Stækkun skólasvæðis Hellu 2.áfangi

Byggðarráð leggur til að farið verði í útboð, annars vegar vegna jarðvinnu og hins vegar vegna uppsteypu annars áfanga á stækkun skólasvæðisins á Hellu.

Samþykkt samhljóða.

Lögð fram tilboð sem komu fram vegna uppsteypu fyrir 2. áfanga viðbyggingar við Grunnskólann á Hellu. Tilboð bárust frá Steypustöðinni ehf. kr 419.697.793, Einingaverksmiðjunni ehf. kr. 489.851.474 kr. og BM Vallá ehf. kr. 427.380.378. Kostnaðaráætlun hönnuða var kr. 497.426.475.

Lagt er til að tilboði lægstbjóðanda Steypustöðvarinnar ehf sé tekið með fyrirvara um að tilboðsgjafi uppfylli skilyrði útboðsskilmála og felur sveitarstjóra að undirrita samning.

Samþykkt samhljóða.

Lagður fram undirritaður verksamningur um uppsteypu 2. áfanga við stækkun Grunnskólans á Hellu milli Rangárþings ytra og Steypustöðvarinnar með fyrirvara um samþykki sveitarstjórnar.

Samningurinn samþykktur samhljóða.

THT fór yfir stöðu vinnu við 2.áfanga Suðurhús.
Einhver seinkun hefur orðið á byrjun reisinga vegna veðurs. Ekki hefur verið hægt að jafna fyllingu í sökkli þar sem frost og snjór hefur tafið verkið.
Krani og forsteyptar einingar eru komnar á staðinn og byrjað verður á að reisa einingar í þessari viku.
Gert er ráð fyrir að útboðsgögn vegna gluggainnkaupa fari út í vikunni.
Stefnt er að því að húsinu verði lokað um mitt sumar og hægt verði að byrja innanhúss framkvæmdir í framhaldi af því.

THT fór yfir stöðu útboða í þakfrágang, raflagnir, pípulagnir og loftræsingu.
flest tilboð eru í samræmi við kostnaðaráætlun.

Byggingarnefndin leggur til að ganga til samninga við þá aðila sem eru með hagstæðustu tilboðin með tilliti til útboðssskilmála og verðs. THT er falið að yfirfara tilboðin og leggja fram minnisblað fyrir Byggðaráðsfund 10.júlí nk þar sem lagt er til við hverja skuli samið.

Samþykkt.

Lagt fram minnisblað frá Tómasi Hauki Tómassyni forstöðumanni eigna- og framkvæmdasviðs varðandi niðurstöður verðkannana í efni og vinnu við þakfrágang og ísetningu glugga og utanhúss klæðningu.

Lagt er til að semja við lægstbjóðendur sem eru, Hamraborg ehf vegna þakfrágangs að fjárhæð kr. 87.443.500 og One Stop Shop North/Samhliða ehf vegna ísetningu glugga og utanhúss klæðningu að fjárhæð kr. 83.677.089 en bæði tilboð voru um 83% af kostnaðaráætlun. Sveitarstjóra falið að undirita samninga við viðkomandi aðila.

IPG tók til máls.

Samþykkt samhljóða.

Lagt fram minnisblað frá Tómasi Hauki Tómassyni forstöðumanni eigna- og framkvæmdasviðs varðandi niðurstöðu verðkönnunar í trésmíði 2. áfanga.

Lagt er til að semja við lægstbjóðanda sem er, AL bygg ehf að fjárhæð kr. 106.243.000, sem er 72,4% af kostnaðaráætlun og sveitarstjóra falið að undirita samning við viðkomandi aðila.

Samþykkt samhljóða.

Tómas Haukur fór yfir stöðu framkvæmda varðandi 2. áfanga skólabyggingarinnar á Hellu. Jafnframt lagði hann fram minnisblað varðandi framkvæmdir og innkaup vegna skólaeldhúss.

Nefndin leggur til að forstöðumanni eigna- og framkvæmdasviðs verði veitt heimild til að panta grunnbúnað í nýtt eldhús Grunnskólans og Heklukots á Hellu í samræmi við fyrirliggjandi gögn.

Samþykkt samhljóða.

Lagt fram minnisblað frá Tómasi Hauki Tómassyni forstöðumanni eigna- og framkvæmdasviðs varðandi niðurstöðu verðkönnunar í málingavinnu við 2. áfanga.

