Helluflugvöllur. Skipulagsmál

Lagt fram til kynningar.

Skipulagsnefnd samþykkir að veita formlega heimild til deiliskipulagsgerðar og leggur til að fallið verði frá kynningu lýsingar þar sem skipulagsáætlun samræmist stefnu aðalskipulagsins. Skipulagsnefnd samþykkir jafnframt framlagða tillögu og leggur til að hún verði auglýst skv. 1. mgr. 41. gr. skipulagslaga nr. 123/2010.

Lögð fram drög að deiliskipulagi vegna Helluflugvallar en sveitarstjórn vísaði afgreiðslu skipulags- og umferðarnefdnar til byggðarráðs til frekari umfjöllunar.

Byggðarráð frestar því að taka afstöðu til málsins þar til kynning meðal íbúa um framtíð flugvallar á Hellu hefur farið fram en kynning fari fram fyrir miðjan febrúar. Sveitarstjóra falið að vinna málið áfram og skoða m.a. að láta vinna hljóðmælingu m.t.t. fyrirhugaðrar uppbyggingar. Byggðarráð mun taka málið aftur fyrir á reglulegum byggðarráðsfundi í febrúar.

Samþykkt samhljóða.

Skipulags- og umferðarnefnd leggur til við sveitarstjórn að fundað verði með hagaðilum um áframhaldandi meðferð málsins.

Skipulags- og umferðarnefnd telur sýnd staðsetning henta mun betur en sú fyrri. Nefndin leggur áherslu á að Flugmálafélag Íslands skili til sveitarfélagsins þeim upplýsingum sem þeir voru beðnir um á fundi 24. mars 2025, sem taka eiga á framtíðarsýn flugvallarins á Hellu. Lagt fram til kynningar.

Skipulags- og umferðarnefnd þakkar Flugmálafélagi Íslands fyrir fram lagða greinargerð. Nefndin leggur til að Flugmálafélag Íslands ásamt Isavia skipuleggi og standi fyrir íbúafundi þar sem framtíðar möguleikar svæðisins verði kynntir.