Skipulags- og umferðarnefnd Rangárþings ytra

Landeigendur óska eftir að gerðar verði breytingar á afmörkun lóðar sinnar til samræmis við fyrirliggjandi gögn. Um gjafagjörning er að ræða frá fyrri tíð þar sem stærð lóðarinnar og nákvæm afmörkun hennar er uppfærð skv. nútíma mælingu. Merkjalýsandi er Jóhanna Sigurjónsdóttir hjá Eflu.

Landeigandi óskar eftir að fá að skipta úr jörð sinni, Kelduholti L217616, 85.320,9 m² spildu. Lóðin fengi heitið Jórkelda og landeignanúmerið Lxxxxxx. Jörðin Kelduholt yrði 35,4 ha eftir skiptin skv. merkjalýsingu frá Kristjönu Ó Valgeirsdóttur hjá Landnotum dags. 14.6.2024.

Skipulagsstofnun vekur athygli á nýsamþykktri landsskipulagsstefnu fyrir árin 2024-2038 ásamt aðgerðaráætlun sem þar er sett fram fyrir árin 2024-2028. Í meðfylgjandi bréfi er farið stuttlega yfir uppbyggingu stefnunnar en við hvetjum skipulagsfulltrúa og annað starfsfólk sem kemur að skipulagsgerð að kynna sér nýja stefnu.

Samantekt af vorfundi Skipulagsfulltrúa

Ábending barst frá íbúa þess efnis að þar sem búið er að beina umferð um Laufskála meðan á framkvæmdum stendur við grunnskólann, að íbúar við götuna eigi ekki að leggja við hana. Óskað er eftir að gatan verði merkt sem slík svo ekki komi til frekari óþæginda síðar.

Fundargerð frá 14. júní lögð fram.

Landsvirkjun óskar eftir leyfi til uppsetningar á skiltum á þremur stöðum innan sveitarfélagsins í tengslum við verkefnið Orkuslóð. Orkuslóð á Þjórsársvæði hefur það markmið að efla upplýsingagjöf til ferðafólks sem fer um þau svæði þar sem Landsvirkjun er með starfsemi sína. Á skiltunum eru almennar upplýsingar um svæðið og starfsemi Landsvirkjunar ásamt öryggisleiðbeiningum. Þeir staðir sem um er að ræða er við upphaf Landmannaleiðar frá Landvegi, þar sem sett verða upp tvö standandi skilti, austan við brúnna að Búðarhálsi, þar sem verður hallandi skilti og svo við bílastæðið við Sigöldugljúfur, þar sem sett verður upp standandi skilti. Ásamt Orkuslóðarskiltum er stefnt á uppsetningu lægri skilta við þjónustuveginn meðfram Sigöldugljúfri. Vegagerðin hefur þegar veitt jákvæða umsögn um erindi Landsvirkjunar.

Farið yfir stöðu umferðarmála 2024. Lögð er fram yfirferð Sveins Rúnars Kristjánssonar, fulltrúa lögreglunnar á Suðurlandi, og Jóns Ragnars Örlygssonar, aðstoðarmanns Skipulagsfulltrúa, frá ferð þeirra um þéttbýlið á Hellu í júní.

Eigandi Árhúsa, veitingastaðar, óskar eftir að fá að setja niður auglýsingaskilti við Suðurlandsveg í samræmi við umsókn frá 29.6.2024.

Ferðafélag Íslands óskar eftir að fá að leggja fram tillögu að breytingum á gildandi deiliskipulagi dags. 26.5.2010. Breytingin felst í breyttum lóðamörkum, þar sem lóð er stækkuð og gert er ráð fyrir einni lóð ásamt byggingarreit um núverandi byggingar á svæðinu. Skipulagsgögn frá Landform dags. 3.6.2024.

Sveitarfélagið hefur unnið að hugmyndavinnu vegna nýs íbúðarhverfis í Bjargshverfi. Gert verði ráð fyrir allt að 100 íbúðareiningum í mismunandi tegundum húsa, einbýlis, par- og raðhúsum. Gerð verði grein fyrir tengingum við aðra vegi og samgöngum innan svæðisins. Tengsl við þéttbýlið austan Ytri-Rangár gerð skil með áformuðum göngubrúm og göngustígum. Unnið er að gatnahönnun og með hvaða hætti yfirborðsvatn verði fyrir komið. Lagt fram yfirlit yfir stöðu málsins.

