Markaðs-, menningar- og jafnréttismálanefnd

Á fundinn mætir Íris Björk Sigurðardóttir til að ræða tillögur.
Lagt til að næstu skref verði að hafa samráð við Vegagerðina varðandi þeirra áætlanir um skilti og hafa samband við Oddafélagið varðandi söguskilti.
Nýi vegurinn að Odda ræddur. Beygjan er hættuleg og illa merkt og nefndin vísar því til skipulags- og umferðarnefndar að þrýsta á úrbætur.

Tillaga D-lista um stofnun nýbúaráðs rædd. Jóhann G. Jóhannsson, verkefnastjóri íþrótta- og fjölmenningarmála, mætir á fundinn til að fara yfir málið.
Nefndin þakkar góða tillögu og felur verkefnastjóra íþrótta- og fjölmenningarmála að vinna málið áfram og koma með tillögur til nefndarinnar fyrir næsta fund í október.
Nefndin leggur til að ráðið verði kallað „fjölmenningarráð“ frekar en „nýbúaráð“ þar sem gert er ráð fyrir að meðlimir ráðsins geti bæði verið nýbúar og þau sem hafa búið hér lengi en eru af erlendu bergi brotin.

Tillaga um að halda opinn umræðufund um menningarmál í Rangárþingi ytra rædd.
Lagt er til að byrja á að setja upp íbúakönnun um menningarmál á netinu. Markaðs- og kynningafulltrúa falið að vinna málið áfram.

Skipulag í kringum útnefningu samborgara Rangárþings ytra 2024 rætt.
Markaðs- og kynningafulltrúa falið að kalla eftir nýjum tilnefningum fyrir 1. nóvember.

Skipulag viðburðarins rætt. Stefnt að því að halda viðburðinn á Laugalandi seinnipartinn í nóvember.
Markaðs- og kynningafulltrú falið að vinna að skipulaginu í samvinnu við nefndina.

Skipulag viðburðarins rætt. Lagt til að bjóða foreldrafélagi Helluskóla að taka skipulagið að sér sem fjáröflun líkt og í fyrra.

Hugmynd um að halda jólamarkað á Hellu rædd. Stefnt að því að halda skottmarkað í desember. Markaðs- og kynningafulltrúa falið að vinna að skipulaginu.

Farið yfir viðburðaskýrslu Töðugjalda 2024.

Fundaskipulag nefndarinnar rætt.

Gögn kynnt fyrir nefndarfólki. Jóhann G. Jóhannsson, verkefnastjóri íþrótta- og fjölmenningarmála, mætir á fundinn í þessum lið og fer yfir stöðu mála og næstu skref.
Nefndin þakkar Jóhanni G. Jóhannssyni fyrir góða yfirferð. Nefndin leggur áherslu á að vinna málið hratt og örugglega.

Rætt um tillögu að nýjum vetraráfangastað í Rangárþingi.
Nefndin tekur vel í hugmyndir um norðurljósaleið í sveitarfélaginu og er tilbúin að styðja við málið eins og kostur er. Kallað er eftir nánari útfærslu, þar á meðal kostnaðaráætlun. Markaðs- og kynningafulltrúa falið að svara erindinu og kanna næstu skref.