Oddi bs

Á fundinn mætir Halldóra G. Helgadóttir teymisstjóri Félags- og skólaþjónustu Rangárvalla- og Vestur-Skaftafellsýslum og fer yfir niðurstöðu Íslensku æskulýðsrannsóknarinnar í grunnskólum Odda bs. 2025.

Stjórn þakkar Halldóru fyrir upplýsingarnar. Lagt til að grunnskólarnir rýni niðurstöðurnar með stjórn Odda bs.

Í upphafi skólaárs er gert ráð fyrir að skólastjórar geri fræðslunefnd grein fyrir stöðunni í starfsmannamálum hvað varðar starfsþróun og endurmenntun og leggja fram áætlun fyrir yfirstandandi skólaár.

Skólastjórar leik- og grunnskóla fóru yfir starfsmannamál og áætlanir um endur- og símenntun og lögðu fram gögn til kynningar sem fylgja með fundargerðinni. Einnig fóru þeir yfir fjölda nemenda við hvern skóla. Alls eru 277 börn í grunnskólum haustið 2025 en voru 273 haustið 2024 og 119 börn í leikskólunum haustið 2025 en voru 119 haustið 2024.

Árlega er gert ráð fyrir að skólastjórar þörf fyrir endurnýjun kennslutækja, þörf fyrir annan búnað og húsnæði í samræmi við þróun nemendafjölda og kennsluhátta og upplýsi fræðslunefnd um stöðu mála.

Skólastjórar leik- og grunnskóla greindu frá stöðu mála varðandi búnað og aðstöðu og fóru yfir atriði sem snúa að þróun skólastarfsins. Þá lögðu þeir fram gögn um þessi atriði til kynningar sem fylgja með fundargerðinni. Nánar verður unnið með þessi atriði nú þegar vinna við fjárhagsáætlun Odda bs fyrir næsta ár er hafin.