Umsækjandi hefur fengið vilyrði til úthlutunar á lóðunum nr 5 og 9 við Sleipnisflatir á Hellu til sameiningar þeirra undir byggingu á allt að 2500 m² verksmiðjuhúsi til að framleiða PackWall byggingarplötur. Umsókn send ásamt fylgiskjölum 23.5.2024 og samþykkt í Byggðaráði 26.6.2024.

Skeiða- og Gnúpverjahreppur hefur óskað eftir umsögn Rangárþings ytra um fram lagða skipulagslýsingu vegna breytinga á aðalskipulagi sveitarfélagsins 2017-2029. Með breytingunni er sett inn nýtt efnistökusvæði á Búrfellshólmum austan Búrfells og í beinu framhaldi af núverandi efnistökusvæði E33. Áætluð efnistaka er allt að 4,5 milljón m3 og að efnisnám nemi um 80.000-300.000 m3 á ári í 10-15 ár. Stærð svæðis er 189 ha. Um er að ræða vikurnámu og er vikurinn einkum unninn til útflutnings. Starfsemi á nýju efnistökusvæði verður að öllum líkindum unnin á sambærilegan hátt og áður hefur verið á Búrfellshólmum og gengið verði frá því svæði þar sem efnistöku er lokið jafn óðum. Unnið er að umhverfismati fyrir efnistökusvæðið.

Fyrirhugað er að breyta landnotkun á hluta svæðis Oddsparts Loka í Þykkvabæ í verslunar- og þjónustusvæði. Fyrir er veitingastaður og tvenn kúluhús til útleigu innan skikans. Áform eru um áframhaldandi uppbyggingu innan svæðis, þá allt að 15 kúluhús og tvenn þjónustuhús. Einnig er gert ráð fyrir 5 stærri húsum til útleigu fyrir gesti. Lögð er fram lýsing skipulagsáforma frá Eflu dags. 18.6.2024.

Félagið Gbest ehf hefur fengið heimild til að gera breytingar á landotkun í aðalskipulagi sveitarfélagsins. Svæðið sem breytingin nær til er Gunnarsholt land (L164499). Svæðið er skilgreint sem landbúnaðarsvæði í gildandi aðalskipulagi Rangárþing ytra. Gert er ráð fyrir að um 60 hekturum verði breytt í athafnasvæði. Fyrirhugað er að framleiða skógarplöntur á spildunni í gróðurhúsum og innan skjólveggja. Heimilað verður að byggja skemmur og einnig verður starfsmannaaðstaða til viðveru og gistingar innan svæðis. Gert er ráð fyrir að plantað verði trjám umhverfis starfsemina, í um 20-30 hektara svæði, þ.e. sem skjólbelti innan lóðarmarka. Lögð er fram lýsing skipulagsáforma frá Eflu dags. 26.6.2024.

Rangárþing ytra hefur samþykkt að gera breytingu á aðalskipulagi Rangárþings ytra 2016 - 2028 fyrir Galtalækjarskóg L165042 og Merkihvol L192626. Jarðirnar eru í heildina um 83 ha að stærð og búið er að samræma landamerki beggja landa og aðliggjandi jarða. Með breyttu aðalskipulagi verður afþreyingar- og ferðamannasvæðið AF5 fellt út. Stofnuð er ný frístundabyggð F82 auk þess sem frístundabyggð F43 stækkar úr 10 ha í 12,1 ha og færist til norðurs. Eldri frístundabyggð, F44 helst óbreytt. Núverandi þjónustusvæði, VÞ7 minnkar og skilgreint er nýtt skógræktar- og landgræðslusvæði SL30 meðfram Landvegi. Auk þess er skilgreint vatnsból, VB30 auk grann- og fjarsvæða. Við þessar breytingar þá breytist lítillega afmörkun opinna svæða (OP1), auk afmörkunar óbyggðra svæða (ÓB) og landbúnaðarlands (L).

