Samráðsfundur Ásahrepps og Rangárþings ytra 2017

Fundurinn er haldinn í samræmi við rammasamkomulag sveitarfélaganna tveggja frá 15. desember 2015 þar sem gert er ráð fyrir því að haldinn sé sérstakur opinn fundur í maímánuði ár hvert þar sem farið er yfir sameiginleg verkefni. Fundarstjóri var valinn Nanna Jónsdóttir en eftirfarandi atriði voru kynnt og rædd.

1. Ársyfirlit 2016 - Ágúst Sigurðsson
2. Oddi bs. - Þorgils Torfi Jónsson, Sigurgeir Guðmundsson, Sigurjón Bjarnason, Auður Erla Logadóttir og Sigrún B. Benediktsdóttir.
3. Húsakynni bs. - Ingvar P. Guðbjörnsson og Heimir Hafsteinsson.
4. Vatnsveita Rangárþings ytra og Ásahrepps bs - Þorgils Torfi Jónsson og Guðni G. Kristinsson.
5. Lundur hjúkrunarheimili - Drífa Hjartardóttir
6. Þjónustusamningar og Ársreikningar - Klara Viðarsdóttir og Þórhallur Svavarsson

Spurningar og umræður voru strax að afloknum hverjum lið. Ákveðið að sveitarstjórar muni taka saman minnisblað eftir fundinn fyrir sveitarstjórnir.

Minnispunktar frá fundinum lagðir fram til kynningar. Einnig lögð fram til kynningar bókun frá 48. fundi Ásahrepps þar sem velt er upp þeirri hugmynd hvort möguleg einföldun og hagræðing gæti hlotist af því að skipta upp þeim eignum sem eru í eigu Húsakynna bs. og viðhald sameiginlegra eigna yrði hjá sveitarfélögunum.

Sveitarstjórn Rangárþings ytra tekur vel í þessa tillögu og leggur til að oddvitum og sveitarstjórum í samráði við endurskoðendur sveitarfélaganna verði falið að leggja fram tillögu að aðgerðaáætlun á næsta sveitarstjórnarfundi.

Samþykkt samhljóða.