Skipulags- og umferðarnefnd Rangárþings ytra

Eigandi Grenjabakka L238152 og Grenjar 2 L226585 óskar eftir að fá að breyta lítillega afmörkun lóðanna vegna legu nýs aðkomuvegar. Aðkoma er af Landvegi (nr.26) og þaðan um nýjan vegslóða. Kvöð er á Grenjabakka um aðgengi að lóðunum Birkivöllum, Silfurbrekku og Grenjum 2. Kvöð er á Grenjum 2 um aðgengi að lóðinni Birkivellir.

Merkjalýsing frá Eflu dags. 13.01.2025.

Landeigandi óskar eftir að fá að skipta úr lóð sinni Gaddststöðum 6a, lóð sem yrði 177,9 m² að stærð, fengi heitið Gaddstaðir 6 spilda 1 og L239300 í samræmi við merkjalýsingu frá Hermanni Hermannssyni dags. 5.4.2025. Á nýju lóðina færist matshluti 01 0103 Sumarhús. Engar breytingar verða gerðar á landnotkun lóðarinnar en hún er á skilgreindu frístundasvæði.

Eigendur jarðarinnar Hólmatjörn L219184 og eigandi lóðarinnar Hólmatjörn 1, L232611 óska eftir að sameina Hólmatjörn 1 undir jörðina Hólmatjörn. Hólmatjörn L219184 mælist 48,6 ha en verður 53,6 ha eftir sameiningu og leiðréttist því skráning á stærð í fasteignaskrá samhliða þessum breytingum. Merkjalýsing frá Hörpu Birgisdóttur, dags. 10.3.2025.

Landeigandi óskar eftir að fá að skipta úr jörð sinni Lækjarbotnum L164992, skika sem yrði 42,15 ha að stærð, fengi heitið Lækjarbotnar skiki og L239301 í samræmi við merkjalýsingu frá Sigurgeir Skúlasyni dags. 7.4.2025. Engar breytingar verða gerðar á landnotkun lóðarinnar en hún er á skilreindu landbúnaðarsvæði.

Landeigandi óskar eftir að fá að skipta úr lóð sinni Vaðöldu vindorkuveri, L238022, tveimur lóðum. Báðar lóðirnar yrðu 41,300 m² að stærð, önnur fengi heitið Vaðalda Tengivirki og Lxxxxxx og hin fengi heitið Vaðalda Safnstöð og Lxxxxxx í samræmi við merkjalýsingu frá Hugrúnu Hörpu Björnsdóttur dags. 2.4.2025.

Samtals stærð lóðanna er því 82.600 m2 (8,3 ha). Vaðalda vindorkuver er með skráða stærð 1788,3 m2 en minnkar um 8,3 ha og verður 1780 ha

Úrskurðarnefnd umhverfis- og auðlindamála sendir afrit kæru dags. 7.4.2025, móttekin af nefndinni sama dag. Kærðar eru ákvarðanir hreppsnefndar Ásahrepps um að veita tvö framkvæmdaleyfi í sambandi við fyrirhugaða stækkun Sigöldustöðvar í Ásahreppi og Rangárþingi ytra úr 150 í 215 MW, ákvörðun 1 tekin á hreppsnefndarfundi 22. janúar 2025, mál nr. 314/2025 í Skipulagsgátt og ákvörðun 2 tekin á hreppsnefndarfundi 19. febrúar 2025, mál nr. 315/2025 í Skipulagsgátt.

Lögð er fram umhverfismatsskýrsla Kerfisáætlunar Landsnets 2025-2034 til kynningar. Í kerfisáætlun fjallar Landsnet um hvernig skuli þróa og endurnýja flutningskerfi raforku.

Nánari upplýsingar má finna á vefsíðu Landsnets: https://landsnet.is/kerfisaaetlun/.

Skipulagsstofnun vekur athygli á nýútgefinni landsskipulagsstefnu fyrir árin 2024-2038. Á landsskipulag.is má nálgast útgefna stefnu ásamt frekari upplýsingum um stefnuna, framfylgd hennar og einstakra verkefna aðgerðaáætlunar.

Umhverfismatsdagurinn í ár fer fram þann 5. júní í Nauthól og í beinu streymi.