Samhliða breytingu aðalskipulags er unnið að deiliskipulagi í landi Galtalækjarskógar og Merkihvols og síðar að sameiningu landsins undir nafni Galtalækjaskógar.

Lýsing skipulagsáforma var kynnt með fresti til athugasemda til og með 23. maí sl. Umsagnir bárust frá Umhverfisstofnun, þar sem bent var á að settar verði fram skýrar stefnur um verndun og endurheimt á líffræðilegum fjölbreytileika í áætluninni og að ekki hafi verið fjallað um lög nr. 36/2011 um stjórn vatnamála og vatnaáætlun 2022-2027 í greinargerðinni;

frá Vegagerðinni sem gerði engar athugasemdir að sinni;

frá Heilbrigðiseftirliti Suðurlands sem bendir á að koma skal á sameiginlegu hreinsivirki og rökstyðja ef því verður ekki við komið og að ef gistirými fara yfir 200 þá sé framkvæmdin mögulega tilkynningaskyld til Skipulagsstofnunar um matskyldu;

frá Landi og Skógi sem gerir ekki athugasemdir að sinni. Lögð er fram tillaga að skipulagsáætlunum frá Eflu dags. 27.6.2024.

Eigandi Tindasels 1 og Tindasels 2 hefur fengið heimild til að leggja fram deiliskipulag af aukinni starfsemi en nú er á svæðinu. Samhliða óskar hann eftir að gerðar verði nauðsynlegar breytingar á aðalskipulagi til samræmis við aukin áform við ferðaþjónustu á svæðinu. Áform gera ráð fyrir móttöku allt að 200 gesta, byggingar hótels og gistiaðstöðu ásamt veitingasölu og að auki bættari aðstöðu fyrir starfsfólk og gistingu fyrir starfsfólk. Lögð er fram tillaga að skipulagsáætlunum frá Eflu dags. 23.4.2024.

Landeigandi hefur lagt fram tillögu að breytingu á gildandi deiliskipulagi dags. 26.3.2020. Í deiliskipulagsbreytingunni felst að mörk deiliskipulagssvæðis og lóðamörk lóða breytist. Lóðamörk lóðar 1 sem áður teygði sig til norðausturs meðfram ánni breytast. Lóðin styttist til norðausturs meðfram ánni en í staðinn stækkar lóðin til norðausturs að aðkomuvegi svæðisins. Lóðastærð er óbreytt. Lóðamörk lóðar 2 breytast lóðin minnkar úr 11.44 ha í 8.30 ha.

Mörk skipulagssvæðis breytist til samræmis við breytta lóð og nær til lóða 1 og 2.

Að öðru leyti gilda eldri deiliskipulagsskilmálar. Tillagan var auglýst frá og með 9.5.2024 til og með 20.6.2024. Umsagnir bárust frá Brunavörnum Rangárvallasýslu, Umhverfisstofnun, Vegagerðinni og Heilbrigðiseftirliti Suðurlands sem gerðu engar athugasemdir.

Erindi vísað frá Byggðaráði 26.6.2024 þess efnis að fela Skipulags- og umferðarnefnd að ræða mögulegar breytingar á aðkomuvegi inn í hverfið.

Þjónustumiðstöð Rangárþings ytra óskar eftir framkvæmdaleyfi fyrir að leggja gangstétt með Langasandi milli Dynskála og Eyjasands.

Einnig er óskað eftir því að staðsetning færist aðeins miðað við eldri hönnun sem hér er meðfylgjandi og stígurinn verði færður aðeins til austurs og liggi því á milli ljósastaura og veglínu.

Gert er ráð fyrir að gangstéttin verði 2-2,5 metrar á breidd malbikuð og þá grasreim meðfram götu svipað og er við Eyjasand að austanverðu.

Veitur óska eftir framkvæmdaleyfi til lagningar og endurnýjunar á hitaveitulögn frá Kaldárholti að Sörlatungu. Verkefnið snýst um að auka afkastagetu hitaveitu ásamt því að afleggja lagnir sem fara í uppnám vegna fyrirhugaðra framkvæmda Vegagerðarinnar á Hagabraut. Umsókn barst með tölvupósti 5. júní sl.

