Markaðs-, menningar- og jafnréttismálanefnd

Nefndin leggur til að vinna málið í samstarfi við Goðastein. Lagt er til að umfjöllunin verði bæði í formi viðtala, mynda, fræðigreina og frásagna. Markaðs- og kynningarfulltrúa falið að ræða við ritstjóra Goðasteins og koma með tillögur á næsta fundi nefndarinnar.

Nefndin leggur einnig til að halda áfram söfnun frásagna og mynda inn á vefmiðla til birtingar.

Nefndin vill setja það í reglur Menningarsjóðs Rangárþings ytra að opið verði fyrir umsóknir í fyrri úthlutun sjóðsins frá 1. mars til 1. apríl og í seinni úthlutun sjóðsins frá 1. september til 1. október ár hvert. Markaðs- og kynningarfulltrúa falið að breyta reglunum í samræmi við það og nefndin mun svo taka það til staðfestingar á næsta fundi sínum.
Opnað verður fyrir umsóknir í seinni úthlutun 2025 1. september næstkomandi.

Nefndin er ánægð með þróun Menningarsjóðsins og þann vaxandi fjölda umsókna sem berast. Nefndin telur nauðsynlegt að hækka upphæð úthlutunarfjárhæðar og mun óska eftir hærra framlagi við næstu fjárhagsáætlunargerð.

Skipulag Töðugjalda rætt. Allt samkvæmt áætlun. Lítur út fyrir góð Töðugjöld og veðrið verður gott.

Nefndin var ánægð með 17. júní hátíðina í ár. Mæting í íþróttahúsið var mjög góð og kaffisalan til fyrirmyndar hjá verðandi 10. bekk og foreldrum þeirra.

Nefndin leggur fram tillögu um að breyta róluvellinum á milli Þrúðvangs og Hólavangs í listigarð fyrir íbúa. Grunnhugmyndin er að bæta aðgengi, gróðursetja, gera stíga og skoða möguleikann á að setja upp aðstöðu fyrir markaðsbása og lítið svið fyrir minni uppákomur.

Nefndin felur markaðs- og kynningarfulltrúa að fullvinna tillöguna og vísa henni til skipulags- og umferðarnefndar til umsagnar.