Skipulags- og umferðarnefnd Rangárþings ytra

Vegagerðin, fyrir hönd landeigenda að Haga lóð, L165221, óskar eftir að fá að skipta út 961 m² spildu undir vegsvæði vegna enduruppbyggingar Hagabrautar skv. uppdrætti frá Vegagerðinni dags. 27.11.2023. Ný spilda fengi landeignanúmerið LXXXXXX og heitið Hagi lóð vegsvæði. Hagi lóð er skráð 5.600 m² að stærð og minnkar sem nemur úttekinni spildu. Merkjalýsing frá Helgu Bryndísi Björnsdóttur, dags. 11.4.2025.

Landeigandi hefur óskað eftir að fá að skipta út lóð úr landi sínu. Ný lóð er stofnuð úr Birkivöllum, L226584. Lóðin fær heitið Birkivellir og verður 11,2 ha að stærð. Birkivellir minnkar sem því nemur og verður 5000,0 m² og breytir um staðfang og verður Birkivellir 2. Merkjalýsing frá Hörpu Birgisdóttur dags. 19.5.2025.

Eigendur Rangársléttu, L229419, óska eftir að fá að stofna lóð úr jörð sinni. Lóðin er skilgreind í gildandi deiliskipulagi dags. 3.3.2021, yrði 22.406 m² að stærð, fengi landeignanúmerið LXXXXXX og heitið Rangárslétta 10. Merkjalýsing frá Kára Gunnarssyni dags. 226.6.2025.

Eigendur Rangársléttu, L229419, óska eftir að fá að stofna lóð úr jörð sinni. Lóðin er skilgreind í gildandi deiliskipulagi dags. 3.3.2021 m.s.br., yrði 3,4 ha að stærð, fengi landeignanúmerið LXXXXXX og heitið Rangárslétta 11. Merkjalýsing frá Kára Gunnarssyni dags. 22.6.2025.

Meiri-Tunga 8, L238301 er með skráða stærð 10.000 m² í fasteignaskrá HMS. Afmörkun lóðarinnar er samkvæmt hnitsettum uppdrætti unnin af EFLU, dags. 25.10.2024.

Lóðin minnkar um 1123,8 m² og verður 8876,2 m², mismunurinn fer inn í Meiri-Tungu 4, L165132, sem stækkar um það sem því nemur. Aðkoma er frá Ásvegi (nr. 275) og þaðan um aðkomu veg um upprunalandið Meiri-Tungu 4. Kvöð er á Meiri-Tungu 4 um aðkomu að Meiri-Tungu 8. Merkjalýsing er unnin af Hörpu Birgisdóttur, dags. 24.6.2025.

Vinir Íslenskrar náttúru, VÍN, leggja fram leiðpbeiningar um val á landi til skógræktar.

Lagt fram yfirlit frá Vegagerðinni um mögulegar tengingar inná og út af Þykkvabæjarvegi frá mörkum Unhóls 1A lóðar D að þéttýlismörkum Þykkvabæjar.

Ærslabelgir að gjöf frá Orkunni. Mögulegar staðsetningar.

Óskað er eftir framkvæmdaleyfi til áframhaldandi efnistöku úr Minnivallanámu. Framkvæmdaleyfið tekur til áframhaldandi efnistöku sem nemur allt að 40.000 m3 til viðbótar en til þess þarf að stækka afmörkun námunnar. Fyrirhugað er að efnistakan muni fara fram innan núverandi námusvæðis, sem þegar er raskað, og á um 5,4 ha óröskuðu svæði suðvestan þess. Heildar flatarmál raskaðs svæðis kemur því til með að vera 6,8 ha að efnistöku lokinni og heildar vinnslu upp á 90.000 m3

Farið yfir stöðu umferðarmála 2025

Spuningakönnun meðal íbúa við Heiðvang, Freyvang og Þingskála þar sem íbúar voru spurðir um umferðaröryggismál í hverfinu.

Byggðarráð felur skipulags- og umferðarnefnd að koma með tillögur að hentugum lóðum sem kæmu til greina fyrir lágvöruverðsverslun og tengda starfssemi og einnig gera tillögu um næstu skref í skipulagsvinnu, ef þörf er á, svo að viðkomandi lóð/lóðir geti orðið hluti af framtíðarsýn um eflingu þjónustu við íbúa og ferðamenn í sveitarfélaginu.

Óskað er eftir stöðuleyfi fyrir um 15m2 vinnuskúr vegna fyrirhugaðrar byggingar. Aðkoma er áætluð þar sem núverandi aðkoma er inn á svæðið og er hún tæplega 300m frá næsta aðkomuvegi sem liggur að Þúfu.