Vegagerðin kynnir fyrirhugaðar framkvæmdir á rúmlega 7,4 km löngum kafla á Hagabraut (286), milli Landvegar (26) og Reiðholts í Holtum í Rangárþingi Ytra. Um er að ræða endurbyggingu núverandi vegar. Skipulagsstofnun óskar eftir umsögn sveitarfélagsins vegna ákvörðunar um matsskyldu framkvæmdarinnar.

Hestahof ehf, eigandi Stóru-Skóga L230849 sækir um framkvæmdaleyfi til efnistöku úr efnistökusvæði innan jarðanna Stóru-Skóga og Stóru-Skóga 2, efnistökusvæði nr E13 í greinargerð aðalskipulags sveitarfélagsins. Fyrirhuguð er efnistaka í samræmi við skilmála í aðalskipulagi en heimilt er að vinna allt að 50.000 m3 af efni samkvæmt aðalskipulagi. Heildar flatarmál raskaðs svæðis kemur til með að vera 2,0 ha að efnistöku lokinni og er þá heimild aðalskipulagsins fullnýtt. Samkvæmt landeigendum er búið að taka um 20.000 m³ af efni nú þegar á 1,2 ha svæði, sem skiptist þannig að 1/4 er úr Stóru-Skógum og 3/4 úr Stóru-Skógum 2. Unnið er að frágangi á svæðinu innan Stóru-Skóga. Samþykki eiganda Stóru-Skóga 2 liggur fyrir.

Orkufjarskipti hf óskar eftir framkvæmdaleyfi til lagningar á ljósleiðara og rafstreng frá Búrfellsstöð að væntanlegri Hvammsvirkjun. Lögnin er ca. 18,5 km löng og er í samræmi við sýnda lagnaleið í aðalskipulagi sveitarfélagsins. Rafstrengur og 20 mm rör fyrir ljósleiðara verður plægt í jörðu, nema á nokkrum stöðum þar sem jarðvegur er grófur, þar verður grafið. 5-6 tengibrunnar verða aðgengilegir á leiðinni til viðhalds og eftirlits. Í kynningu framkvæmdarinnar í Skipulagsgátt, en kynning stóð frá og með 15.5.2024 til og með 12.6.2024, bárust umsagnir frá alls 6 umsagnaraðilum. Engar athugasemdir voru gerðar af hálfu Mílu, Forsætisráðuneytis eða Landi og Skógi. Athugasemd barst frá Landvernd þar sem Landvernd telur ekki tímabært að gefa út framkvæmdaleyfið fyrr en úrskurður liggur fyrir hvort virkjunin sjálf verði að veruleika. Landsnet vekur athygli á að fyrirhuguð strengleið liggur nærri Hvolsvallarlínu 1 við Búrfellsvirkjun, þverar Búrfellslínu 2 og fylgir þaðan Búrfellslínum 1 og 3 að Hvammsvirkjun og gæti því haft áhrif á skilyrði gagnvart helgunarsvæði línanna. Umhverfisstofnun vekur athygli á að þar sem strengleiðin mun liggja yfir Þjórsá þurfi að vinna áhrifamat í samræmi við lög um stjórn vatnamála og leggur jafnframt áherslu á að mikilvægt sé að plægt verði í laus jarðlög í hrauni sem nýtur verndar.

Samkvæmt breytingum á jarðalögum frá árinu 2021 er gert ráð fyrir að sveitarstjórn taki ákvörðun um breytingar á landnotkun á grundvelli heildstæðs mats samkvæmt skipulagsáætlun. Við gerð aðalskipulags í dreifbýli skal land flokkað með tilliti til ræktunarmöguleika. Lögð er fram greinargerð frá Eflu dags. 29.2.2024 þar sem farið er yfir hvernig unnið er að flokkun landbúnaðarlands.

Lögð fram fundargerð afgreiðslufundar byggingarfulltrúa nr. 115

Lögð fram fundargerð afgreiðslufundar byggingarfulltrúa nr. 116