Lagt er til að semja við lægstbjóðanda sem er, Þröstur Júlíusson/Málning-verk ehf að fjárhæð kr. 24.395.2680, sem er 78% af kostnaðaráætlun og sveitarstjóra falið að undirita samning við viðkomandi aðila.

Samþykkt samhljóða.

Tómas Haukur fór yfir stöðu framkvæmda og kostnaðar vegna byggingu á 2. áfanga við stækkun Grunnskólans á Hellu. Fram kom að framgangur og kostnaður við verkið er í samræmi við áætlanir.

Tómas Haukur fór yfir stöðu framkvæmda vegna byggingu á 2. áfanga við stækkun Grunnskólans á Hellu. Fram kom að vegna tafa við afhendingu innréttinga og innihurða er gert ráð fyrir að neðri hæð hússins verði tekin í notkun í lok október. Að öðru leyti gengur vinna við verkið vel.

Tómas Haukur fór yfir stöðu framkvæmda vegna byggingu á 2. áfanga við stækkun Grunnskólans á Hellu. Innréttingar og innihurðir eru væntanlegar í lok þessa mánaðar. Stefnt er að því að mötuneyti og leikskólinn komist í nýtt húsnæði í nóvember.

Tómas Haukur fór yfir stöðu framkvæmda vegna byggingu á 2. áfanga við stækkun Grunnskólans á Hellu. Gert er ráð fyrir að mötuneyti og leikskólinn komist í nýtt húsnæði eigi síðar en um áramót.

Tómas Haukur fór yfir stöðu framkvæmda vegna byggingu á 2. áfanga við stækkun Grunnskólans á Hellu. Niðurstaða verðkönnunar vegna vinnu við lagningu gólfdúka liggur fyrir og samþykkt að ganga til samninga við lægstbjóðanda Flotlagnir að fjárhæð kr. 23.554.340 sem er í samræmi við kostnaðaráætlun. Sveitarstjóra falið að ganga til samninga við lægstbjóðanda.

Samþykkt samhljóða.

Tómas Haukur fór yfir stöðu framkvæmda vegna byggingu á 2. áfanga við stækkun Grunnskólans á Hellu. Verið er að vinna í lýsingu, gólfefnum á efri hæð og uppsetningu á kerfisloftum. Þá verið grófjöfnun lóðarinnar. Flutningar í nýtt húsnæði eru háðir því að framleiðslutími nýs gólfdúks á neðri hæð og göngum efri hæðar, í stað þess sem eyðilagðist í flutningum, standist. Að því gefnu er gert ráð fyrir að hefja starfsemi í 2. áfanga eigi síðar en eftir páska.

Tómas Haukur fór yfir stöðu framkvæmda vegna byggingu á 2. áfanga við stækkun Grunnskólans á Hellu.

Verið er að vinna að uppsetningu innréttinga, vinna við raflagnir og uppsetningu kerfislofts. Von er á nýjum gólfdúk á næstunni í stað þess sem skemmdist í flutningum. Verið er að leita eftir tilboðum í hljóðkerfi, annan búnað og svið og er lagt til að fela forstöðumanni eigna- og framkvæmdasviðs að ganga að hagstæðasta tilboði. Þá er verið að vinna að grófjöfnun lóðarinnar og undirbúningi leikskólalóðar.

Tómas Haukur fór yfir stöðu framkvæmda vegna byggingu á 2. áfanga við stækkun Grunnskólans á Hellu. Framkvæmdum innanhúss verður að mestu lokið um páska. Samhliða verður unnið að bráðabrigða leikskólalóð og öðrum lóðafrágangi.

Gert er ráð fyrir að leikskólinn geti hafið störf í nýju húsnæði 14. apríl og mötuneytið samhliða. Jafnframt er gert ráð fyrir listgreinastofa grunnskólans geti flutt á svipuðum tíma.

Tómas Haukur fór yfir stöðu framkvæmda vegna byggingu á 2. áfanga við stækkun Grunnskólans á Hellu. Þá fór hann yfir kostnað við 2. áfangann í samanburði við verðbætta kostnaðaráætlun.

Búið er að taka í notkun tvær deildir fyrir leikskólann Heklukot og mötuneytið. Verið er að vinna að flutningi á listgreinastofu gunnskólans og öðrum lokafrágangi byggingarinnar.

Fram kom að kostnaður við 2. áfangann sé í samræmi við upphaflega verðbætta kostnaðaráætlun.

Að undanförnu hefur verið unnið að úrbótum sem komu fram við úttektir samhliða lokafrágangi innanhúss á áfanga 2. Stefnt er að því að þessari vinnu verði lokið áður en skólastarf hefst.