Ferðafélag Íslands sækir um leyfi til að setja niður, tímabundið, smáhýsi ? 12 ? 15 fm timburhús, við hlið salernishúss í Laugum, þar sem nú er steyptur grunnur / veggir. Ferðaþjónustuaðilar sem starfa á svæðinu hafa óskað eftir geymslu fyrir farangur / mat. Einfalt mál er að flytja húsið af svæðinu í lok tímabils.

Eigendur óska eftir að fá að útbúa betri aðkomu að lóð sinni en fyrir liggur. Ógerningur virðist vera að hafa áður samþykkta aðkomu sökum mikils landhalla.

Uppi eru áform um að koma upp sorporkustöð með orkuvinnslu (sorporkuveri) á urðunarstaðnum á Strönd í Rangárþingi ytra. Stöðin kemur til með að brenna úrgangi í ákveðnum flokkum og varminn sem fæst með brennslunni verður nýttur til að efla hitaveituna á svæðinu.

Lögð er fram matsáætlun til kynningar. Skipulagsstofnun óskar eftir umsögn Rangárþings ytra og er frestur til að skila inn umsögn til og með 29.7.2025.

Afl og Orka ehf. kt. 520624-0580 óskar eftir því að sveitarfélagið Rangarþing ytra taki til meðferðar breytingar á aðalskipulagi og deiliskipulagi vegna fyrirhugaðrar virkjunar í landi Keldna.

Náttúruverndarstofnun óska eftir að fá að leggja fram tillögu að deiliskipulagi fyrir áningarstað við Bjallavað, á mörkum Friðlands að Fjallabaki. Gert verði ráð fyrir aðstöðu fyrir ferðafólk með gerð bílastæða, salernisaðstöðu, skilta og stígakerfis. Skipulagsgögn frá Landnmótun dags. 13.3.2025.

Lóðareigendur óska eftir að fá að leggja fram tillögu að breytingu á gildandi deiliskipulagi fyrir Meiri-Tungu 8, dags. 11.3.2025, þar sem lóðin verði minnkuð og færð til.

Sveitarfélagið hefur unnið að hugmyndavinnu vegna nýs íbúðarhverfis í Bjargshverfi. Gert verði ráð fyrir allt að 100 íbúðareiningum í mismunandi tegundum húsa, einbýlis, par- og raðhúsum. Gerð verði grein fyrir tengingum við aðra vegi og samgöngum innan svæðisins. Tengsl við þéttbýlið austan Ytri-Rangár gerð skil með áformuðum göngubrúm og göngustígum. Tillagan var auglýst frá og með 28.3.2025 til og með 14.5.2025. Umsagnir bárust frá alls 8 aðilum. Frá Náttúruverndarstofnun og Heilbrigðiseftirliti Suðurlands sem gerðu engar athugasemdir; frá Veitum sem benda á að með þéttingu byggðar þar þarf að og byggja upp nýtt dreifikerfi; frá Vegagerðinni sem hafnar nýjum tengingum við Hringveg og leggur áherslu á mikilvægi þess að göngubrýr verði komnar yfir Rangá áður en uppbygging vestan ár eykst; frá eigendum Ægissíðu 3 sem mótmæla fram lögðum hugmyndum að tengingum við Hringveginn; frá eigendum lóðarinnar Ægissíðu 1, L199935, sem mótmæla kvöðum um byggingarmagn á lóðum og vilja minnka það verulega; frá eigendum Árbyrgis sem mótmæla að nýr vegur verði gerður frá Árbjæarvegi; frá eigendum Auðkúlu sem mótmæla nýrri aðkomu að Auðkúlu gegnum Bjargshverfið og frá Landsneti sem ítrekar fyrri umsögn sína vegna helgunarsvæðis Hellulínu 1.

Landeigandi hefur lagt fram tillögu að deiliskipulagi til byggingar á íbúðarhúsi ásamt vélaskemmu og tengdum mannvirkjum. Tillagan var auglýst frá og með 23.4.2025 til og með 11.6.2025. Alls bárust umsagnir frá 7 umsagnaraðilum. Vegagerðin gerði athugasemdir við að loka þyrfti fyrir tengingu að Lyngási 12 til að ný tenging að Efri_rauðalæk landi geti orðið samþykkt. Landsnet bendir á að gera þurfi grein fyrir háspennulínum á svæðinu og helgunarsvæði þeirra.

