Ytra mat leikskóla Odda bs 2021

Til hefur staðið að láta fara fram ytra mat á leikskólum Odda bs en ekki hefur enn fengist styrkur frá Menntamálastofnun til verksins. Tillaga er um að stjórn Odda bs stefni að því að láta fara fram ytra mat á leikskólum sínum árið 2021 og leiti til Menntamálastofnunar varðandi kostun á slíkri úttekt. ÁS falið að koma styrkumsókn á framfæri.

Samþykkt samhljóða.

Lagt fram svar frá Menntamálastofnun við umsókn Odda bs um ytra mat á leikskólum byggðasamlagsins. Stuðningur fékkst við úttekt á Leikskólanum á Laugalandi en ekki Leikskólanum Heklukoti að þessu sinni. Rætt um að það væri mun betra ef báðir leikskólarnir væru teknir út á sama tíma. ÁS falið að ræða við leikskólastjórana og Menntamálastofnun um að úttekt færi fram skólaárið 2021-2022 og þá fyrir báða skóla samtímis. Afgreiðslu málsins frestað til næsta fundar.

Samþykkt samhljóða.

Fyrir liggur að Menntmálastofnun er tilbúin að standa að ytra mati á báðum leikskólum Odda bs. nú í vor í samvinnu við Odda bs. Áætlaður kostnaður sem myndi falla á Odda bs. er 1 m. kr. Reiknað er með að sá kostnaður rúmist innan sameiginlegs kostnaðar í fjárhagsáætlun Odda bs.

Tillaga um að fela ÁS að semja um verkefnið á fyrrgreindum forsendum.

Samþykkt samhljóða.

Fyrir liggur samningur við úttektaraðila um ytra mat á Leikskólanum Heklukoti. Lagt er til að staðfesta samninginn.

Samþykkt samhljóða.

Lagðar fram til kynningar skýrslur um ytra mat fyrir Leikskólann á Laugalandi og Heklukot. Ákveðið að eiga við fyrsta tækifæri sameiginlegan fund með leikskólastjórum þar sem farið væri í gegnum skýrslurnar og niðurstöður þeirra.

Samþykkt samhljóða.

Menntamálastofnun í samvinnu við Odda bs. hefur nú lokið ytra mati á leikskólum Odda bs. Úttektaraðilar hafa lagt fram skýrslur fyrir hvorn skóla um sig auk sérstakrar samantektar á helstu niðurstöðum. Úttektarskýrslurnar verða nú birtar á heimasíðum sveitarfélaganna og skólanna og starfsmenn og foreldrar hvattir til að kynna sér efni þeirra. Í úttektarskýrslunum koma fram margar gagnlegar ábendingar sem verða nú teknar til skoðunar í hvorum skóla fyrir sig og er því beint til skólanna að greina þessi atriði og hrinda umbótum í framkvæmd.

Leikskólastjórar fóru yfir drög að umbótaáætlunum vegna ytra mats sem unnið var fyrir leikskólana síðasta vor. Fullbúnar áætlanir munu koma til kynningar hjá stjórn Odda bs.

Umbótaáætlanirnar lagðar fram til kynningar.

Á fundinn mætir Sigrún Benediktsdóttir, leikskólastjóri og fór yfir uppfærða umbótaáætlun fyrir Leikskólann á Laugalandi vegna ytra mats á leikskólanum

Stjórn Odda þakkar Sigrúnu fyrir kynninguna og lýsir ánægju sinni með áætlunina.