Hella. Miðbæjarskipulag

Skipulags- og umferðarnefnd telur mikilvægt að vinnu við heildstætt miðbæjarskipulag á Hellu verði komið áfram í skýran farveg og að byggt verði á þeirri vinnu og þekkingu sem þegar liggur fyrir.
Nefndin telur jafnframt rétt að endurskoða afmörkun þess svæðis sem miðbæjarskipulagsvinnan tekur til, þannig að horft verði heildstætt til þróunar miðbæjarins, aðliggjandi lóða, tenginga milli svæða og framtíðaruppbyggingar. Við þá skoðun verði sérstaklega horft til þess hvort Rangárflatir 2, Rangárbakkar og önnur aðliggjandi svæði eigi að falla innan athugunarsvæðisins.
Nefndin leggur til að stýrihópur um miðbæjarskipulag á Hellu verði endurskipaður og honum falið að leiða áframhaldandi stefnumótun verkefnisins í samstarfi við skipulagsfulltrúa og eftir atvikum aðra ráðgjafa.
Stýrihópnum verði falið að fara yfir fyrirliggjandi gögn og fyrri hugmyndavinnu, leggja mat á afmörkun verkefnisins og setja fram tillögu að markmiðum, áherslum, næstu skrefum og tímaáætlun fyrir áframhaldandi skipulagsvinnu.
Niðurstaða stýrihópsins verði lögð fyrir skipulagsnefnd til frekari ákvörðunar áður en farið verður í næsta formlega áfanga skipulagsvinnunnar.