Landeigendur hafa lagt fram tillögu að breytingu á gildandi deiliskipulagi dags. 28.1.2021. Á uppdrætti bætist við ný 12.601 m2 lóð ásamt byggingarreit B4. Innan byggingarreits er heimilt að byggja allt að 138 m2 íbúðarhús með sambyggðum eða stakstæðum bílskúr, ásamt 60 m2 gestahúsi og allt að 180 m2 skemmu/geymslu. Aðkoma verður óbreytt. Skipulagsgögn frá Eflu dags. 28.3.2025. Tillagan var auglýst frá og með 23.4.2025 til og með 11.6.2025. Engar athugasemdir bárust en umsagnir bárust frá alls 7 umsagnaraðilum. Ábendingar bárust frá Landsneti um að gera þurfi grein fyrir háspennulínum á svæðinu og helgunarsvæði þeirra.

Auglýst hefur verið tillaga að endurskoðaðu deiliskipulagi fyrir Strönd. Stjórn sorpstöðvarinnar samþykkti drögin og ákvað að málið skildi fara í formlegan skipulagsferil. Tillaga var auglýst frá og með 23.4.2025 til og með 11.6.2025 og bárust engar athugasemdir en alls bárust umsagnir frá 9 umsagnaraðilum. Ábendingar bárust þess efnis að gera þurfi betur grein fyrir áhrifum á frárennsli frá plönum og byggingum á byggingareitum I1 og I2 og æskilegt væri að setja manir eða skjólbelti umhverfis svæðið.

Sveitarfélögin Rangárþing ytra og eystra leggja fram tillögu að samræmingu á sveitarfélagamörkum frá Uxahrygg í austri að Eystri Rangá í vestri. Fylgt verður eignarlínum lóða og jarða. Lóðamörk einstakra svæða breytast ekki. Grenndarkynning fór fram 12. maí og var í kynningu til og með 9. júní 2025.

Rangárþing ytra hefur samþykkt að gerðar verði nauðsynlegar breytingar á landnotkun í aðalskipulagi í Gaddstaðaeyju, þar sem gert verði ráð fyrir breytingu á landnotkun þar sem núverandi Óbyggt svæði verði breytt í verslunar- og þjónustusvæði. Lýsing skipulagsáforma var kynnt til og með 14. júní sl. Alls bárust 11 umsagnir. Lögð er fram saman tekt á umsögnum og drögum að viðbrögðum við þeim.

Landeigandi hefur fengið heimild til að gera minni háttar breytingar á gildandi deiliskipulagi fyrir Rangársléttu dags. 3.3.2021, þar sem lóðin Rangárslétta 11 stækkar að umfangi og byggingarreitur einnig, fyrirhuguðu leiksvæði hnikað til um nokkra metra og aðkoma að lóð 10 færist til. Aðkoma er óbreytt. Skipulagsgögn frá Landformi dags. 29.4.2025. Tillagan var grenndarkynnt og var frestur til athugasemda til og með 20. júní 2025. Engar athugasemdir bárust á kynningartíma.

Landeigendur hafa óskað eftir aukinni heimild til efnistöku úr Galtalækjarnámu E57. Fyrirhugað er að stækka núverandi efnistökusvæði E57 í Merkurhrauni úr 2 ha í allt að 15 ha og auka heildar efnistökumagn upp í allt að 450.000 m³. Lýsing skipulagsáforma var kynnt með fresti til athugasemda til og með 26. júní sl. Umsagnir bárust frá 6 aðilum. Frá Mílu, Veitum, Rarik og Heilbrigðiseftirliti Suðurlands sem gerðu engar athugasemdir; frá Vegagerðinni sem bendir á að ekki sé fjallað um akstursleiðir frá og að námunni og frá Náttúruverndarstofnun sem vill að gerð verði grein fyrir valkostum í samræmi við lög um umhverfismat frámkvæmda og áætlana, að sjónræn áhrif verði metin og að fara þurfi fram kortlagning og mat á verndargildi hraunsins. Lögð er fram tillaga frá Eflu dags. 30.6.2025.

Rangárþing eystra óskar eftir umsögn sveitarstjórnar vegna tillögu að deiliskipulagi fyrir frístundabyggðina Langanes, sem staðsett er rétt austan við Eystri-Rangá í Rangárþingi eystra. Skipulagssvæðið er um 80 ha að stærð. Á deiliskipulagi eru afmarkaðar 40 lóðir. Þar af 30 sem eru þegar byggðar. Hver lóð er á bilinu 0,25-1,15 ha að stærð. Skipulagsgögn frá Eflu dags. 9.4.2025.

