Landmannalaugar, bílastæði. Kæra 110-2023 vegna ákvörðunar sveitarstjórnar.

Lagt fram til kynningar.

Kæra Náttúrugriða um ákvörðun sveitarstjórnar um að veita Rangárþingi ytra framkvæmdaleyfi vegna gerðar grjótvarnargarðs var kynnt fyrir nefndinni. Kæran hefur valdið því að styrkur sem Framkvæmdasjóður ferðamannastaða veitti Rangárþingi ytra árið 2017 er í hættu og óljóst hvað verður.
Umhverfis-, hálendis- og samgöngunefnd bendir á að ekki megi missa sjónar af markmiðum þeirra umbóta sem ráðist hefur verið í og eru fyrirhugaðar. Umbæturnar snúast að öllu leyti um vernd náttúrunnar í Landmannalaugum og að leita jafnvægis á milli hóflegrar nýtingar þessara náttúrugæða án þess að ganga á þau. Stækkun og breyting á skipulagi bílastæðisins við Námskvíslina er einmitt til þess að vernda náttúrugæði.
Það verður ekki horft framhjá því að Landmannalaugar hafa mikið aðdráttarafl og ferðamenn sækja þangað í þúsundatali. Í þessu sambandi tekur Umhverfis-, hálendis- og samgöngunefnd undir áskorun sveitarstjórnar frá 8. nóv. 2023 til Umhverfisstofnunar um að íhuga alvarlega takmörkun á fjölda ferðamanna að Landmannalaugum ef engar úrbætur verða heimilaðar.

Lagður fram úrskurður Úrskurðarnefndar umhverfis- og auðlindamála varðandi framkvæmdaleyfi sveitarfélagsins vegna gerðar grjótvarnargarðs við fyrirhuguð bílastæði við Námskvísl við Landamannalaugar.

Fyrirhugaður er fundur með Umhverfisstofnun þann 29. janúar nk. þar sem m.a. rætt verður um hvernig unnið verði með úrskurðinn og áframhald á verkefninu.

Lagt fram til kynningar.

Lagt fram til kynningar.

Lagt fram til kynningar.

Lagður fram úrskurður Úrskurðarnefndar umhverfis- og auðlindamála varðandi ógildingu framkvæmdaleyfis sveitarfélagsins vegna gerðar grjótvarnargarðs við fyrirhuguð bílastæði við Námskvísl í Landamannalaugum og minnisblað vegna fundar með Umhverfisstofnun og Ferðafélags Íslands um málið.

Lagt til að sveitarfélagið verði ekki beinn framkvæmdaaðili að þeim framkvæmdum sem deiliskipulag svæðisins gerir ráð fyrir heldur muni Umhverfisstofnun taka við þeim verkefnum. Sveitarfélagið myndi þá vera leyfisveitandi og úthluta lóðum á svæðinu í samræmi við deiliskipulag svæðisins. Jafnframt myndi sveitarfélagið gera lokaskil við Framkvæmdasjóð ferðmannastaða.

IPG og JGV tóku til máls.

Tekið stutt fundarhlé.

Sveitarstjórn lýsir yfir miklum vonbrigðum með hvernig mál hafa þróast í Landmannalaugum og mikið áhyggjuefni er að ekki sé hægt að bregðast við mjög nauðsynlegum aðgerðum til að stýra betur aðgengi að svæðinu og uppbyggingu innviða.

Samþykkt samhljóða.