Málsnúmer 2303093
Vakta málsnúmerSkipulags- og umferðarnefnd - 11. fundur - 03.04.2023
Andri Guðmundsson og Árni Freyr Magnússon í fullu umboði landeiganda óska eftir að fá að leggja fram deiliskipulag af hluta jarðarinnar Ægissíða 1, L165446. Tillagan tekur til uppbyggingar á ferðaþjónustu þar sem gert er ráð fyrir 12 plastkúlum, þjónustuhúsi og bílastæði. Gögn frá Landmótun dags. 22.3.2023.
Skipulags- og umferðarnefnd samþykkir að veita heimild til deiliskipulagsgerðar. Nefndin telur þó að gera þurfi breytingar á landnotkun svæðisins í aðalskipulagi þar sem það yrði gert að Verslunar- og þjónustusvæði í stað landbúnaðar. Skipulagsnefnd samþykkir jafnframt framlagða tillögu og leggur til að hún verði auglýst skv. 1. mgr. 41. gr. skipulagslaga nr. 123/2010.
Skipulags- og umferðarnefnd - 13. fundur - 01.06.2023
Andri Guðmundsson og Árni Freyr Magnússon í fullu umboði landeiganda hafa lagt fram tillögu að deiliskipulagi af hluta jarðarinnar Ægissíða 1, L165446. Tillagan tekur til uppbyggingar á ferðaþjónustu þar sem gert er ráð fyrir 12 plastkúlum, þjónustuhúsi og bílastæði. Gögn frá Landmótun dags. 22.3.2023. Tillagan var auglýst frá og með 6.3.2023 til og með 24. maí 2023. Ábending barst frá Vegagerðinni.
Skipulagsnefnd hefur fjallað um fram komnar athugasemdir. Nefndin telur að búið sé að bregðast við öllum framkomnum athugasemdum og leggur til að tillagan verði send Skipulagsstofnun til afgreiðslu.
Skipulags- og umferðarnefnd - 16. fundur - 07.09.2023
Andri Guðmundsson og Árni Freyr Magnússon í fullu umboði landeiganda hafa lagt fram tillögu að deiliskipulagi af hluta jarðarinnar Ægissíða 1, L165446. Tillagan tekur til uppbyggingar á ferðaþjónustu þar sem gert er ráð fyrir 12 plastkúlum, þjónustuhúsi og bílastæði. Tillagan var auglýst frá og með 6.3.2023 til og með 24. maí 2023. Ábendingar bárust og lögð er fram uppfærð tillaga þar sem tekið hefur verið tillit til þeirra. Eftir auglýsingu var ákveðið að stækka umfang minni byggingareitsins og hann færður undir núverandi útihús.
Skipulags- og umferðarnefnd telur ekki ástæðu til að auglýsa að nýju þrátt fyrir þær breytingar sem gerðar hafa verið á byggingareit. Nefndin leggur til að deiliskipulagið taki gildi með auglýsingu í B-deild stjórnartíðinda að lokinni afgreiðslu Skipulagsstofnunar í samræmi við 1. mgr. 42. gr. skipulagslaga nr. 123/2010.
Skipulags- og umferðarnefnd - 21. fundur - 01.02.2024
Andri Guðmundsson og Árni Freyr Magnússon í fullu umboði landeiganda hafa lagt fram tillögu að deiliskipulagi af hluta jarðarinnar Ægissíða 1, L165446. Tillagan tekur til uppbyggingar á ferðaþjónustu þar sem gert er ráð fyrir 12 plastkúlum, þjónustuhúsi og bílastæði. Tillagan var endurauglýst frá og með 29.11.2023 til og með 9.1.2024. Umsagnir bárust frá Heilbrigðiseftirliti Suðurlands, Rarik og Landsnet sem gerðu engar athugasemdir, frá Vegagerðinni sem gerði athugasemdir við sýnda tengingu við Þykkvabæjarveg, frá Umhverfisstofnun sem bendir á að skipulagsáætlanir rýri ekki verndarsvæði fugla, frá Veitum sem benda á að svæðið sé utan skyldusvæðis Veitna og því þurfi að semja um notkun á heitu vatni og frá Minjastofnun sem bendir á gamalt garðlag sem þarf að hlífa gegn raski.
Skipulags- og umferðarnefnd hefur farið yfir fram komnar athugasemdir. Nefndin telur að búið sé að taka tillit til fram kominna athugasemda í fyrirliggjandi tillögu og leggur til að tillagan verði send Skipulagsstofnun til endanlegrar afgreiðslu í samræmi við 1. mgr. 42. gr. skipulagslaga nr. 123/2010.