Málsnúmer 2311041

Vakta málsnúmer

Skipulags- og umferðarnefnd - 19. fundur - 07.12.2023

Landeigendur óska eftir að fá að leggja fram deiliskipulag af lóð sinni. Áform eru um byggingu vélaskemmu og annarra landbúnaðarmannvirkja í stað eldri útihúsa á lóðinni.
Skipulagsnefnd samþykkir að veita heimild til deiliskipulagsgerðar og leggur til að fallið verði frá kynningu lýsingar þar sem skipulagsáform samræmast stefnu aðalskipulagsins hvað varðar uppbyggingu á landbúnaðarsvæðum.
Skipulagsnefnd samþykkir jafnframt framlagða tillögu og leggur til að hún verði auglýst skv. 1. mgr. 41. gr. skipulagslaga nr. 123/2010.

Skipulags- og umferðarnefnd - 21. fundur - 01.02.2024

Landeigendur hafa lagt fram deiliskipulag af lóð sinni. Áform eru um byggingu vélaskemmu og annarra landbúnaðarmannvirkja í stað eldri útihúsa á lóðinni. Tillagan var kynnt frá og með 14.12.2023 til og með 25.1.2024. Umsagnir bárust frá Vegagerðinni sem benti á að sýna þurfi veghelgunarsvæði, frá Umhverfisstofnun, Heilbrigðiseftirliti Suðurlands, Veitum og Rarik sem gerðu engar athugasemdir og frá Landsneti sem gerir ekki athugasemdir en bendir á að sýna þurfi Hellulínu 2 á uppdrætti þar sem hann þveri Rangárvallaveg, sem er aðkomuvegur að svæðinu.
Skipulags- og umferðarnefnd hefur farið yfir fram komnar athugasemdir. Nefndin telur að búið sé að taka tillit til fram kominna athugasemda í fyrirliggjandi tillögu og leggur til að tillagan verði send Skipulagsstofnun til endanlegrar afgreiðslu í samræmi við 1. mgr. 42. gr. skipulagslaga nr. 123/2010.