Fjallskil 2020

Lagt fram yfirlit um fjallskil ársins 2020. Í ljósi mjög breyttra aðstæðna hvað varðar fjárfjölda og nýtingu afrétta leggur byggðarráð til að skipaður verði vinnuhópur um endurskoðun fjallskilamála í sveitarfélaginu. Í vinnuhópinn verði skipaðir formenn fjallskiladeilda Landmannaafréttar og Rangárvallaafréttar ásamt sveitarstjóra. Verkefni vinnuhópsins verði m.a. að meta samræmi í því sem sveitarfélagið greiðir í fjallskilum hvers afréttar og skoða hvort setja ætti eina fjallskilanefnd fyrir Landmanna- og Rangárvallaafrétt. Þannig mætti mögulega samræma leitir betur en nú er. Jafnframt skoða breytingar í ljósi þess að gæta hagræðis varðandi kostnað við leitir. Óskað er eftir því að vinnuhópurinn skili greinargerð fyrir fundi sveitarstjórnar í júní n.k.

Samþykkt samhljóða.

Fyrir liggur niðurstaða vinnuhóps um fjallskilamál í Rangárþingi ytra. Lagt er til að hugmyndir vinnuhópsins um endurskoðun á fjallskilakostnaði verði kynntar fyrir fjallskilanefndum áður en til afgreiðslu kemur.

Samþykkt samhljóða.

Tillögur vinnuhóps sveitarfélagsins um fjallskilakostnað hafa verið kynntar í fjallskiladeildum Rangárvalla- og Landmannaafrétta. Ekki komu fram neinar beinar athugasemdir við tillögurnar. Sveitarstjórn leggur því til að kostnaðaráætlun fyrir smölun afréttanna haustið 2021 taki mið að tillögum vinnuhópsins og grunnframlag sveitarfélagins til smölunar verði 1.000.000 kr á afrétt og að upphæð til niðurjöfnunar á hvert lögbýli verði ekki hærri en 8.000 kr. Jafnframt verði lögð fram tillaga á vettvangi Héraðsnefndar um að fjallskilareglugerð Rangárvallasýslu verði tekin til endurskoðunar.

Samþykkt samhljóða.

Farið var yfir hugmyndir um að láta reikna út "núll" kostnað við smalamennsku á Holtamannaafrétti.

Samþykkt að fara í þessa vinnu og fela formanni fjallskilanefndar að leiða þá vinnu.