Skipulags- og umferðarnefnd Rangárþings ytra

Landeigendur óskar eftir að fá að skipta úr lóð sinni Haga lóð, L178633, einni lóð, 2666,8 m². Útskipta lóðin fengi heitið Vatnsbakki 2 og landeignanúmerið Lxxxxxx. Lóðin Hagi lóð L178633 héldi upprunalandeignanúmeri sínu og yrði jafnstór eða 2666,8 m² eins og hin nýja lóð. Gögn skv. merkjalýsingu frá Jóhönnu Sigurjónsdóttur.

Forsætisráðuneytið óskar eftir að stofna lóð undir iðnaðarstarfsemi við Vaðöldu úr Landmannaafrétti L229508. Lóðin yrði 1788,3 ha að stærð, fengi landeignanúmerið Lxxxxxx og heitið Vaðalda. Merkjalýsing frá Jóhönnu Sigurjónsdóttur dags. 25.7.2024.

Landeigandi Stóru-Skóga, L230849, óskar eftir að fá að skipta úr jörð sinni, þremur lóðum. Lóð sem fengi heitið Stóri-Bakki, stærð 50907,2 m², og Lxxxxxx, lóð sem fengi heitið Stóra-Hæð, stærðin 44151,3 m² og Lxxxxxx og lóð sem fengi heitið Krikakot, stærðin 131324,6 m² og Lxxxxxx. Jörðin Stóru-Skógar L230849 minnkar sem nemur útskiptum lóðum og verður 14,2 ha eftir skiptin. Merkjalýsing frá Jóhönnu Sigurjónsdóttur dags. 30.8.2024.

Landeigandi óskar eftir að afmörkun lóðar nr. 34 við Hraunveg í Fjallalandi verði breytt í samræmi við breytingu sem gerð var á deiliskipulagi vegna þess. Merkjalýsing frá Jóhönnu Sigurjónsdóttur dags. 15.8.2024.

Farið yfir stöðu umferðarmerkinga á Hellu. Lagður fram listi frá forstöðumanni þjónustumiðstöðvarinnar um stöðu merkinga.

Farið yfir stöðu umferðarmála 2024

Lögð er fram skipulagslýsing sem tekur til breytingar á aðalskipulagi Ásahrepps 2020-2032. Með breytingunni felst að skilgreint verði nýtt efnistökusvæði við aðrennslisskurð Sigöldustöðvar. Efni hefur verið tekið af svæðinu við framkvæmdir tengdar virkjunum og vatnsmiðlun, en náman er ekki á skipulagi. Efni úr námunni verður einkum nýtt við framkvæmdir í tengslum við fyrirhugaða stækkun Sigöldustöðvar. Stærð efnistökusvæðis verður um 1 ha og heimilt verður að vinna allt að 49.000 m3 af efni.

Landeigandi óskar eftir breytingum á landnotkun jarða sinna ásamt heimild til að leggja fram nýtt deiliskipulag í kjölfarið. Svæðin sem breytingin nær til eru Hallstún (L165088), Hallstún land (L203602) og Hallstún land (203908). Heildarstærð svæðanna er 34,3 ha. Frístundabyggð F72 er skilgreint á hluta Hallstúns og Hallstúni land (203602). Fyrirhugað er að sameina jarðirnar og byggja þar upp til fastrar búsetu þar sem stundaður verður landbúnaður og atvinna tengd hestamennsku. Gert er ráð fyrir að fella út F72 svo að allt skipulagssvæðið verði landbúnaðarsvæði að nýju.

Sett er fram sameiginleg skipulagslýsing frá Eflu dags. 29.8.2024 fyrir breytingu á Aðalskipulagi Rangárþings ytra 2016-2028 í samræmi við 2. mgr. 36. gr. skipulagslaga 123/2010 og gerð deiliskipulags fyrir svæðið í samræmi við 40. gr. laganna.

