Málsnúmer 2210013
Vakta málsnúmerSkipulags- og umferðarnefnd - 5. fundur - 06.10.2022
Eigandi Mosa L227577 óskar eftir að fá að leggja fram deiliskipulag af 16 ha lóð sinni. Áformað er að skipta lóðinni upp í 8-15 lóðir undir sumarhús þar sem stærð hverrar lóðar yrði á bilinu 0,4 - 2,0 ha.
Skipulagsnefnd samþykkir að veita heimild til deiliskipulagsgerðar og leggur til að fallið verði frá kynningu lýsingar þar sem skipulagsáætlun samræmist stefnu aðalskipulagsins.
Skipulags- og umferðarnefnd - 17. fundur - 05.10.2023
Eigandi Mosa L227577 hefur fengið heimild til að fá að leggja fram deiliskipulag af 16 ha lóð sinni. Áformað er að skipta lóðinni upp í 8-15 lóðir undir sumarhús þar sem stærð hverrar lóðar yrði á bilinu 0,4 - 2,0 ha. Lögð er fram tillaga frá Eflu dags. 27.9.2023.
Skipulags- og umferðarnefnd samþykkir að veita heimild til deiliskipulagsgerðar og leggur til að fallið verði frá kynningu lýsingar þar sem skipulagsáætlun samræmist stefnu aðalskipulagsins. Skipulagsnefnd samþykkir jafnframt framlagða tillögu og leggur til að hún verði auglýst skv. 1. mgr. 41. gr. skipulagslaga nr. 123/2010.
Skipulags- og umferðarnefnd - 19. fundur - 07.12.2023
Sveitarstjórn Rangárþings ytra samþykkti á fundi sínum 11.10.2023 að auglýsa tillögu að deiliskipulagi fyrir lóðina Mosar, Rangárþingi ytra. Deiliskipulagið gerir ráð fyrir að skipta lóðinni upp í 8-15 lóðir undir sumarhús þar sem stærð hverrar lóðar yrði á bilinu 0,4 - 2,0 ha. Aðkoma er af Bjallavegi (nr. 272) og um nýjan aðkomuveg að Mosum. Eftir samráð landeiganda við Vegagerðina mun fyrri aðkomuvegur falla út. Nýi aðkomuvegurinn verður 50 metrum neðar. Lögð er fram uppfærð tillaga frá Eflu dags. 30.11.2023.
Skipulagsnefnd telur ekki þörf á kynningu lýsingar þar sem allar meginforsendur viðkomandi landnotkunarflokks liggja fyrir í aðalskipulagi. Skipulagsnefnd samþykkir fyrirliggjandi tillögu og leggur til að tillagan verði auglýst skv. 1. mgr. 41. gr. skipulagslaga nr. 123/2010.
Skipulags- og umferðarnefnd - 21. fundur - 01.02.2024
Landeigendur hafa lagt fram tillögu að deiliskipulagi fyrir lóðina Mosar, Rangárþingi ytra. Deiliskipulagið gerir ráð fyrir að skipta lóðinni upp í 8-16 lóðir undir sumarhús þar sem stærð hverrar lóðar yrði á bilinu 0,4 - 2,0 ha. Aðkoma er af Bjallavegi (nr. 272) og um nýjan aðkomuveg að Mosum. Breyting á landnotkun í aðalskipulagi er í ferli samhliða auglýsingu deiliskipulagsins. Tillagan var auglýst frá og með 14.12.2023 til og með 25.1.2024. Umsagnir bárust frá Landsneti, Veitum og Umhverfisstofnun sem gerðu enngar athugasemdir, frá Rarik sem óskar eftir að vegöxl meðfram vegi sé skilgreind sem lagnakvöð og að auki er óskað eftir að staðsett verði lóð undir rofastöð innan svæðisins, frá Vegagerðinni sem bendir á að sýna þurfi veghelgunarsvæði og óskar jafnfarmt eftir að gamla vegtengingin verði fjarlægð af uppdrætti og frá Minjastofnun sem óskar eftir að skráðum fornleifum verði varpað á uppdráttinn. Að auki báryst athugasemdir frá Heilbrigðiseftirliti Suðurlands þar sem frekari skýringa er óskað á notkun ofanvatns og tengingar við rotþrær, frá Soffíu Sæmundsdóttur fyrir hönd Bjalla 2 og Bjalla 3 þar sem áréttuð er krafa um umferðarrétt að lóðunum og frá Helgu Tryggvadóttur, fyrir hönd eigenda að núverandi sumarhúsi á lóðinni, en þær athugasemdir eru í níu liðum og verða afgreiddar í sérstakri samantekt. Til viðbótar barst athugasemd frá eiganda Bjalla þar sem gerð er athugasemd við að lagt skuli fram skipulag af svæði þar sem eru jarðskjálftasprungur, tekið á fornleifum, vegtengingum og fjarlægð frá Bjallalæk.