Umhverfismatsdagurinn er árleg ráðstefna um umhverfismat, þar sem fjallað er um það sem efst er á baugi í málaflokknum hverju sinni.

Landeigandi óskar eftir að fá að leggja fram tillögu að deiliskipulagi til byggingar á íbúðarhúsi ásamt vélaskemmu og tengdum mannvirkjum.

Landeigendur óska eftir að fá að leggja fram tillögu að breytingu á gildandi deiliskipulagi dags. 28.1.2021. Á uppdrætti bætist við ný 12.601 m2 lóð ásamt byggingarreit B4. Innan byggingarreits er heimilt að byggja allt að 138 m2 íbúðarhús með sambyggðum eða stakstæðum bílskúr, ásamt 60 m2 gestahúsi og allt að 180 m2 skemmu/geymslu. Aðkoma verður óbreytt. Skipulagsgögn frá Eflu dags. 28.3.2025.

Rangárþing ytra vinnur að breytingu á Aðalskipulagi Rangárþings ytra 2016-2028, skv. 1. mgr. 36. gr. skipulagslaga nr. 123/2010. Breytingin nær til Stekkatúns 1 (landnr. 165446) sem er 44 ha að stærð skv. skrá HMS. Hluti lands er skilgreindur sem verslunar- og þjónustusvæði VÞ36 í gildandi aðalskipulagi. Fyrstu hugmyndir gerðu ráð fyrir að stækka verslunar- og þjónustusvæði VÞ36 úr 6,7 ha í 44 ha. Megin uppbygging yrðu gestahús/litlar hvelfingar þar sem gestir geti notið næturhimins og norðurljósa, ásamt góðri gistiþjónustu. Hámarks byggingarmagn innan þjónustusvæðis hefði aukist úr 510 m2 yfir í allt að 1600 m2 innan svæðis. Lýsing skipulagsáforma hefur verið kynnt og var frestur til athugasemda til og með 28.11.2024. Nokkrar athugasemdir bárust á kynningartíma lýsingarinnar sem gerðu það að verkum að umsækjendur hafa nú minnkað áform sín niður í að Verslunar- og þjónustusvæðið verður 12,6 ha í stað 44 ha áður, að hámarksfjöldi gesta verði allt að 54 í allt að 27 litlum gestahúsum / hvelfingum í stað 55 áður. Tillagan var auglýst frá og með 31.1.2025 til og með 19.3.2025. Umsagnir bárust frá eftirtöldum aðilum: Vegagerðinni, sem bendir á að ekki liggi fyrir samþykkt um vegtengingar við Þykkvabæjarveginn; frá Brunavörnum Rangárvallasýslu sem bendir á að öxulþungi innan svæðis verði 32 tonn; frá Veitum og Landsneti sem gerðu engar athugasemdir; frá Náttúrverndarstofnun sem bendir á að þurfi að setja fram stefnu sveitarfélagsins varðandi vernd á mikilvægum fuglasvæðum og að auki varðandi náttúruvernd vistgerða. Heilbrigðiseftirlit Suðurlands lagði til breytingu á lýsingu í kafla 4.2, töflu 2.3.4. Lögð er fram samantekt á umsögnum aðila og drög að viðbrögðum við þeim.

Eigendur Stekkatúns L165446 hafa lagt fram tillögu að breytingu á gildandi deiliskipulagi fyrir svæðið frá 2023. Áform eru um að fjölga gistirýmum og bæta við þjónusturýmum til reksturs ferðaþjónustu. Tillagan var auglýst frá og með 31.01.2025-19.03.2025.

Sveitarstjórn Rangárþings ytra hefur samþykkt að auglýst verði tillaga að breytingu á landnotkun í aðalskipulagi þar sem lóðin Hagi v/Selfjall 2 yrði skilgreind sem Verslunar- og þjónustulóð í stað frístundalóðar áður. Meðan á auglýsingu stóð átti jafnframt að grenndarkynna breytta tillögu til nærliggjandi lóðarhafa. Lóðarhöfum var kynnt breytingin og bárust athugasemdir í kynningu. Heilbrigðiseftirlit Suðurlands gerði einnig athugasemdir við efnisleg atriði í greinargerð. Lögð er fram samantekt á umsögnum og drögum að viðbrögðum við þeim.