Eigandi Hallstúns spildu L203254 óskar eftir að fá að leggja fram deiliskipulag af lóð sinni samhliða breytingum á landnotkun í aðalskipulagi sveitarfélagsins, þar sem núverandi landnotkun landbúnaðarsvæðis verði breytt í Verslunar- og þjónustunot. Fyrirhuguð er uppbygging ferðaþjónustu fyrir allt að 20 gesti.

Félagið Gbest ehf hefur fengið heimild til að gera breytingar á landnotkun í aðalskipulagi sveitarfélagsins. Svæðið sem breytingin nær til er Gunnarsholt land (L164499). Svæðið er skilgreint sem landbúnaðarsvæði í gildandi aðalskipulagi Rangárþing ytra. Gert er ráð fyrir að um 60 hekturum verði breytt í athafnasvæði. Fyrirhugað er að framleiða skógarplöntur á spildunni í gróðurhúsum og innan skjólveggja. Heimilað verður að byggja skemmur og einnig verður starfsmannaaðstaða til viðveru og gistingar innan svæðis. Gert er ráð fyrir að plantað verði trjám umhverfis starfsemina, í um 20-30 hektara svæði, þ.e. sem skjólbelti innan lóðarmarka. Lýsing skipulagsáforma hefur verið kynnt og bárust eftirtaldar umsagnir:

Landsnet og Míla gera engar athugasemdir; Brunavarnir Rangárvallasýslu benda á að burðarþol aðkomuleiða innan svæðis skuli vera 30 tonn hið minnsta og að trjágróður megi ekki hindra aðkomu slökkviliðs; Umhverfisstofnun sem gerir ekki athugasemdir en bendir á að skoða þurfi vel áhrif ljósmengunar frá gróðurhúsum; Heilbrigðiseftirlit Suðurlands sem bendir á að mögulega sé framkvæmdin tilkynningaskyld sbr. tölulið 1.02 í 1. viðauka laga nr. 111/2021; Vegagerðin sem bendir á að æskilegt sé að nýta tengingu við Sagnagarðsveg (2740-01). Skipulagsstofnun telur lýsinguna veita góða mynd af viðfangsefni breytingarinnar og bendir á að marka þurfi stefnu um yfirbragð svæðisins við gerð deiliskipulagsins og að þegar land er tekið úr landbúnaðarnotum þurfi sveitarstjórn að taka afstöðu til hvort landið er stærra en þörf krefur miðað við umfang væntanlegrar starfsemi. Lögð er fram tillaga frá Eflu dags. 21.8.2024.

Sveitarstjórn Rangárþings ytra hefur samþykkt að gerð verði breyting á landnotkun í aðalskipulagi þar sem lóðin Hagi v/Selfjall 2 yrði skilgreind sem Verslunar- og þjónustulóð í stað frístundalóðar áður. Lýsing skipulagsáforma var kynnt til og með 28.6.2024. Eftirfarandi umsagnir bárust:

Frá Mílu, sem gerði engar athugasemdir en óskar eftir samráði við væntanlegar framkvæmdir; frá Veitum sem gera ekki athugasemdir en benda á að svæðið er utan skyldusvæðis og þarf því að semja sérstaklega um notkun á heitu vatni; frá Umhverfisstofnun og Landsneti sem gerðu engar athugasemdir; frá Brunavörnum Rangárvallasýslu sem benda á skilyrta öxulþyngd og mælir með að settur verði nýr brunahani á svæðið; frá Heilbrigðiseftirliti Suðurlands sem gerir engar athugasemdir en bendir á að huga þurfi að hljóðvist vegna nálægðar við frístundalóðir og að skilgreina þurfi vatnsvernd í kringum vatnsból á svæðinu og frá Skipulagsstofnun sem bendir á að setja þurfi skýr skipulagsákvæði fyrir VÞ svæðið, gera þurfi grein fyrir áhrifum á nærliggjandi frístundabyggð, taka þurfi mið að Landsskipulagsstefnu og að hafa þurfi gott samráð við lóðarhafa aðliggjandi lóða.

Lögð er fram greinargerð frá Eflu dags. 28.8.2024.

