Tillaga D-lista um nýbúaráð í sveitarfélaginu

Fulltrúar D-lista leggja til að komið verði á fót nýbúaráði Rangárþings ytra að fyrirmynd sambærilegs ráðs í Mýrdalshreppi og víðar. Ráðið verði enskumælandi og skipað einungis nýbúum af erlendum uppruna. Ráðið hafi það markmið að vinna að málefnum nýbúa. Byggðarráði verði falið að vinna að breytingum á samþykktum sveitarfélagsins til samræmis við tillöguna og að gerð erindisbréfs og leggja tillögur þar að lútandi fyrir sveitarstjórn. Miðað verði við að ráðið taki til starfa 1. janúar 2025.

Bókun:
Verkefnisstjóri íþrótta- og fjölmenningarmála hefur verið að safna saman upplýsingum um hvernig sveitarfélög hafa verið að nálgast lausnir til að sinna þessum málum með það að markmiði að leggja fram tillögur á næstu vikum um þá valkosti um fyrirkomulag sem gæti best nýst sveitarfélaginu.

Lagt til að tillögunni verði vísað til markaðs-, menningar- og jafnréttismálanefndar til umfjöllunar.

IPG og JGV tóku til máls.

Samþykkt samhljóða.

Tillaga D-lista um stofnun nýbúaráðs rædd. Jóhann G. Jóhannsson, verkefnastjóri íþrótta- og fjölmenningarmála, mætir á fundinn til að fara yfir málið.
Nefndin þakkar góða tillögu og felur verkefnastjóra íþrótta- og fjölmenningarmála að vinna málið áfram og koma með tillögur til nefndarinnar fyrir næsta fund í október.
Nefndin leggur til að ráðið verði kallað „fjölmenningarráð“ frekar en „nýbúaráð“ þar sem gert er ráð fyrir að meðlimir ráðsins geti bæði verið nýbúar og þau sem hafa búið hér lengi en eru af erlendu bergi brotin.