Landeigendur lóðanna Kúfholts 1 L165021, Kúfholts II L220223, Kúfholts III L220226, Kötlusels F3 L220224 og Fjallasels lóðar F4 L220225 óska eftir að fá að leggja fram tillögu að nýju deiliskipulagi fyrir lóðir sínar. Breytingarnar eru þannig að stærðir lóða breytast og lóðunum fjölgar í 8 landspildur (stærð lóða 0,5-1,0 ha.), heiti á lóðum breytast einnig (að hluta til). Byggingarreitir afmarkast 10m frá lóðamörkum. Heimilt verði að byggja íbúðarhús með bílskúr, gestahús, skemmu/geymslu og gróðurhús. Samhliða óska landeigendur eftir að sækja um breytta landnotkun í aðalskipulagi, fara úr frístundabyggð og í íbúðabyggð í dreifbýli. Landeigendur stefna að því að hafa fasta búsetu á svæðinu.

Í gildi er deiliskipulag fyrir Tindasel, samþykkt í B-deild stjórnartíðinda þann 16.06.2025. Gert er ráð fyrir gistingu fyrir allt að 200 manns á hóteli og gestahúsum, ásamt veitingasölu og afþreyingarþjónustu. Við nánari hönnun svæðis eftir gildistöku skipulagsins kom í ljós vænlegri staðsetning til uppbyggingar og byggingarreitir aðlagaðir að því. Gerð er breyting á uppdrætti og greinargerð. Byggingarreitur B3 færist til og eru byggingarheimildir færðar milli byggingarreita, frá B1 á B3. Heildarbyggingarmagn svæðis og gestafjöldi helst óbreyttur. Einnig er afmörkun minja á uppdrætti breytts svæðis uppfærðar í samræmi við nýja minjaskráningu, sem nú er í lokadrögum. RA281-055 (gömul leið) lendir innan byggingareits. Að öðru leyti en því sem hér er greint frá gilda skilmálar eldra skipulags.

Eigandi Efra-Sels 1 lands L217098 og Efra-Sels 1H L232832 óskar eftir heimild til breytinga á gildandi deiliskipulagi sem samþykkt var 15. maí 2009. Breyting A var samþykkt 10. mars 2022 og auglýst í B-deild Stjórnartíðinda 22. ágúst 2022.

Breytingin felur í sér að við upphaflegt deiliskipulag með breytingu árið 2022 er stækkað um 19,4 ha, en stefnt er að því að þær verði sameinaðar í eina landspildu. En í dag er stærra landið skráð sem 22,1 ha og er stefnt að því að suðvestur horn landsins verði sameinað aðliggjandi landspildu L199841. Stærð landsins sem deiliskipulagsbreytingin nær til tekur mið af þeirri breytingu, en þessar tvær landspildur liggja beint sunnan við þær landspildur sem eru í Deiliskipulagi Heklusels í landi Efra-Sels.

Upphaflega var lóðin í gildandi deiliskipulagi skilgreind sem Efra-Sel lóð L212202 sem er 19,84 ha og með stækkað árið 2021 um 15 ha með lóðinni Efra-sel 1 ? Land B. Heildarstærð deili-skipulagssvæðisins eru með tillögu að breytingu A árið 2022 varð 34,84 ha. Með þessari breytingu verður heildarstærð deiliskipulagsins 54,24 ha. Á landareigninni er skilgreindur byggingarreitur fyrir eitt íbúðarhús, gestahús, hesthús og inntakshús.

Eigendur Stekkatúns L165446 hafa lagt fram tillögu að breytingu á gildandi deiliskipulagi fyrir svæðið frá 2023. Áform eru um að fjölga gistirýmum og bæta við þjónusturýmum til reksturs ferðaþjónustu. Tillagan var auglýst frá og með 31.01.2025-19.03.2025. Umsagnir bárust alls frá 7 umsagnaraðilum. Frá Mílu, Náttúruverndastofnun, Vegagerðinni, Veitum, Brunavörnum Rangárvallasýslu og Rarik sem gerðu engar athugasemdir. Heilbrigðiseftirlit Suðurlands bendir á að fjalla þurfi í skipulagstilögunni leyfilegt umfang og landnotkunarreit.

Umsóknir um byggingarleyfi sem teknar hafa verið fyrir á afgreiðslufundum byggingarfulltrúa lagðar fram til kynningar. Um fund nr. 145 er að ræða.

Umsóknir um byggingarleyfi sem teknar hafa verið fyrir á afgreiðslufundum byggingarfulltrúa lagðar fram til kynningar. Um fund nr. 146 er að ræða.

Umsóknir um byggingarleyfi sem teknar hafa verið fyrir á afgreiðslufundum byggingarfulltrúa lagðar fram til kynningar. Um fund nr. 147 er að ræða.

Umsóknir um byggingarleyfi sem teknar hafa verið fyrir á afgreiðslufundum byggingarfulltrúa lagðar fram til kynningar. Um fund nr. 148 er að ræða.