Brennsluofn fyrir dýrahræ og aðrar dýraleifar

Greining í samráði við Stefán Gíslasonar hjá Environice.

Ágúst Sigurðsson fer yfir stöðuna. Unnið hefur verið að málinu í samvinnu við Stefán Gíslason. Fyrir liggur kostnaðargreining og frumhönnun. Mikilvægt að allir þættir séu skoðaðir t.d. varðandi móttöku og geymslu á afurðum á Strönd. Stefán Gíslason var með á fundi undir þessum lið í gegnum síma. Stjórn samþykkir að tilkynning um fyrirhugaða framkvæmd verði send Skipulagsstofnun til ákvörðunar um matsskyldu.

Svar frá skipulagsstofnun varðandi matsskyldu. Sorpstöð Rangárvallasýslu lýsir sig reiðubúna að fara í verkefnið og óskar eftir samstafi við SOS. Formanni falið að vinna málið áfram.

Staða málsins kynnt. Fram kom að SOS hefur samþykkt að taka þátt í verkefninu.

Lögð fram tillaga að drögum að matsáætlun um brennsluofn fyrir dýrahræ og dýraleifar á Strönd á Rangárvöllum. Tillagan borin upp og samþykkt samhljóða. Tillagan verður kynnt umsagnaraðilum og almenningi og þessum aðilum gefin að lágmarki tveggja vikna frestur til að skila athugasemdum sbr. 16.gr. reglug. nr.60/2015 um mat á umhverfisáhrifum. Óskað verður eftir því við skipulags- og byggingarfulltrúa Rangárþings ytra að koma tillögunni í áðurnefnt ferli. Jafnframt ákveðið að senda tilkynningu til ákvörðunar um matskyldu til Skipulagsstofnunar um brennslu á allt að 500t. af dýraleifum á ári, samhliða mati á umhverfisáhrifum sem nú er í vinnslu.

Stefán Gíslason hjá UMÍS ehf. Environice kom á fundinn fór yfir stöðu mála vegna vinnu við mat á umhverfisáhrifum. Tillaga að matsáætlun um brennsluofn fyrir dýrahræ og dýraleifar á Strönd hafa verið kynnt almenningi og umsagnaraðilum. Engar athugasemdir bárust og hefur matsáætlunin verið send til Skipulagsstofnunar.

Ákveðið að leyta ráðgjafar hjá verkfræðingi Eflu sem er að vinna að tæknihlið þessara mála með öðrum aðilum.

Á ljósi þess að ekki er lengur hægt að fara með dýrahræ og leifar í Fíflholt er lögð fram tillaga um að sækja um undanþágu til að urða slíkan úrgang. Ágústi falið að hafa samband við forstjóra Umhverfisstofnunar.

Skipulagsnefnd telur ljóst að með ákvörðun stjórnar Sorpu bs. um að hætta að taka við úrgangi frá Suðurlandi til urðunar í Álfsnesi og með breyttum áherslum hjá Kölku eru áður viðurkenndar förgunarleiðir ekki lengur til staðar. Auk heldur uppfyllir urðun dýrahræja ekki þær kröfur sem gerðar eru í lögum og reglugerðum um förgun dýraleifa. Fyrirhuguð uppsetning á brennsluofni á Strönd er liður í lausn á þeim bráða vanda sem skapast hefur af þessum sökum. Nefndin telur umrædda tillögu að matsáætlun gera fyllilega grein fyrir framkvæmdinni og umhverfi hennar og taki vel á úrlausnum og verklagi við áframhaldandi vinnu til mats og úrvinnslu á umhverfisáhrifum. Nefndin telur að áformin séu í fullu samræmi við aðalskipulag sveitarfélagsins þar sem umrætt svæði er skilgreint sem iðnaðarsvæði. Framkvæmdin er háð byggingarleyfi skv. 9. gr. laga um mannvirki nr. 160/2010.

Verið að vinna að umhverfismati og athugasemdir eru að berast frá ýmsum aðilum. Gert er ráð fyrir að drög að frummatsskýrslu liggi fyrir 10. júní nk. Fram kom að formaður stjórnar átti fund með forstjóra Umhverfisstofnunar varðandi það millibils ástand sem skapast nú þegar förgunarleiðum fækkar varðandi dýrahræ.

Lagt fram til kynningar.

Stefán Gíslason hjá UMÍS ehf. Environice fór yfir þann búnað sem þarf að fylgja brennsluofninum, sem og aðstöðu fyrir hann. Drög að frummatsskýrslu vegna mats á umhverfisáhrifum eru tilbúin og verða send til Skipulagsstofnunar fljótlega.

