Málsnúmer 2310049
Vakta málsnúmerSkipulags- og umferðarnefnd - 18. fundur - 02.11.2023
Ómar Ívarsson skipulagsfræðingur fyrir hönd Heimahaga hrossaræktar ehf, eiganda Heimahaga L206436, óskar eftir heimild til að leggja fram deiliskipulag af 25 ha svæði úr jörð félagsins undir frístundanotkun. Gert verði ráð fyrir að landnotkun í aðalskipulagi verði breytt samhliða en landið er skráð landbúnaðarsvæði í dag. Áform eru um uppbyggingu fyrir allt að 30 frístundahús. Aðkoman er skilgreind frá Árbæjarvegi nr. 271.
Skipulags- og umferðarnefnd - 22. fundur - 04.03.2024
Heimahagar hrossarækt ehf, eigandi Heimahaga L206436, hafa fengið heimild til að leggja fram deiliskipulag af 25 ha svæði úr jörð félagsins undir frístundanotkun. Gert verði ráð fyrir að landnotkun í aðalskipulagi verði breytt samhliða en landið er skráð landbúnaðarsvæði í dag. Áform eru um uppbyggingu fyrir allt að 30 frístundahús. Aðkoman er skilgreind frá Árbæjarvegi nr. 271. Lögð er fram sameiginleg lýsing skipulagsáforma, bæði vegna breytingarinnar á landnotkun í aðalskipulagi og vegna deiliskipulags. Gögn frá Eflu dags. 29.2.2024.
Skipulags- og umferðarnefnd telur að gera þurfi breytingar á landnotkun í aðalskipulagi til að áform umsækjanda geti orðið að veruleika. Breyta þarf núverandi landbúnaðarsvæði í Frístundasvæði. Skipulags- og umferðarnefnd samþykkir lýsinguna til kynningar. Lýsing skal kynnt í samræmi við 1. mgr. 30. greinar skipulagslaga nr. 123/2010 og einnig í samræmi við 3. mgr. 40. gr. sömu laga. Kynning lýsingar skal standa í a.m.k. tvær vikur talið frá birtingu auglýsingar á heimasíðu sveitarfélagsins og í staðarblaði, eða nánar tiltekið frá 14. - 28. mars 2024.
Skipulags- og umferðarnefnd - 24. fundur - 02.05.2024
Heimahagar hrossarækt ehf, eigandi Heimahaga L206436, hafa fengið heimild til að leggja fram deiliskipulag af 25 ha svæði úr jörð félagsins undir frístundanotkun. Gert verði ráð fyrir að landnotkun í aðalskipulagi verði breytt samhliða en landið er skráð landbúnaðarsvæði í dag. Áform eru um uppbyggingu fyrir allt að 30 frístundahús. Aðkoman er skilgreind frá Árbæjarvegi nr. 271. Sameiginleg lýsing skipulagsáforma var kynnt frá 14. - 28. mars sl. Lögð er fram tillaga að breytingu á landnotkun, greinargerð frá Eflu dags. 24.4.2024.
Skipulags- og umferðarnefnd samþykkir tillöguna til auglýsingar og leggur jafnframt til hún verði kynnt í samræmi við 2. mgr. 30. gr. skipulagslaga nr. 123/2010. Nefndin telur nægilegt að kynning vinnslutillögunnar fari fram á heimasíðu sveitarfélagsins þar sem tillagan varðar ekki hagsmunaaðila utan sveitarfélagsins.
Skipulags- og umferðarnefnd - 32. fundur - 07.11.2024
Heimahagar hrossarækt ehf, eigandi Heimahaga L206436, hafa fengið heimild til að leggja fram deiliskipulag af 25 ha svæði úr jörð félagsins undir frístundanotkun. Gert verði ráð fyrir að landnotkun í aðalskipulagi verði breytt samhliða en landið er skráð landbúnaðarsvæði í dag. Áform eru um uppbyggingu fyrir allt að 30 frístundahús. Aðkoman er skilgreind frá Árbæjarvegi nr. 271. Tillaga var auglýst frá og með 15.8.2024 til og með 2.10.2024. Umsagnir bárust frá Landsneti, sem gerði engar athugasemdir, frá Umhverfisstofnun sem benti á að fjalla þyrfti um ástand grunnvatnshlotsins, að setja þurfi stefnu um vernd fuglasvæða og að votlendi á svæðinu njóti sérstakrar verndar; frá Vegagerðinni sem gerði engar athugasemdir; frá Heilbrigðiseftirliti Suðurlands sem bendir á að setja skuli sérstaka skilmála vegna hljóðvistar á svæðinu; frá Náttúrufræðistofnun sem óskasr eftir að gerð verði frekari grein fyrir áhrifum vegna nálægðar við votlendi og vanti frekari umfjöllun um gróður og fugla og frá Landi og Skógi sem hvetur til þess að votlendi verði hlíft og glati ekki verndargildi sínu og frá Minjastofnun sem gerir engar athugasemdir. Lögð eru fram uppfærð skipulagsgögn frá Eflu dags. 7.10.2024 ásamt samantekt á athugasemdum og viðbrögðum við þeim.
Skipulags- og umferðarnefnd hefur fjallað um umsagnir umsagnaraðila og telur að uppfærð tillaga taki mið af þeim. Nefndin samþykkir fyrirliggjandi tillögu og leggur til að tillagan verði afgreidd skv. 2. mgr. 32. gr. skipulagslaga nr. 123/2010 og send Skipulagsstofnun.
Umsækjanda er veitt heimild til að leggja fram tillögu að deiliskipulagi fyrir lóð sína. Nefndin telur skýrt að aðkoma að svæðinu verði um aðkomuveg, lóð Köldukinnar L220747 og að varast skuli sérstaklega að raska ekki því svæði sem talið er hafa hátt verndargildi. Jafnframt er skipulagsfulltrúa falið að vinna að breytingu á gildandi aðalskipulagi þar sem núverandi landbúnaðarsvæði verði skilgreint sem frístundasvæði fyrir allt að 30 frístundalóðir.