Markaðs-, menningar- og jafnréttismálanefnd

Nefndin tekur vel í erindið og þakkar Guðna og hópnum fyrir gott framtak og áhugaverðar áætlanir.
Nefndin leggur til að sveitarfélagið taki þátt í verkefninu með þeim hætti sem rætt hefur verið, með vinnuframlagi markaðs- og kynningarfulltrúa við undirbúning og kynningu viðburðarins.
Nefndin hvetur einnig til þess að viðburðurinn fari einnig fram í Rangárþingi ytra, svo sem í Odda og/eða á Keldum.

Nefndin fór yfir innsendar umsóknir sem voru 9 talsins. Nefndin þakkar umsækjendum fyrir spennandi umsóknir.
Búið er að ákveða úthlutun styrkja og hafa umsækjendur fengið svarbréf.

Upplýsingar um niðurstöður úthlutunar má nálgast með því að smella á skjalið í viðhengi hér fyrir neðan.

Í tilefni þess að 25 ár eru liðin frá Suðurlandsskjálftanum, þann 17. júní árið 2000 þegar fjölmargir Hellubúar voru staddir í íþróttahúsinu á Hellu þar sem 17. júní skemmtun var haldin þar í fyrsta sinn, leggur nefndin áherslu á að halda hátíðina inni í íþróttahúsinu á Hellu.

Farið yfir skipulag Töðugjalda og staðan tekin. Stefnir í góð Töðugjöld.

Rætt hvort skoða eigi að Rangárþing ytra marki sér ferðamálastefnu. Nefndin leggur til að skoðað verði hvort fýsilegt sé að ráðast í gerð ferðamálastefnu, með hvaða hætti og hvort slík stefna ætti jafnvel að vera samstarf fleiri sveitarfélaga.

Nefndin fagnar þessari góðu hugmynd og hvetur fólk til að taka þátt og miðla sinni upplifun á þessum atburði.