Skipulags- og umferðarnefnd Rangárþings ytra

Eigandi Marteinstungu óskar eftir að fá að skipta úr jörð sinni, 7,7 ha spildu sem fengi heitið Sólbakkaland og L240400. Engin áform eru um breytingu á landnotkun. Merkjalýsing frá Hugrúnu Hörpu Björnsdóttur dags. 22.9.2025.

Rangárflatir 2, L230717 er með skráða stærð 12359,5 m² í fasteignaskrá HMS. Afmörkun lóðarinnar breytist ásamt stærð hennar þar sem jarðstrengur og helgunarsvæði hans er tekið út fyrir núverandi mörk.

Rangárflatir 2 minnkar um 2592,5 m² og verður 9767,0 m².

Mismunurinn fer inn í Gaddstaðir L164482, sem er ekki með skráða stærð en stækkar um það sem því nemur. Merkjalýsing frá Hörpu Birgisdóttur, dags. 15.9.2025.

Eigendur Ægissíðu 3 óska eftir að fá að skipta upp jörð sinni milli núverandi eiganda. Við skipti verða til 8 ný landnúmer og ein landeign sem þegar er til stækkar, en það er Ægissíða 3 lóð 1 L203253, sem verður 27,6 ha. Aðrar lóðir verða Ægissíða lóð 2, 25,9 ha og Lxxxxxx, lóð 3, 28,0 ha og Lxxxxxx, lóð 4, 24,4 ha og Lxxxxxx, lóð 5, 27,5 ha og Lxxxxxx, lóð 6, 33,5 ha og Lxxxxxx, lóð 7, 11,5 ha og Lxxxxxx, lóð 8, 19,5 ha og Lxxxxxxog lóð 9, 3,5 ha og Lxxxxxx.

Fyrir breytingu er Ægissíða 3 skráð 202 ha. Eftir breytingu verður Ægissíða 3 7893,8 m2 eða 0,79 ha. Engin áform eru um breytingu á landnotkun útskiptra lóða. Merkjalýsing er frá Adam Hoffritz dags. 30.9.2025.

Farið yfir stöðu umferðarmála 2025

Sótt er um heimild til að leggja fram deiliskipulag. Gert verði ráð fyrir að byggðir verði allt að 15 gistiskálar til útleigu til ferðamanna. Ekki er gert ráð fyrir föstu aðsetri að svo stöddu.

Sótt er um heimild til að leggja fram deiliskipulag. Gert verði ráð fyrir að byggðir verði allt að 10 gistiskálar til útleigu til ferðamanna. Ekki er gert ráð fyrir föstu aðsetri að svo stöddu.

Lóðarhafi Kjarröldu 1, Kjarröldu 3 og Lyngöldu 2 óskar eftir að fá að gera breytingar á deiliskipulagi lóðanna, þar sem óskað er eftir heimild til að fjölga íbúðum. Á Kjarröldu 1 og Lyngöldu 2 verði heimild til byggingar 6 íbúða raðhúss í stað 4 og á Kjarröldu 3 verði gert ráð fyrir 7 íbúðum í stað 5.

Eigandi lóðanna nr 27 og 28 í Þjóðólfshaga óskar eftir að breyta gildandi deiliskipulagi þar sem uppfærðir verða byggingarskilmálar beggja lóða í tengslum við breytingar á afmörkun þeirra. Breyting er gerð á innri afmörkun lóðanna og byggingarreitum innan þeirra. Tillaga frá Eflu dags. 13.10.2025.

Landeigandi óskar eftir heimild til breytingar á núverandi landnotkun á hluta landareignar Norður-Nýibær L165410. Heildarstærð svæðis er um 25 ha og hluti þess verður skilgreindur sem íbúðabyggð. Fyrirhugað er að hluti íbúðarlóða verði 1 - 1,5ha að stærð hver og að heimilt verði að reisa íbúðarhús og bílskúr auk gestahúsa til útleigu allt árið um kring fyrir ferðamenn. Heimild yrði til lítilsháttar reksturs innan svæðis. Gert er ráð fyrir aðkomu að norðanverðu inn á spilduna af Þykkvabæjarvegi. Lýsing var kynnt með fresti til athugasemda til 1. október. Vegagerðin gerði athugasemd við tengingar inná Þykkvabæjarveg. Lögð er fram tillaga frá Eflu dags. 1. október 2025.