Stefán Gíslason hjá UMÍS ehf. Environice og Jón Sæmundsson hjá Verkís hafa verið í sambandi við framleiðanda brennsluofnsins og safnað saman upplýsingum um hvernig best verði staðið að uppsetningu hans og fylgibúnaði.
Drög að frummatsskýrslu vegna mats á umhverfisáhrifum vegna uppsetningu brennsluofns fyrir dýraleifar á Strönd var send Skipulagsstofnun 16.10.2020.
Lagt fram til kynningar.

Stefán Gíslason hjá UMÍS ehf. Environice og Jón Sæmundsson frá Verkís fara yfir stöðu mála varðandi uppsetningu brennsluofns og fylgibúnaðs.
Farið yfir áætlað magn úrgangs sem gera má ráð fyrir að fari í brennslu.
Ágústi, Huldu, Ómari, Stefáni og Jóni falið að funda með forsvarsmönnum Sláturfélags Suðurlands, Reykjagarðs og Sláturhússins á Hellu til að fá skýrari upplýsingar um áætlað magn og tegundir úrgangs frá þessum aðilum.

Frummatsskýrsla vegna mats á umhverfisáhrifum vegna brennsluofns fyrir dýraleifar á Strönd er tilbúin og mun Skipulagsstofnun auglýsa hana í samræmi við 10. gr. laga nr. 106/2000 um mat á umhverfisáhrifum. Gert er ráð fyrir að kynningartíminn verði frá 4.febrúar til 19. mars.
Lagt fram minnisblað um stöðu mála vegna brennsluofns. Þessa dagana er unnið að áætlun um væntanlegt magn og tegund dýraleifa í fyrirhugaðan brennsluofn á Strönd. Ágúst Sigurðsson, Hulda Karlsdóttir og Ómar Sigurðsson vinna áfram að þeirri áætlun í samstarfi við Stefán Gíslason.

Tillaga er um að sveitarstjórn gerir ekki athugasemdir við framlagða frummatsskýrslu og telur hana fullnægjandi.

Samþykkt samhljóða.

Farið yfir stöðu mála, enn er unnið að áætlun um væntanlegt magn og tegund dýraleifa í fyrirhugaðan ofn og er von til þess að þeirri vinnu ljúki fljótlega.

Þar sem tímabundið leyfi til urðunar á lífrænum úrgangi rennur út 30.6.2021 nk. hefur verið óskað eftir framlengingu á því leyfi og eru samskipti þess efnis við Umhverfisstofnun lögð hér fram til kynningar.

Stefán Gíslason hjá UMÍS ehf. Environice fór yfir stöðu mála varðandi brennsluofn fyrir dýraleifar á Strönd. Áætlun um væntanlegt magn og tegund dýraleifa í fyrirhugaðan ofn liggur fyrir. Þá liggur fyrir áhættumat og tímalína vegna uppsetningar á brennsluofni að kröfu Umhverfisstofnunar vegna framlengingu á tímabundnu leyfi til urðunar á lífrænum úrgangi.

Álit skipulagsstofnunar um mat á umhverfisáhrifum barst 21.6 sl. og skv. því telur stofnunin að matsskýrslan uppfylli skilyrði laga og reglugerðar um mat á umhverfisáhrifum.

Formanni og framkvæmdastjóra falið að vinna málið áfram í samræmi við ofangreint og umræður á fundinum.

Lagt fram minnisblað um stöðu mála. Lögð hefur verið mikil vinna í þarfagreiningu og greiningu á kostnaði við uppsetningu á brennsluofni fyrir dýrahræ.
Í ljósi stefnu stjórnvalda um meðferð úrgangs og hugmynda um hátæknibrennslu samþykkir stjórn að óska eftir viðræðum við ríkisvaldið um fjármögnun verkefnisins, enda áætlað að þjónustusvæðið verði mun stærra en núverandi starfssvæði Sorpstöðvar Rangárvallasýslu bs.

Framkvæmdastjóra falið að taka saman minnisblað um stöðu verkefnisins og þá valkosti sem skoðaðir hafa verið og leggja fyrir stjórn. Stjórn ræddi framtíðarfyrirkomulag á afsetningu á dýrahræjum. Ákveðið að fá Stefán Gíslason á næsta fund stjórnar til að kynna stöðu verkefnisins.

Stefán Gíslason hjá UMÍS ehf. Environice fór yfir stöðu mála varðandi brennsluofn fyrir dýraleifar á Strönd.
Framkvæmdastjóra falið að koma með tillögu að starfshóp um uppbyggingu förgunar fyrir dýrahræ og aðrar dýraleifar á Strönd og leggja fyrir næsta fund.

Rætt um skipun starfshóps um brennsluofn fyrir dýrahræ og aðrar dýraleifar á Strönd, metið sem svo að það sé ekki tímabært á þessu stigi málsins. Ákveðið að stjórn haldi utanum verkefnið með framkvæmdastjóra. Starfslýsing fyrir verkefnið verði lögð fram á næsta fundi stjórnar.