Fyrirhugað er að breyta landnotkun á hluta svæðis Oddsparts Loka í Þykkvabæ í verslunar- og þjónustusvæði. Fyrir er veitingastaður og tvenn kúluhús til útleigu innan skikans. Áform eru um áframhaldandi uppbyggingu innan svæðis, þá allt að 15 kúluhús og tvenn þjónustuhús. Einnig er gert ráð fyrir 5 stærri húsum til útleigu fyrir gesti. Lýsing skipulagsáforma hefur verið kynnt og bárust umsagnir frá eftirtöldum aðilum:

Frá Umhverfisstofnun, Landsneti, Mílu og Veitum, sem gerðu engar athugasemdir en Míla bendir á að hafa skuli samráð við fyrirtækið þegar að framkvæmdum verða; frá Brunavörnum Rangárvallasýslu, sem bendir á að burðarþol aðkomuleiða innan svæðis skuli vera 30 tonn hið minnsta og að gróðursetning við aðkomuveg megi ekki hindra aðkomu slökkviliðs; frá Heilbrigðiseftirliti Suðurlands sem óskar frekari skýringa á hugtakinu "kúluhúsi" og bendir á að sala gistingar sé starfsleyfisskyld og að skýrt þurfi að koma fram hvernig aðgengi að hreinlætisaðstöðu verður háttað; frá Vegagerðinni sem gerir athugasemdir við tengingar inná Háfsveg (2995-01) og frá Skipulagsstofnun sem gerir ekki athugasemdir en bendir á ýmis efnisleg atriði sem þurfa að koma fram í væntanlegri tillögu. Lögð er fram tillaga frá Efla dags. 27.8.2024

Sveitarstjórn samþykkti á fundi sínum 14.8.2024 tillögu Byggðaráðs frá fundi þeirra 10.7.2024 þar sem Byggðarráð leggur til að lóðin Rangárflatir 2 fari í skipulagsferli jafnhliða vinnu við endurskoðun miðbæjarskipulagsins og möguleikar lóðarinnar verði nýttir betur til að auka fjölbreytni atvinnulífs í sveitarfélaginu. Farið yfir skipulagslegar áherslur varðandi uppbyggingu á Rangárflötum 2.

Landeigendur hafa lagt fram tillögu að deiliskipulagi fyrir lóðina Mosar, Rangárþingi ytra. Deiliskipulagið gerir ráð fyrir að skipta lóðinni upp í 8-16 lóðir undir sumarhús þar sem stærð hverrar lóðar yrði á bilinu 0,4 - 2,0 ha. Aðkoma er af Bjallavegi (nr. 272) og um nýjan aðkomuveg að Mosum. Tillagan var auglýst frá og með 14.12.2023 til og með 25.1.2024. Nokkrar athugasemdir bárust og er lögð fram samantekt á viðbrögðum við þeim ásamt viðbrögðum við afgreiðslu Skipulagsstofnunar sem barst eftir auglýsingu tillögunnar.

Eigandi Tindasels 1 og Tindasels 2 hefur fengið heimild til að leggja fram deiliskipulag af aukinni starfsemi en nú er á svæðinu. Tilheyrandi breytingar á aðalskipulagi hafa verið auglýstar. Áform gera ráð fyrir móttöku allt að 200 gesta, byggingar hótels og gistiaðstöðu ásamt veitingasölu og að auki bættari aðstöðu fyrir starfsfólk og gistingu fyrir starfsfólk. Uppdráttur og greinargerð frá Eflu dags. 30.8.2024.

Rekstraraðilar í Áfangagili hafa fengið heimild til að leggja fram tillögu að deiliskipulagi af svæðinu. Áætlað er að byggja upp meiri aðstöðu fyrir ferðamenn á svæðinu. Núverandi fjallaskálar, tjaldstæði, sturta og salernishús verða áfram í notkun. Skilarétt fyrir Landmannaafrétt er einnig á skipulagssvæðinu.