Rangárþing ytra hefur samþykkt að vinna að deiliskipulagi fyrir Suðurlandsveg gegnum Hellu, frá tengingum göngu- og hjólreiðastígar vestan við Rangá og að vegamótum Rangárvallavegar í austri. Skilgreindar verði tengingar og staðsetning stíga og lagna. Eftir auglýsingu tillögunnar barst athugasemd frá Skipulagsstofnun þess eðlis að skipulagsmörk sköruðust við aðrar aðliggjandi skipulagsáætlanir og því þurfi að breyta. Lögð er fram ný tillaga frá Eflu dags. 28.7.2025 þar sem skipulagsmörkin hafa verið samræmd. Tillagan var endurauglýst frá og með 13.8.2025 til og með 1.10.2025. Umsagnir bárust frá eftirtöldum aðilum:

Mílu, Landsneti, Heilbrigðiseftirliti Suðurlands og Veitum, sem gerðu engar athugasemdir en óskuðu eftir samráði við væntanlegar framkvæmdir; frá Brunavörnum Rangárvallasýslu sem gerði engar athugasemdir; frá Náttúruverndastofnun sem gerði engar athugasemdir; frá Þorsteini Kristinssyni sem gerir athugasemdir við útfærslu á gatnamótum Suðurlandsvegar og Rangárvallavegar og frá Vegagerðinni sem gerir athugasemdir við tengingu til austurs inná Suðurlandsveginn frá lóðinni næst hringtorginu.

Þorkell Jónsson fyrir hönd landeigenda Bjálmholts L165072 óskar eftir heimild til að leggja fram deiliskipulag úr jörð sinni. Um er að ræða uppbyggingu á framleiðslu- og þjónustuhúsi til að framleiða og selja afurðir sínar, ásamt því að taka á móti ferðamönnum til að kynna starfsemi bæjarins. Lögð er fram tillaga frá M11 arkitektum dags. 5.8.2025. Fallið hefur því verið frá uppbyggingu nær Landvegi og tilheyrandi málum því lokað, bæði í málakerfinu og í skipulagsgáttinni. Tillaga var auglýst frá og með 13.8.2025 til og með 1.10.2025. Umsagnir bárust frá eftirfarandi aðilum:

Frá Mílu, Heilbrigðiseftirliti Suðurlands og Veitum sem gerðu engar athugasemdir en óskaðu samráðs við frekari framkvæmdir; frá Brunavörnum Rangárvallasýslu sem bentu á að öxulþungi á svæðinu verði 32 tonn, að gróður hindri ekki aðkomu slökkviliðs og að tryggja verði nægt slökkvivatn á svæðinu; frá Náttúruverndarstofnun sem gerði engar athugasemdir; frá Vegagerðinni sem samþykkir tengingu við þjóðveg með fyrirvörum;

Landeigendur hafa lagt fram tillögu að breytingu á gildandi deiliskipulagi dags. 25.3.2010. Breytingin tekur til tveggja nýrra lóða, vegtengingar og hljóðmanar. Stærð svæðis er um 1,6 ha og verða lóðir 11 í stað 9 áður. Skipulagsgögn frá Eflu dags. 28.10.2024. Tillaga var auglýst frá og með 13.11.2024 til og með 1.1.2025. Vegna óverulegra breytinga sem gerðar voru á skilmálum í aðalskipulagi eftir auglýsingu tillögunnar þarf að taka hana fyrir á nýjan leik. Tillagan var auglýst frá og með 13.8.2025 til og með 1.10.2025. Umsagnir bárust frá eftirtöldum aðilum:

Frá Mílu, Heilbrigðiseftirliti Suðurlands og Veitum sem gerðu engar athugasemdir en óskuðu eftir samráði við frekari framkvæmdir á svæðinu; frá Landsneti sem ítrekar að farið verði eftir ákvæðum um helgunarsvæði raflína og að helgunarsvæði Lækjartúnslínu 2 verði afmarkað á uppdrætti; frá Brunavörnum Rangárvllasýslu sem bendir á að aðkomuleiðir innan svæðis skuli vera 32 tonn og að gróður skuli ekki hindra aðkomu slökkviliðs; frá Vegagerðinni sem bendir á að ef Suðurlandsvegur breikkar gæti aðkoma af Bugavegi breyst með tilheyrandi fækkun vegtenginga auk þess sem gróður gæti orðið víkjandi af sömu ástæðu;

