu tilliti til þess stutta tíma sem gefst til athugasemda.
4. Magnús Baldursson lögmaður, fyrir hönd Kvista ehf og eiganda Kvista Gunther Rolf Weber, mótmælir harðlega fyrirhuguðum áformum og leggur fram athugasemdir í 5 liðum.
a. Gerð er athugasemd við kynningu á fyrirhuguðum breytingum í aðalskipulagi.
b. Athugasemdir gerðar við nálægð íbúðarhússins að Kvistum.
c. Áformuð starfsemi og nálægð við Kvisti samrýmist ekki þeim áherslum sem tamningar hrossa, umsjón þeirra og velferð kalli á í rekstri hrossaræktar.
d. Kallað er eftir heildstæðri stefnu í uppbyggingu ferðaþjónustu í sveitarfélaginu í stað þess að láta eftir hugdettum einstakra landeigenda á landbúnaðarsvæðum.
e. Gerð er athugasemd við að Rangárþing ytra hafi ekki fengið leyfi ráðherra til að taka umrætt land úr landbúnaðarnotum og vísað í Jarðalögin.
5. Andres Pétur Rúnarsson fyrir hönd Brekknaáss ehf, eiganda að sumarhúsi í Vatnshólum, gerir athugasemdir við að áform skildu ekki hafa verið kynnt nægilega til eigenda sumarhúsa á næstu lóð. Líst er yfir áhyggjum með byggingarmagn og einnig spurt með hvaða hætti sveitarfélagið ætli að útvega vatn í slíka starfsemi þegar ekki virðist nægilegt vatn til staðar í þau sumarhús sem þegar eru á svæðinu. Vitnað er í bréf sem framkvæmdaaðili sendi á nærliggjandi lóðarhafa og bent á misræmi í því gagnvart skipulagstillögunni. Sveitarfélagið er hvatt til að endurskoða ákvörðun sína.
6. Hilmar Binder fyrir hönd eignarhaldsfélagsins Hlöðunnar ehf leggst alfarið gegn fyrirhuguðum breytingum á skipulagi. Búist er við aukinni umferð um svæðið með tilheyrandi ónæði fyrir íbúa, hrossaræktendur og eigendur sumarhúsa. Fleiri athugasemdir eru vegna hættu á aukinni umferð. Líst er yfir áhyggjum með útvegun á vatni. Spurt er út í hvaða íbúar eða ferðamenn það eru sem áformuð uppbygging á að þjóna. Áhyggjur eru settar fram vegna byggingarmagns og heimild til stærri bygginga í framtíðinni. Lagt er til að uppbygging ferðaþjónustu eigi frekar að vera á Gaddstaðaflötum við Hellu en ekki í dreifbýli. Sveitarfélagið er hvatt til að endurskoða ákvörðun sína.
7. Ingibjörg Guðmundsdóttir fyrir hönd fjölskyldna að Vatnshólum 4, 4a og 4b leggs alfarið gegn breytingum á skipulagi svæðisins vegna nálægðar við þegar skilgreint frístundasvæði þeirra. Gagnrýnt er með hvaða hætti kynning á áformum hefur farið fram. Fyrirhuguð landnýting er sögð í ósamræmi við núverandi landnýtingu og staðsetning er óásættanleg. Gerð er athugasemd við staðsetningu bygginga og byggingarmagn. Vandséð er hvernig áformuð starfsemi mun uppfylla kröfur reglugerðar um hávaða. Lítið gert úr áhrifum þess í umhverfisskýrslu skipulagstillögunnar. Óljósar forsendur sveitarfélagsins um að umferð muni aukast lítillega. Mætti skilja greinargerð með tillögunni sem svo að starfrækja ætti upplýsingamiðstöð á svæðinu. Bent er á að staðsetning verslunar- og þjónustusvæðis svona nálægt frístundasvæði gæti verið þvert á reglugerð um fjarlægðir varðandi hávaða. Gerð er athugasemd við að veitur og innviðir á svæðinu beri ekki starfsemi sem þessa. Tillagan muni jafnframt hafa neikvæð áhrif á markaðsvirði aðliggjandi eigna. Ekki séu færð nein rök fyrir staðsetningu slíks þjónustkjarna utan þéttbýlis þar sem ekki sé nein þörf á frekari þjónustu við Árbæjarveginn. Val á staðsetningu slíkra svæða eigi að vera tekin með heildarhagsmuni í huga m.t.t. annarrar landnotkunar á aðliggjandi svæðum en eigi ekki að veljast eftir óskum einstakra landeigenda.
