Umferðarmál 2025. Staða mála

Skipulags- og umferðarnefnd Rangárþings ytra leggur til við sveitarstjórn að hafin verði vinna við mótun verklags- og vinnureglna fyrir framkvæmda- og eignasvið sveitarfélagsins sem nái til gatnagerðar í hverfum þar sem gildandi deiliskipulag liggur fyrir.

Reglurnar skulu byggja á því meginmarkmiði að tryggja að framkvæmdir séu í samræmi við samþykkt deiliskipulag og þeim ljúki innan þess tíma sem eðlilegt þykir. Um væri að ræða verkþætti í gatnagerð s.s.; fullnaðarfrágangur gatna, kantsteina, gangstétta, ræsa, rampa, gangbrauta, gönguleiða, götulýsingar, hraðahindrana auk annarra þátta sem tryggja aðgengi, umferðaröryggi og heildstætt yfirbragð íbúðahverfa.

Með skýrum verklagsreglum skapast grundvöllur fyrir samræmt og gagnsætt verklag í framkvæmdum á vegum sveitarfélagsins, betri yfirsýn fyrir nefndir, íbúa og stjórnsýslu.

Farið var yfir mismunandi tegundir hraðahindrana í samræmi við leiðbeiningar frá Vegagerðinni. Nefndin leggur til að unnið verði yfirlit um tegundir hraðahindrana og hvort viðkomandi hraðahindrun henti tilheyrandi götu.

Á fundinn mætir Jón Ragnar Örlygsson aðstoðamaður skipulagsfulltrúa og fer yfir lista vegna framkvæmda í umferðarmálum. Tómas Haukur og Jón Ragnar gerðu síðan grein fyrir stöðu mála varðandi árið 2025.

Unnið verður að umferðaröryggismálum í sumar í samræmi við fyrri ákvörðun nefndarinnar.

Lögð fram ábending frá Dögg Þrastardóttur varðandi umferðaröryggismál á Langasandi og felur nefndin sveitarstjóra að svara erindinu.

Yfirlit yfir auglýsingu á umferðarmerkingum í Stjórnartíðindum var lögð fram.

Samþykkt samhljóða.

Farið yfir ýmis mál sem tengjast umferðaröryggismálum. Verið er merkja gangbrautarþveranir víða um þorpið og verða skilti sett upp í kjölfarið.

Engin breyting frá síðasta fundi.

Skipulags- og umferðarnefnd hvetur framkvæmdasvið sveitarfélagsins til að ganga frá þeim málum sem þegar hafa verið ákveðin á vettvangi stjórnsýslunnar

Á fundinn mætir Jón Ragnar Örlygsson aðstoðamaður skipulagsfulltrúa og fer yfir lista vegna framkvæmda í umferðarmálum. Tómas Haukur og Jón Ragnar gerðu síðan grein fyrir stöðu mála varðandi árið 2025.

Unnið verður að umferðaröryggismálum í samræmi við fyrri ákvörðun nefndarinnar. Umferðarskiltum hefur að mestu verið komið upp og lokið við að merkja gangbrautir. Stefnt er að því að samþykkt verkefni verði kláruð á næstu vikum.

Nefndin tekur undir tillögu skipulags- og umferðarnefndar fyrir þörf við mótun verklags- og vinnureglna fyrir framkvæmda- og eignasvið sveitarfélagsins sem nái til gatnagerðar og tengdra framkvæmda í hverfum þar sem gildandi deiliskipulag liggur fyrir. Nefndin leggur til að fela sveitarstjóra að láta vinna drög að reglum.

Samþykkt samhljóða.

Farið yfir uppfærða stöðu verkefna. Bæta þarf í vinnuskjal umferðarmála stöðunni á uppsetningu hraðamerkinga, bæði á Hellu og í Þykkvabæ. Skoða þarf ástand í Þykkvabæ varðandi umferðarmerkingar almennt.

Farið yfir stöðuna frá síðasta fundi. Skipulags- og umferðarnefnd ítrekar að góðar merkingar séu við hraðahindranir svo komið verði í veg fyrir skemmdir utan vega.

Farið yfir stöðuna frá síðasta fundi. Nefndin telur brýna þörf á að göngustígar milli gatna í Öldum og Söndum verði upplýstir og að hugað verði sérstaklega að bættari lýsingu gönguleiða barna á leið til og frá skóla.
Skipulags- og umferðarnefndin telur afar brýnt að ráðist verði í gerð umferðaröyggisáætlunar fyrir þéttbýlin í sveitarfélaginu og að gert verði ráð fyrir slíku við gerð næstu fjárhagsáætlunar.

Tómas Haukur gerði grein fyrir stöðu mála varðandi árið 2025.

Unnið verður áfram að umferðaröryggismálum í samræmi við fyrri ákvörðun nefndarinnar. Umferðarskiltum hefur að mestu verið komið upp og lokið við að merkja gangbrautir. Stefnt er að því að samþykkt verkefni verði kláruð á næstu vikum.

Nefndin tekur undir tillögu skipulags- og umferðarnefndar að góðar merkingar séu við hraðahindranir svo komið verði í veg fyrir skemmdir utan vega. Skoða þarf almennt umferðarmerkingar í Þykkvabæ.

Samþykkt samhljóða.

Staða mála kynnt

Lagt fram til kynningar.

Farið yfir reiðleiðamál, framkvæmdir á gatnakerfum og fl.
Nefndin óskar eftir upplýsingum frá Framkvmæda- og eignanefnd um stöðu á uppsetningu hraðaskilta.

Á fundinn mætir Jón Ragnar Örlygsson, aðstoðarmaður skipulagsfulltrúa, og kynnti stöðu á gagnagrunni á umferðarmerkingum o.fl. á Hellu sem unnið hefur verið aðmeð EFLU. Nefndin leggur áherslu á að hægt verði að nýta grunninn í takt við ákvarðanir nefnda málaflokksins sem fyrst.