Skipulags- og umferðarnefnd hefur farið yfir fram komnar athugasemdir. Nefndin telur að búið sé að taka tillit til fram kominna athugasemda í fyrirliggjandi tillögu með fyrirvara um jákvæða umsögn Vegagerðarinnar á breyttri legu syðri tengingarinnar og leggur til að tillagan verði send Skipulagsstofnun til endanlegrar afgreiðslu í samræmi við 1. mgr. 42. gr. skipulagslaga nr. 123/2010, þegar ferlinu við breytingarnar á aðalskipulaginu er lokið.
Skipulags- og umferðarnefnd - 29. fundur - 05.09.2024
Landeigendur hafa lagt fram tillögu að deiliskipulagi fyrir lóðina Mosar, Rangárþingi ytra. Deiliskipulagið gerir ráð fyrir að skipta lóðinni upp í 8-16 lóðir undir sumarhús þar sem stærð hverrar lóðar yrði á bilinu 0,4 - 2,0 ha. Aðkoma er af Bjallavegi (nr. 272) og um nýjan aðkomuveg að Mosum. Tillagan var auglýst frá og með 14.12.2023 til og með 25.1.2024. Nokkrar athugasemdir bárust og er lögð fram samantekt á viðbrögðum við þeim ásamt viðbrögðum við afgreiðslu Skipulagsstofnunar sem barst eftir auglýsingu tillögunnar.
Skipulags- og umferðarnefnd hefur farið yfir fram komnar athugasemdir. Vísað er til samantektar umsagna og viðbragða við þeim. Nefndin telur að búið sé að taka tillit til fram kominna athugasemda í fyrirliggjandi tillögu og leggur til að tillagan verði send Skipulagsstofnun til endanlegrar afgreiðslu í samræmi við 1. mgr. 42. gr. skipulagslaga nr. 123/2010.
Skipulags- og umferðarnefnd - 38. fundur - 20.02.2025
Búið er að auglýsa tillögu að deiliskipulagi fyrir lóðina Mosar, Rangárþingi ytra. Deiliskipulagið gerir ráð fyrir að skipta lóðinni upp í 8-16 lóðir undir sumarhús þar sem stærð hverrar lóðar yrði á bilinu 0,4 - 2,0 ha. Aðkoma er af Bjallavegi (nr. 272) og um nýjan aðkomuveg að Mosum. Vegna ákvæða í skipulagsreglugerð vegna fjarlægða milli bygginga og vega var sóst eftir undanþágu frá Innviðaráðuneytinu. Ráðuneytið sendi umsagnarbeiðni til Skipulagsstofnunar sem gat ekki mælt með að undanþágan yrði veitt þar sem rök sveitarstjórnar væru ekki nægilega sterk til að réttlæta megi umbeðna veitingu undanþágu. Ráðuneytið hefur veitt sveitarstjórn frest til 14. febrúar til að bregðast við þeim sjónarmiðum. Sýndur er uppdráttur með vísun í 100 metra línuna.