Gönguleiðin Hellismannaleið liggur um hlaðið í Áfangagili og er Áfangagil einn af gististöðunum á þeirri leið. Þá er talsverð umferð hestahópa í Áfangagili og m.a. skipulagðar hestaferðir um Fjallabakssvæðið og er þá gist í Áfangagili. Hægt er að koma að skipulagssvæðinu af tveimur vegum, annars vegar af Dómadalsleið (F-225) og hins vegar af Landvegi (26).

Uppdráttur og greinargerð frá Eflu dags. 13.5.2024.

Núverandi tenging að svæðinu er til bráðabirgða. Skipulags- og umferðarnefnd telur réttast að aðkoma verði meðfram Suðurlandsvegi að sunnanverðu frá væntanlegu hringtorgi við Reykjagarð og tengist núverandi aðkomuvegi sem þar er. Nefndin leggur til að gerðar verði nauðsynlegar breytingar í aðalskipulagi sveitarfélagsins þar sem sýnd aðkoma verði felld út úr Aldamótaskógi í þeirri mynd sem gildandi aðalskipulag sýnir. Að auki leggur nefndin til að vinna hefjist samhliða við breytingar á gildandi deiliskipulagi fyrir svæðið, þar sem uppfylltar verði áður samþykktar breytingar fyrir lóðir nr. 34 og 35 annars vegar og fyrir lóð 48 hins vegar. Jafnframt skuli breyta skipulagsmörkum við núverandi aðkomu frá Suðurlandsvegi vegna skörunar við deiliskipulag Suðurlandsvegar. Nefndin telur jafnframt ekki ástæðu til að breyta lóðamörkum lóðanna sem liggja að núverandi aðkomu, heldur skuli vera um aðkomu inn í Aldamótaskóginn áfram í sama stíl og á er á milli lóða 40 og 41. Lögð er fram lýsing skipulagsáforma frá Eflu dags. 30.8.2024.

Sveitarfélagið hefur unnið að hugmyndavinnu vegna nýs íbúðarhverfis í Bjargshverfi. Gert verði ráð fyrir allt að 100 íbúðareiningum í mismunandi tegundum húsa, einbýlis, par- og raðhúsum. Gerð verði grein fyrir tengingum við aðra vegi og samgöngum innan svæðisins. Tengsl við þéttbýlið austan Ytri-Rangár gerð skil með áformuðum göngubrúm og göngustígum. Unnið er að veitu- og gatnahönnun fyrir svæðið. Farið yfir stöðuna.

Landeigandi að Heiðarbakka, L164504, sækir um framkvæmdaleyfi og tilkynnir til sveitarstjórnar áform sín um skógrækt á u.þ.b. 77 ha spildu úr jörð sinni, skv. uppdrætti frá Skógræktinni og drögum að samningi við Skógræktina dags. 21.6.2024. Álit skógræktarráðgjafa er einnig lagt fram. Um viðbót er að ræða við veitingu framkvæmdaleyfis til skógræktar á um 110 ha svæði sem veitt var á árinu 2022. Heildarsvæði verður því um 187 ha.

Orkufjarskipti hf. áætla að leggja rafstreng og ljóslögn milli lokumannvirkja LV í Sultartanga, þ.e. frá botnrás yfir blöðrur, sjá græna línu á mynd 1 sem hér er meðfylgjandi. Lagnaleiðin er um 5km og liggur samsíða fyrirliggjandi lögn í eigu Orkufjarskipta.

Að auki er áformað að leggja rafstreng auk ljóslagnar um 3km leið, sjá gula línu á mynd 1, inn að fyrirhuguðu vinnusvæði verktaka þar sem að staðsettur verður m.a. jarðvegsbrjótur sem að knúinn verður áfram af rafmagni.

Umhverfisstofnun óskar eftir framkvæmdarleyfi vegna endurbóta á gönguleið um Laugahraun í Landmannalaugum. Er þetta síðasti kaflinn í endurbótum og viðhaldi á göngustíg sem í daglegu tali kallast Laugahringur. Um er að ræða lagfæringu á um 500 m löngum kafla í gegnum Laugahraunið.

Hverfisskipulag innan Hellu. Farið yfir stöðu mála.