Hugmyndagátt og ábendingar 2024

Þrjú erindi hafa borist í hugmyndagátt á heimasíðu sveitarfélagsins, varðandi hvort hægt væri hægt að nota brekkuna milli Freyvangs og Borgasands til að gera hjólastíga, bæta aðstöðu á sleppisvæði hunda á Hellu og lokunarpósta á götu milli leikskólabygginga.

Byggðarráð þakkar fyrir ábendingarnar og vísar þeim til viðeigandi forstöðumanna og skipulags- og umferðarnefndar.

Skipulags- og umferðarnefnd hefur farið yfir fram komin erindi og leggur til eftirfarandi úrræði til lausnar:

Varðandi bætt umferðaröryggi í Útskálum gerir nefndin þá tillögu að sett verði upp aukin lýsing við gangbrautina næst leikskólanum. Nefndin leggur jafnframt til að sveitarstjórn beini því til starfsfóks í sundlaug, grunnskóla og leikskóla að starfsfólk noti sér bílastæðin við sparkvöllinn eða meðfram Þrúðvangi. Ljóst er að við framkvæmdir á svæðinu er nauðsynlegt að vera með gott samráð við framkvæmdaaðila og starfsfólk þar sem gert verði ráð fyrir bættari og skýrari merkingum á svæðinu. Nefndin beinir því til sveitarstjórnar að kynning á fyrirhuguðum framkvæmdum verði ítarleg og góð.

Varðandi notkun á brekku milli Freyvangs og Borgarsands telur nefndin réttast að vísa þessu til vinnu við gerð hverfisskipulags.

Tvö erindi hafa borist í hugmyndagátt á heimasíðu sveitarfélagsins, varðandi hvort hægt væri hægt að opna skóladagheimilið að loknu sumarfríi og að ruslautunnum verði fjölgað við gönguleiðir á Hellu

Byggðarráð þakkar fyrir ábendingarnar og vísar hugmynd um skóladagheimili til stjórnar Odda bs. og erindi um fjölgun ruslatunna til þjónustumiðstöðvar.

Eitt erindi hefur borist í hugmyndagátt á heimasíðu sveitarfélagsins varðandi umferð mótorhjóla í gegnum undirgöng undir þjóðveg 1 á Hellu.

Byggðarráð þakkar fyrir ábendinguna. Undirgöngin eru skilgreind sem reið- og gönguleið í skipulagi og byggðarráð hvetur alla sem nýta þau til tillitssemi.

Þrjú erindi hafa borist í hugmyndagátt á heimasíðu sveitarfélagsins, varðandi hvort hægt væri hægt væri að gera Útskála/Laufskálahringinn að einstefnu, lagningu ökutækja í Laufskála og beiðni um myndavélar á geymslusvæðinu á Hellu.

Byggðarráð þakkar fyrir ábendingarnar. Hugmyndir varðandi umferð um Laufskála hefur skipulags- og umferðarnefnd fjallað um á fundi sínum en erindi um myndavélar á geymslusvæði er vísað til skoðunar hjá þjónustumiðstöð.

Tvö erindi hafa borist í hugmyndagátt á heimasíðu sveitarfélagsins, varðandi hraðahindrun á Helluvaðsveginum, bekki/borð við Bogatún, bæta leikaðstöðu við ærslabelg, göngustíg með Helluvaðsveginum og gangbraut yfir Þúðvanginn að leiksvæði og göngustíg með Þrúðvangi og síðan geymslustað fyrir ferðavagna á sumrin.

Byggðarráð þakkar fyrir ábendingarnar. Hugmyndir varðandi umferðaröryggismál er vísað til skipulags- og umferðarnefndar og ábendingu um leiktæki til fjárhagsáætlunargerðar. Byggðarráð telur hins vegar ekki tilefni til að sveitarfélagið sé með sérstaka geymslustaði fyrir ferðavagna enda samræmist það ekki samþykktu skipulagi.

Eitt erindi hefur borist í hugmyndagátt á heimasíðu sveitarfélagsins, varðandi merkingar o.fl sem tengist iþróttamiðstöðinni og sundlauginni á Hellu.

Byggðarráð þakkar fyrir ábendinguna og vísar henni til forstöðumanns íþróttamannvirkja og þjónustumiðstöðvar.

Þrjú erindi hefur borist í hugmyndagátt á heimasíðu sveitarfélagsins, varðandi nytjagám á Strönd, slagorð sveitarfélagsins og upplýsingar á heimsíðu um námsverið.

Byggðarráð þakkar fyrir ábendingarnar og vísar máli varðandi nytjagám til SOR og upplýsingar á heimasíðu um námsverið til markaðs- og kynningarfulltrúa. Byggðarráð vísar hugmynd um að breyta slagorði sveitarfélagsins til markaðs-, menningar- og jafnréttismálanefndar.