Faxaflatir 4, L233063. Faxaflatir Aparments. Friður ehf. Beiðni um umsögn vegna starfsleyfis

Byggingarfulltrúi getur ekki veitt jákvæða umsögn vegna fyrirhugaðs gistireksturs.

Umrætt húsnæði er staðsett á skilgreindu verslunar- og þjónustusvæði samkvæmt Aðalskipulagi Rangárþings ytra 2016?2028 og fyrir svæðið liggur fyrir samþykkt deiliskipulag.

Samkvæmt skilmálum gildandi deiliskipulags er á viðkomandi byggingarreit gert ráð fyrir starfsmannaaðstöðu, verslunar- og veitingastarfsemi. Gististarfsemi er ekki tilgreind sem heimil starfsemi á byggingarreitnum.

Með vísan til framangreinds er ekki unnt að veita jákvæða umsögn um rekstrarleyfi fyrir gististað á grundvelli gildandi skipulagsheimilda.