8. Fjórir aðilar fyrir hönd landeigenda og íbúa við Árbæjarveg gera athugasemdir við að breyta eigi landnotkun á svæðinu. Uppbygging ferðaþjónustu gerbreytir þeim foprsendum sem íbúar og landeigendur hafa gengið út frá. Líst er yfir áhyggjum af aukinni umferð um svæðið. Spurt er hvernig asveitarstjórn ætli að tengja saman reiðvegi og akvegi með aukinni umferð smábíla og rúta. Gerð er athugasemd varðandi texta um upplýsingagjöf og óskað eftir skýringum. Leiðrétta ber í texta að áætlunarferðir séu um Árbæjarveg á sumrin upp á hálendið. Spurt er hvort sveitarfélagið sé að tryggja aukna umferð á hálendið á veturna. Áætla mætti að ekki sé hægt að gera grein fyrir áhrifum af áformaðri starfsemi. Spurt er hvernig sveitarfélagið ætli sér að bregðast við aukningu um Árbæjarveg með nýrri tengingu yfir Þjórsá. Líst er áhyggjum af stöðvun faratækja ferðamanna við hrossahópa til að klappa þeim. Er tekið tillit til aukningar á umferð miðað við að Vatnshólasvæðið verði fullbyggt en þar vantar ennþá 27 sumarhús til að teljast fullbyggt. Efla þarf veitukerfið. Hvernig mun áformuð þjónusta þjóna íbúum og ferðamönnum? Ekki er talin frekari þörf á þjónustu við Árbæjarveg þar sem stutt er í alla þjónustu á Hellu. Miklar áhyggjur vegna aukinnar umferðar. Kallað er eftir því að uppbygging verði frekar á Hellu en í dreifbýli á stöðum sem þessum. Lagt er til að markaðsetja Hellu sem hjarta íslenska hestsins og að vera síðasti áfangastaður fyrir hálendi Íslands með tilheyrandi upplýsingamiðstöð og þjónustu fyrir ferðamenn. Undir þetta skrifa Telma Tómasson, Móa, Páll Briem, Víðibakka, Guðmundur Þorbjörnsson, Snjallsteinshöfða 1D og Gerður Pálsdóttir, Árbæjarhjáleigu I.
9. Ábúendur að Árbakka gera sams konar athugasemdir og hér næst að ofan og hvetja sveitarfélagið til að breyta ákvörðun sinni um að breyta landbúnaðarlandi í verslunar- og þjónustusvæði á þessum stað.
10. Guðrún Ólafsdóttir eigandi frístundalóðar að Vatnshólum 1a, 1b og 1c mótmælir þeim áformum sveitarstjórnar að breyta landbúnaðarsvæði í verslunar- og þjónustusvæði. vantar frekari kynningar til aðliggjandi aðila. Gerð er athugasemd við stærð bygginga og að þær séu úr takti við fyrirliggjandi byggingar í landi Vatnshóla. Einnig er gerð athugasemd við stærð byggingarreita og miðað við byggingarreiti í Vatnshólumj því til smanburðar. Mótmælt er staðsetningu svona nálægt mörkum Vatnshóla. Gerð er athugasemd við að Minjastofnun hafi ekki veitt umsögn sína. Spurt er hvað liggi til grundvallar þeirri fullyrðingu í greinargerð að samfélagsleg áhrif verði jákvæð. Lagt er til að haldinn verði íbúafundur með hagsmunaaðilum og áform kynnt frekar.

Eigendur Árbæjarhellis 2, landnr. 198670 leggja fram deiliskipulag af hluta úr landi sínu undir verslunar- og þjónustustarfsemi. Nýtt verslunar- og þjónustusvæði verður um 3 ha að stærð og þar er gert ráð fyrir byggingu gistiheimilis í tengslum við ferðaþjónustu. Breyting á aðalskipulagi hefur einnig verið unnin samhliða. Tillagan var auglýst frá 13.2.2017 til og með 30.3.2017. Frestur til athugasemda rann út þann 30. mars og bárust nokkrar athugasemdir. Fjallað var um allar athugasemdir á síðasta fundi og ákveðið að fresta afgreiðslu þar til svör hefðu verið sett upp í greinargerð. Svör hafa nú verið tekin saman og lögð fram til afgreiðslu.

Eigendur Árbæjarhellis 2, landnr. 198670 leggja fram deiliskipulag af hluta úr landi sínu undir verslunar- og þjónustustarfsemi. Nýtt verslunar- og þjónustusvæði verður um 3 ha að stærð og þar er gert ráð fyrir byggingu gistiheimilis í tengslum við ferðaþjónustu. Breyting á aðalskipulagi hefur einnig verið unnin samhliða. Tillagan var auglýst frá 13.2.2017 til og með 30.3.2017. Frestur til athugasemda rann út þann 30. mars og bárust nokkrar athugasemdir. Svör hafa verið send til þeirra sem gerðu athugasemdir. Skipulagsstofnun gerði athugasemdir við stærð byggingareits sem nú hefur verið lagfært skv. fram lögðum uppdrætti.