Málsnúmer 2310082

Vakta málsnúmer

Afgreiðslufundur byggingarfulltrúa - 101. fundur - 08.11.2023

Byggingarfulltrúi Rangárþings ytra hefur móttekið umsókn Huldu Jónsdóttur arkitekts fyrir hönd Mirror House Iceland ehf um leyfi til að byggja alls 7 frístundahús á lóðinni Svínhagi L7A, skv. aðaluppdráttum frá Huldu Jónsdóttur arkitekt frá Hjark arkitektum dags. 18.10.2023. Húsin verða í þremur mismunandi stærðum ásamt þjónustuhúsi og baðhúsi. Sauna verður við hvert frístundahús og við baðhús ásamt heitum potti. Húsin eru í grunninn úr stálburðarvirki.
Byggingaráform eru samþykkt með fyrirvara um að ákvæði kafla 9 í byggingareglugerð um göngulengd flóttaleiða verði uppfyllt. Framkvæmdin fellur undir umfangsflokk 1. Byggingarheimild verður gefin út þegar eftirfarandi liggur fyrir:
-Hönnuður hefur undirritað aðaluppdrætti með rafrænni áritun sinni.
-Skráningartafla hefur borist.
-Byggingarstjóri hefur staðfest ábyrgð sína og lagt fram starfsábyrgðartryggingu.
-Byggingarleyfisgjöld og önnur tilskilin gjöld hafa verið greidd.