Eigandi lóðarinnar Hagi v/Selfjall 2, L176252, hefur fengið heimild til að auglýsa tillögu að breytingum á gildandi deiliskipulagi fyrir svæðið, dags. 10.6.1992, þar sem heimiluð verði áform um útleigu gistingar í flokki II ásamt rekstri til leiðtoga- og heilsuþjálfunar. Meðan á auglýsingu stóð átti jafnframt að grenndarkynna breytta tillögu til nærliggjandi lóðarhafa. Lóðarhöfum var kynnt breytingin og bárust athugasemdir í kynningu. Skipulagið var grenndarkynnt hagsmunaraðilum að nýju. Lögð er fram samantekt á umsögnum og drögum að viðbrögðum við þeim.

Lögð fram drög að endurskoðaðu deiliskiplagi fyrir Strönd. Stjórn sorpstöðvarinnar samþykkti drögin og ákvað að málið skildi fara í formlegan skipulagsferil. Lögð er fram tillaga frá Eflu dags. 20.3.2025

Byggingarfulltrúi Rangárþings ytra hefur móttekið umsókn Óskars Björnssonar um leyfi til að breyta notkun núverandi frístundahúss í íbúðarhús. Byggingarfulltrúi gerir ekki athugasemdir við breytta notkun húsnæðis en telur aðkomu Skipulags- og umferðarnefndar nauðsynlega vegna fjarlægðar frá aðalvegi.

Skipulagsnefnd fer yfir stöðu mála hvað varðar skipulag og framkvæmdir

Skipulagsstofnun leitar umsagna umsagnaraðila vegna tilkynninga til ákvörðunar um matsskyldu á

grundvelli 20. gr. laga um umhverfismat framkvæmda og áætlana nr. 111/2021. Deluxe Lodges ehf. fyrirhugar uppbyggingu á hóteli og gistihúsum á jörðinni Tindaseli í Rangárþingi ytra. Gert er ráð fyrir gistingu fyrir allt að 200 manns á þremur aðskildum uppbyggingarsvæðum á samtals um 12,7 ha svæði og er heildar byggingamagn áætlað um 5000 m2.

Landsvirkjun vinnur nú að lokaundirbúningi við Hvammsvirkjun og tengdar framkvæmdir í og við Þjórsá í Skeiða- og Gnúpverjahreppi. Þær efnistökuheimildir sem eru í gildandi deiliskipulagi byggja á umhverfismati frá 2003 og uppfærðu umhverfismati frá 2017, og hafa ýmsar hönnunarforsendur breyst síðan þá og við endanlega verkhönnun hefur komið í ljós að efnisþörf er nokkuð meiri en reiknað var með í upphafi og því hyggjast Landsvirkjun og Vegagerðin stækka efnistökusvæði E26 til að mæta þessari viðbótarefnisþörf. Er það einkum nýr Þjórsárdalsvegur og miklar fyllingar honum tengdum sem kalla á þessa auknu efnisþörf. Í heild verður viðbótarefnismagn 390.000 m3 .

Fyrir hönd eigenda Stóru-Valla, L165011, er hér með sótt um framkvæmdaleyfi fyrir vegi í landi Minni-Valla, L164995, skv. dómssátt sem gerð var 23. apríl 2024, þinglýsingarnúmer 447-B-001933/2024.

Að beiðni sveitarfélagsins er einnig óskað eftir aðalskipulagsbreytingu á grundvelli dómssáttar.

Umhverfisstofnun fékk útgefið framkvæmdaleyfi fyrir endurnýjun á göngupalli frá skála Ferðafélags Íslands að nýjum laugapalli við náttúrulaug. Framkvæmdaleyfi útgefið 10.6.2024. Vegna skorts á efni til framkvæmdarinnar var framkvæmdum frestað fram á þetta ár að viðbættum kaflanum sem nú er sótt um, þ.e. frá laugapalli að Námskvísl. Umsókn barst frá Náttúruverndarstofnun (áður Umhverfisstofnun) þann 13. mars 2025 vegna viðbótarinnar. Umsögn frá Forsætisráðuneytinu liggur fyrir þar sem ekki eru gerðar neinar athugasemdir.