Gaddstaðir íbúðasvæði. Breyting á deiliskipulagi.

Erindi vísað frá Byggðaráði 26.6.2024 þess efnis að fela Skipulags- og umferðarnefnd að ræða mögulegar breytingar á aðkomuvegi inn í hverfið.

Núverandi tenging að svæðinu er til bráðabirgða. Skipulags- og umferðarnefnd telur réttast að aðkoma verði meðfram Suðurlandsvegi að sunnanverðu frá væntanlegu hringtorgi við Reykjagarð og tengist núverandi aðkomuvegi sem þar er. Nefndin leggur til að gerðar verði nauðsynlegar breytingar í aðalskipulagi sveitarfélagsins þar sem sýnd aðkoma verði felld út úr Aldamótaskógi í þeirri mynd sem gildandi aðalskipulag sýnir. Að auki leggur nefndin til að vinna hefjist samhliða við breytingar á gildandi deiliskipulagi fyrir svæðið, þar sem uppfylltar verði áður samþykktar breytingar fyrir lóðir nr. 34 og 35 annars vegar og fyrir lóð 48 hins vegar. Jafnframt skuli breyta skipulagsmörkum við núverandi aðkomu frá Suðurlandsvegi vegna skörunar við deiliskipulag Suðurlandsvegar. Nefndin telur jafnframt ekki ástæðu til að breyta lóðamörkum lóðanna sem liggja að núverandi aðkomu, heldur skuli vera um aðkomu inn í Aldamótaskóginn áfram í sama stíl og á er á milli lóða 40 og 41. Lögð er fram lýsing skipulagsáforma frá Eflu dags. 30.8.2024.

Skipulags- og umferðarnefnd hefur lagt til að gerðar verði nauðsynlegar breytingar í aðalskipulagi sveitarfélagsins þar sem sýnd aðkoma verði felld út úr Aldamótaskógi í þeirri mynd sem gildandi aðalskipulag sýnir. Að auki leggur nefndin til að vinna hefjist samhliða við breytingar á gildandi deiliskipulagi fyrir svæðið, þar sem uppfylltar verði áður samþykktar breytingar fyrir lóðir nr. 34 og 35 annars vegar og fyrir lóð 48 hins vegar. Jafnframt skuli breyta skipulagsmörkum við núverandi aðkomu frá Suðurlandsvegi vegna skörunar við deiliskipulag Suðurlandsvegar. Kynning skipulagslýsingar frá Eflu dags. 30.8.2024. var kynnt með fresti til athugasemda til og með 26.9.2024. Umsagnir bárust frá eftirtöldum aðilum:

Veitum, sem óska eftir samráði vegna legu stofnlagna á þeirra vegum meðfram Suðurlandsvegi; frá Umhverfisstofnun sem leggur áherslu á að fjallað verði um áhrif á vatn og vatnshlot ef við á og að ásýnd byggðar ætti að vera sér umhverfisþáttur og að auki bendir UST á að á svæðinu er mikilvægt fuglalíf sem taka eigi tillit til. UST vekur einnig athygli á aðgerðaráætlun stjórnvalda í loftslagsmálum; frá Landsneti sem vekur athygli á Rimakotslínu 2, sem liggur meðfram Suðurlandsvegi og ber að taka tillit til við frekara skipulag; frá Þorsteini Kristinssyni sem leggur áherslu á mikilvægi þess að sett verði upp hringtorg á mótum Rangárvallavegar og Suðurlandsvegar; frá Skipulagsstofnun sem telur lýsinguna veita góða mynd af viðfangsefni skipulagsáformanna; frá Vegagerðinni sem gerir ekki athugasemdir en óskar eftir góðu samráði vegna staðsetningar og legu vegar og frá Heilbrigðiseftirliti Suðurlands sem gerir engar athugasemdir en bendir á að huga beri að hljóðvist innan svæðis að teknu tilliti til núverandi flugbrautar á svæðinu.

Unnið er að breytingu á deiliskipulagi vegna nýrrar vegtengingar og breytingar á vegakerfi og lóðum í Gaddstaðahverfi. Farið yfir hugmyndir.

Erindi vísað frá Byggðaráði 26.6.2024 þess efnis að fela Skipulags- og umferðarnefnd að ræða mögulegar breytingar á aðkomuvegi inn í hverfið.

Breytingin tekur til frístunda- og íbúðasvæðis, þar sem fjöldi lóða og aðkomuvegur að ÍB29 og F63 er endurskoðaður þar sem núverandi aðkoma var aðeins ætluð til bráðabirgða. Ný aðkoma að svæðinu verður meðfram Suðurlandsvegi (1) að sunnanverðu, frá væntanlegu hringtorgi við Reykjagarð.

Núverandi aðkoma að svæðinu sem er um Aldamótaskóg verður felld úr gildi. Í samræmi við breytingu á legu aðkomuvegar verða lóðarmörk endurskoðuð og fyrirhugað er að fjölga heimiluðum lóðum svæðanna í aðalskipulagi. Lýsing var kynnt til og með 26.9.2024. Lögð er fram greinargerð frá Eflu dags. 26.9.2024.

Erindi vísað frá Byggðaráði 26.6.2024 þess efnis að fela Skipulags- og umferðarnefnd að ræða mögulegar breytingar á aðkomuvegi inn í hverfið. Breytingin tekur til frístunda- og íbúðasvæðis, þar sem fjöldi lóða og aðkomuvegur að ÍB29 og F63 er endurskoðaður þar sem núverandi aðkoma var aðeins ætluð til bráðabirgða. Ný aðkoma að svæðinu verður meðfram Suðurlandsvegi (1) að sunnanverðu, frá væntanlegu hringtorgi við Reykjagarð. Núverandi aðkoma að svæðinu sem er um Aldamótaskóg verður felld úr gildi. Í samræmi við breytingu á legu aðkomuvegar verða lóðarmörk endurskoðuð og fyrirhugað er að fjölga heimiluðum lóðum svæðanna í aðalskipulagi. Tillaga var auglýst frá og með 28.2.2025 til og með 16.4.2025. Umsagnir bárust frá eftirtöldum aðilum: Frá Veitum sem óskuðu eftir að tillit verði tekið til staðsetningar stofnlagna við hönnun og staðsetningu á nýjum vegi; frá Náttúruverbndarstofnun sem vísar til fyrri umsagnar við lýsinguna en gerir ekki frekari athugasemdir; frá Vegagerðinni sem minnir á að allar framkvæmdir innan helgunarsvæða eru háðar leyfi Vegagerðarinnar; frá Heilbrigðiseftirliti Suðurlands sem vísar til fyrri umsagnar um lýsinguna. Lögð er fram samantekt á umsögnum ásamt drögum að viðbrögðum við þeim.