Skipulags- og umferðarnefnd tekur ekki undir afstöðu Skipulagsstofnunar og ítrekar að verið er að sækjast eftir undanþágu fyrir 4 lóðir af þeim 16 sem skipulagðar eru. Frístundahús verða að jafnaði í a.m.k. 100m fjarlægð frá Bjallavegi, en þar sem færa þarf byggingar nær vegi, m.a. vegna legu lóðar í nálægð Bjallavegar eða aðstæðna innan lóðar s.s. sprungur eða óhentugt byggingastæði, skal sækja um undanþágu vegna fjarlægðar frá Bjallavegi, sem skal liggja fyrir við afgreiðslu byggingaleyfis en sótt er sameiginlega um undanþágu vegna lóða 1, 2, 4 og 8. Þar sem hægt er að byggja fjær 100 metrum þarf ekki að sækja um undanþágu.
Vegna nýs deiliskipulags í landi Mosa(L227577) í Rangárþing ytra hefur verið óskað eftir undanþágu til Innviðaráðuenytisins vegna fjarlægðar frá vegi sbr. lið d í gr. 5.3.2.5 í skipulagsreglugerð. Deiliskipulagið nær yfir 16 frístundalóðir með aðkomu frá Bjallavegi (nr. 272) en ekki er heimilt að staðsetja íbúðir eða frístundahús nær stofn- og tengivegum en sem nemur 100 metrum skv. ofangreindri grein reglugerðar. Samkvæmt deiliskipulagstillögu eru sex lóðir staðsettar við Bjallaveg og gert ráð fyrir byggingarreitum í 50 metra fjarlægð frá miðlínu vegar.
Deiliskipulagið er í samræmi við stefnu í Aðalskipulagi Rangárþings ytra 2016-2028 þar sem gert er ráð fyrir að frístundalóðir séu á bilinu 0,5 - 2 ha að stærð. Svæðið er þekkt sprungusvæði og því settir skilmálar í deiliskipulagi um að óheimilt sé að byggja yfir þekktar sprungur. Með því að hafa stærri byggingarreit innan lóðar er meira svigrúm við staðsetningarval mannvirkja og einfaldara að koma í veg fyrir að byggt verði ofan á sprungum.
Ekki er talið að öryggi vegfarenda sé í hættu vegna undanþágunnar og er landeigandi upplýstur um mögulega hljóðmengun sem getur komið til vegna nálægðar við veginn. Þótt að Bjallavegur sé skilgreindur sem tengivegur skv. vegaskrá Vegagerðarinnar er hann malarborinn, með 80 km hámarkshraða og umferð fremur lítil miðað við tengiveg. Bent er á að hægt sé að setja manir og gróðurbelti meðfram lóðamörkum til að draga úr hljóðmengun og ásýndar áhrifum.
Með heimild til að byggja nær Bjallavegi er verið að bæta heildarnýtingu svæðisins, auka val um staðsetningu mannvirkja innan byggingareits og nýta þannig betur lóðirnar, sem stuðlar að hagkvæmari nýtingu lands, vega og veitna.
Skipulags- og umferðarnefnd leggur til að þegar undanþága liggur fyrir skuli tillagan endurauglýst vegna tímaákvæða í skipulagsreglugerð.
Vegna nýs deiliskipulags í landi Mosa(L227577) í Rangárþing ytra hefur verið óskað eftir undanþágu til Innviðaráðuenytisins vegna fjarlægðar frá vegi sbr. lið d í gr. 5.3.2.5 í skipulagsreglugerð. Deiliskipulagið nær yfir 16 frístundalóðir með aðkomu frá Bjallavegi (nr. 272) en ekki er heimilt að staðsetja íbúðir eða frístundahús nær stofn- og tengivegum en sem nemur 100 metrum skv. ofangreindri grein reglugerðar. Samkvæmt deiliskipulagstillögu eru sex lóðir staðsettar við Bjallaveg og gert ráð fyrir byggingarreitum í 50 metra fjarlægð frá miðlínu vegar.
