Þróun leikskólastarfs

Lagðar fram hugmyndir um leiðir til að þróa þjónustu leikskóla.

Stjórn samþykkir að stofna starfshóp til að skoða leiðir að þróa þjónustu leikskóla Odda bs. þar sem væru fulltrúar foreldra, starfsmanna og stjórnenda leikskólanna og stjórnar. Framkvæmdastjóra falið að ráða verkefnisstjóra til að leiða þá vinnu og útbúa verklýsingu fyrir hópinn.

Lögð fram drög að verklýsingu vegna stofnunar starfshóps um þróun leikskólastarfs.

Stjórn Odda bs. leggur til að hópinn skipi 9 fulltrúar, einn úr hverjum leikskóla úr hópi foreldra og starfsfólks, leikskólastjórar og þrír fulltrúar úr stjórn Odda bs. Fulltrúar Odda bs verði þau Margrét Harpa Guðsteinsdóttir, Ingvar P. Guðbjörnsson og Ísleifur Jónasson og til vara Eggert Valur Guðmundsson, Eydís Þ. Indriðardóttir og Nanna Jónsdóttir. Óskað er eftir að foreldraráð og starfsmenn tilnefni fulltrúa sína og leikskólastjórum falið að skila inn upplýsingum um fulltrúa foreldra og starfsfólks.

Samþykkt samhljóða.

Fundargerð starfshóps frá 30. maí s.l.

Lagt fram til kynningar.

Fundargerð starfshóps frá 25. júní s.l.

Lagt fram til kynningar.

Fundargerð starfshóps frá 22. ágúst s.l.

Lagt fram til kynningar.

Lögð fram fundargerð starfshóps frá 11. september s.l.og skýrsla starfshóps um þróun leikskólastarfs þar sem lagar eru fram tíu tillögur til úrbóta við þróun og styrkingu leikskólastarfs.

Stjórn Odda samþykkir að halda vinnufund hjá Odda bs. vegna skýrslu um þróun leikskólastarfs mánudaginn 7. okt. kl. 14:00.

Lögð fram skýrsla starfshóps um þróun leikskólastarfs þar sem lagar eru fram tíu tillögur til úrbóta við þróun og styrkingu leikskólastarfs. Tillögurnar voru eftirfarandi:

1. Foreldrum yngstu barnanna verði boðnar hærri heimgreiðslur og að þær verði hækkaðar að lágmarki um helming og eins verði gerð tilraun til hlutagreiðslna.
2. Markvisst verði unnið að því að starfsfólk geti fengið fulla vinnutímastyttingu.
3. Starfstími leikskólanna verði til kl. 14.00 á föstudögum. Eftir það verði aðeins gæsla í
boði fyrir foreldra sem búa við sérstakar aðstæður, gegn skráningu. Hið sama gildi um
hátíðar, þ.e. milli jóla og nýárs og í dymbilviku.
4. Dvalartími yngstu barnanna (12-18 mánaða) verði að jafnaði miðaður við sex klst að hámarki.
Gert er ráð fyrir því að hægt verði að sækja um lengri dvalartíma gegn rökstuðningi.
5. Báðir leikskólarnir geri tilraunir til að koma til móts við starfsfólk um sveigjanlegan
vinnutíma.
6. Boðið verði upp á sveigjanlegan dvalartíma fyrir börnin.
7. Jafnræðis sé gætt varðandi bifreiðastyrki (og miðist við þá sem eru í 50% vinnu eða meira).
8. Skoðaðir verði möguleikar á að veita starfsfólki leikskólanna aukna menntunarstyrki enda
nýtast þeir beint í leikskólastarfinu.
9. Í tengslum við mótun starfsmannastefnu verði sérstaklega skoðaðir möguleikar á að gera
starfsfólki, með annað móðurmál en íslensku, kleift að sækja íslenskunámskeið á vinnutíma.
10.Starfsfólki verði gert kleift að fara til sérfræðinga (lækna, sálfræðinga eða annarra
heilbrigðisstétta) á vinnutíma eftir tilvísun án þess að laun skerðist.

Í þessum tillögum er gengið úr frá því að dvalartími barnanna sé skilgreindur annars vegar sem tími markviss uppeldisstarfs (9.00-14.00) og gæslu (8.00-9.00 og eftir kl. 14.00).

Stjórn Odda samþykkir að tillögur númer 1, 3, 4 og 6 fari í nánari vinnslu. Tillögur 8-10 verði vísað til endurskoðun á starfsmannastefnu en aðrar tillögur komi til skoðunar hjá leikskólastjórum. Samhliða tillögum sem fara í vinnslu þarf að uppfæra og breyta gjaldskrá leikskólana þannig að hún styðji betur við markmið breytingana.

Lagðar fram niðurstöður foreldarakannana í leikskólanum vegna nýrrar gjaldskrár Odda bs. og starfsmannakannnir í leikskólunum.

Stjórn Odda vísar niðurstöðu foreldrakönnunar til frekari úrvinnslu og frestar afgreiðslu málsins til næsta stjórnarfundar Odda bs.

Samþykkt samhljóða.

Lagðar fram niðurstöður foreldrakannana í leikskólunum vegna nýrrar gjaldskrár Odda bs. og starfsmannakannnir í leikskólunum.

Stjórn Odda samþykkir að óbreytt fyrirkomulag verði á gjaldskrá Odda bs skólaárið 2025-2026 og reynslan metin aftur vorið 2026.

Samþykkt samhljóða.