Landeigendur í Heysholti Guðmundur Björnsson kt. 030537-3199 og Guðrún Lóa Kristinsdóttir kt. 270139-2809 eigendur eigna með landeignanúmer L164975 og L216515 og Landborga kt: 580581-0569 eigandi eignar með landeignanúmer L216516 óska eftir breytingu á deiliskipulagi Heysholts sem samþykkt var með auglýsingu í B-deild 7.6.2013. Í deiliskipulagsbreytingunni felst að mörk skipulagssvæðisins stækkar til norðurs, afmörkuð er ný 3.300 m² lóð fyrir rotþró og lóð nr. 8 minnkar úr 4.110 m² í 2.600 m². Byggingarreitur á lóð 8 minnkar. Samhliða breytingunni var lóðastærð lóðar til síðari nota lagfærð til samræmis við mæliblað úr 57.935 m² í 62.043 m². Lóð til síðari nota fyrir frístundabyggð stækkar úr 57.935 m² (62.043m²) í 65.343 m². Byggingarreitur hótels færist til á lóð. Með snúningi byggingarreits næst betra útsýni og húsið situr betur gagnvart sólu. Staðsetning spennistöðvar lóðar færist til til samræmis við landeignaskrá. Ný lóð fyrir Rotþró 3.300 m², sem tekin er úr landi Heysholts með landeignanúmeri L164975 verður í eigu Landborga og mun tilheyra landeignanúmeri L216516 eftir breytingu. Lóð til síðari nota fyrir frístundabyggð L216515 mun stækka um 3.300 m². Tillagan var auglýst frá og með 13.8.2025 til og með 1.10.2025. Umsagnir bárust frá eftirtöldum aðilum:

Frá Mílu og Veitum sem gerðu engar athugasemdir en óskuðu eftir samráaði við framkvæmdir; frá Brunavörnum Rangárvallasýslu sem óskuðu eftir að burðarþol aðkomuleiða innan svæðis verði 32 tonn og að gróður hindri ekki aðkomu slökkvibíla; frá Vegagerðinni sem gerði engar athugasemdir; frá Náttúruverndarstofnun sem bendir á að innan svæðis sé hraun sem njóti sérstakrar verndar og þurfi því að draga úr áhrifum framkvæmda vegna þess, að innan svæðis er vistgerðin Víðikjarrvist sem er með mjög hátt verndargildi og safnar í sig mikið af fuglum og frá Heilbrigðiseftirliti Suðurlands sem gerir engar athugasemdir en bendir á að ekki sé hægt að taka afstöðu til stærðar fráveitu þar sem ekki liggi fyrir umfang gististarfsemi eða frístundabyggðar. Því skuli hafa samráð við HSL þegar kemur að vali á fráveitulausnum síðar.

Í gildi er deiliskipulag fyrir Leyni, dags. B-deildar auglýsingar 28. jan. 2021. Í því skipulagi var heimild fyrir nokkuð umfangsmikilli gistingu og þjónustu við ferðamenn. Með nýju deiliskipulagi er dregið verulega úr umfangi starfsemi. Eldra deiliskipulag verður fellt úr gildi við gildistöku nýs deiliskipulags. Nýtt deiliskipulag nær yfir um 4 ha af landi Leynis 2. Leynir 2 er skráð 25 ha að stærð skv. fasteignaskrá HMS. Gert er ráð fyrir aðstöðu starfsmanna í þjónustuhúsi og gistingu í minni gestahúsum (kúluhúsum) fyrir allt að 50 gesti, skv. flokki II. Þá verður áfram heimilt að reka tjaldsvæði. Lýsing skipulagsáforma var kynnt til og með 1.10.2025. Umsagnir bárust frá eftirtöldum aðilum:

Frá Mílu sem geri engar athugasemdir; frá Brunavörnum Rangárvallasýslu sem óskar eftir að burðarþol innan svæðis verði 32 tonn og að gróður hindri ekki aðkomu slökkvibíla; frá Veitum sem gerði engar athugasemdir; frá Vegagerðinni sem gerði engar athugasemdir; frá Skipulagsstofnun sem gerir engar athugasemdir en bendir á að endurskoðun taki til minna svæðis en gildandi dsk, að hafa skuli gott samráð við nærliggjandi aðila og að framkvæmdin fellur undir tilkynningaskylda framkvæmd skv. lögum nr. 111/2021; frá Náttúruverndarstofnun sem bendir á að áhrif mannlegra umsvifa geti haft áhrif á búsvæði fugla og frá Heilbrigðiseftirliti Suðurlands sem gerir athugasemdir við að vatnsból norðan Landvegar skuli ekki skilgreint betur gagnvart vatnsvernd, að vanáætlað sé heildarfjöldi persónueininga og að hreinsivirki frá veitu sem þjóni meira en 50 persónueiningum sé háð starfsleyfi. Því sé nauðsynlegt að fjallað verði um umfang slíks hreinsivirkis í greinargerð. Lögð er fram tillaga frá Eflu dags. 13.10.2025.

Neyðarlínan áformar að skipta út núverandi rafstreng frá fjarskiptastöðinni við Laufafell. Lögð er fram tillaga að breytingu á gildandi deiliskipulagi sem birt var í B-deild stjórnartíðinda 5.6.2014 þar sem ný leið er skilgreind.

Eigendur lóða innan Steinkusels, svæðis úr landi Efra-Sels, óska eftir að fá að gera breytingar á gildandi deiliskipulagi dags. september 2010. Lóðirnar sem um ræðir eru Kúfholt I L165021, Kúfholt II L220223, Kötlusel lóð F3 L220224, Fjallasel lóð F4 L220225 og Kúfholt III L220226. Breytingarnar eru þannig að stærðir lóða breytast og lóðunum fjölgar í 8 landspildur (stærð lóða 0,5-1,0 ha.), heiti á lóðum breytast einnig (að hluta til). Byggingarreitir afmarkast 10m frá lóðamörkum. Heimilt verði að byggja íbúðarhús með bílskúr, gestahús, skemmu/geymslu og gróðurhús. Samhliða óska landeigendur eftir að sækja um breytta landnotkun í aðalskipulagi, fara úr frístundabyggð og í íbúðabyggð í dreifbýli. Landeigendur stefna að því að hafa fasta búsetu á svæðinu. Lögð er fram tillaga frá Atla Ágústssyni dags. 2.6.2025.

Embætti Skipulags- og byggingarfulltrúa hefur skoðað afmörkun lóða við Heiðvang að teknu tilliti til þess að lóðamörk voru ekki í samræmi við skráningu þeirra við stofnun. Náðst hefur samkomulag milli lóðarhafa og sveitarfélagsins um lóðarmörk. Lögð er fram staðfesting á lóðamörkum lóða nr. 8 og 10 við Heiðvang. Merkjalýsing frá Hörpu Birgisdóttur, dags. 26.8.2025.

Umsóknir um byggingarleyfi og beiðnir um umsagnir vegna leyfismála sem teknar hafa verið fyrir á afgreiðslufundi byggingarfulltrúa lagðar fram til kynningar. Um fund nr. 151 er að ræða.

Umsóknir um byggingarleyfi og beiðnir um umsagnir vegna leyfismála sem teknar hafa verið fyrir á afgreiðslufundi byggingarfulltrúa lagðar fram til kynningar. Um fund nr. 152 er að ræða.

Umsóknir um byggingarleyfi og beiðnir um umsagnir vegna leyfismála sem teknar hafa verið fyrir á afgreiðslufundi byggingarfulltrúa lagðar fram til kynningar. Um fund nr. 153 er að ræða.

Umsóknir um byggingarleyfi og beiðnir um umsagnir vegna leyfismála sem teknar hafa verið fyrir á afgreiðslufundi byggingarfulltrúa lagðar fram til kynningar. Um fund nr. 154 er að ræða.

Umsóknir um byggingarleyfi og beiðnir um umsagnir vegna leyfismála sem teknar hafa verið fyrir á afgreiðslufundi byggingarfulltrúa lagðar fram til kynningar. Um fund nr. 155 er að ræða.

Umsóknir um byggingarleyfi og beiðnir um umsagnir vegna leyfismála sem teknar hafa verið fyrir á afgreiðslufundi byggingarfulltrúa lagðar fram til kynningar. Um fund nr. 156 er að ræða.