Deiliskipulagið er í samræmi við stefnu í Aðalskipulagi Rangárþings ytra 2016-2028 þar sem gert er ráð fyrir að frístundalóðir séu á bilinu 0,5 - 2 ha að stærð. Svæðið er þekkt sprungusvæði og því settir skilmálar í deiliskipulagi um að óheimilt sé að byggja yfir þekktar sprungur. Með því að hafa stærri byggingarreit innan lóðar er meira svigrúm við staðsetningarval mannvirkja og einfaldara að koma í veg fyrir að byggt verði ofan á sprungum.
Ekki er talið að öryggi vegfarenda sé í hættu vegna undanþágunnar og er landeigandi upplýstur um mögulega hljóðmengun sem getur komið til vegna nálægðar við veginn. Þótt að Bjallavegur sé skilgreindur sem tengivegur skv. vegaskrá Vegagerðarinnar er hann malarborinn, með 80 km hámarkshraða og umferð fremur lítil miðað við tengiveg. Bent er á að hægt sé að setja manir og gróðurbelti meðfram lóðamörkum til að draga úr hljóðmengun og ásýndar áhrifum.
Með heimild til að byggja nær Bjallavegi er verið að bæta heildarnýtingu svæðisins, auka val um staðsetningu mannvirkja innan byggingareits og nýta þannig betur lóðirnar, sem stuðlar að hagkvæmari nýtingu lands, vega og veitna.
Skipulags- og umferðarnefnd leggur til að þegar undanþága liggur fyrir skuli tillagan endurauglýst vegna tímaákvæða í skipulagsreglugerð.
BS situr hjá við afgreiðslu þessa máls.
Skipulags- og umferðarnefnd - 51. fundur - 18.09.2025
Sett er fram ný tillaga að deiliskipulagi fyrir Mosa (landnr. 227577) þar sem gert er ráð fyrir 15 frístundalóðum. Settir eru skilmálar um byggingar og yfirbragð á lóðunum. Mosar eru við Bjallaveg (nr. 272) og er aðkoma af honum að svæðinu. Skipulagssvæðið er 15,3 ha að stærð. Eldra mál nr. 991/2023 í Skipulagsgátt verður fellt út.
Skipulags- og umferðarnefnd samþykkir framlagða tillögu og leggur til að hún verði auglýst skv. 1. mgr. 41. gr. skipulagslaga nr. 123/2010.
Skipulags- og umferðarnefnd - 56. fundur - 04.12.2025
Sett er fram ný tillaga að deiliskipulagi fyrir Mosa (landnr. 227577) þar sem gert er ráð fyrir 15 frístundalóðum. Settir eru skilmálar um byggingar og yfirbragð á lóðunum. Mosar eru við Bjallaveg (nr. 272) og er aðkoma af honum að svæðinu. Skipulagssvæðið er 15,3 ha að stærð. Eldra mál nr. 991/2023 í Skipulagsgátt verður fellt út. Tillaga var auglýst frá og með 6.10.2025 til og með 20.11.2025. Umsagnir bárust frá eftirfarandi aðilum:
Nátturuverndarstofnun, Mílu, Veitum, Landsneti, Vegagerðinni og Heilbrigðiseftirliti Suðurlands sem gerðu engar athugasemdir og frá Brunavörnum Rangárvallasýslu sem bendir á að gróður megi ekki hindra aðkomu slökkviliðs.
Nátturuverndarstofnun, Mílu, Veitum, Landsneti, Vegagerðinni og Heilbrigðiseftirliti Suðurlands sem gerðu engar athugasemdir og frá Brunavörnum Rangárvallasýslu sem bendir á að gróður megi ekki hindra aðkomu slökkviliðs.
Skipulags- og umferðarnefnd telur að fram komnar umsagnir leiði ekki til breytinga á auglýstri tillögu og leggur til að tillagan verði send Skipulagsstofnun til endanlegrar afgreiðslu í samræmi við 1. mgr. 42. gr. skipulagslaga nr. 123/2010.