Skipulags- og umferðarnefnd

Eigandi Haga 2 L165087 óskar eftir að fá að skipta úr jörð sinni, 10.109,8 m² spildu sem fengi heitið Hagi 2C og Lxxxxxx skv. merkjalýsingu frá Kristjönu Ó. Valgeirsdóttur dags. 11.11.2025. Engin áform liggja fyrir um breytingu á landnotkun en um er að ræða landbúnaðarland. Vegagerðin hefur samþykkt sýnda tengingu við Hagabraut en gerir jafnframt þá kröfu að aðrir megi nýta sér hana komi til frekari uppbyggingar á svæðinu.

Eigandi Hagakróks L225766, óskar eftir að stofna úr jörð sinni, 729,8 m² lóð sem fengi heitið Akrar og Lxxxxxx. Núverandi matshlutar 02 og 03 Gestahús færast yfir á nýja lóð. Ekki liggja fyrir áform um breytingu á landnotkun. Merkjalýsing frá Sigurði Unnari Sigurðssyni dags. 15.11.2025.

Eigandi Guttormshaga lands L191691 óskar eftir að fá að skipta úr landi sínu, spildu sem fengi heitið Ásaberg, stærð 13.727 m² og Lxxxxxx. Guttormshagi land L191691 verður 89.311 m² eftir skiptin. Núverandi sumarbústaður mhl01 0101 mun færast yfir á nýja lóð. Aðkoma að lóðinni verður óbreytt frá Guttormshagavegi í gegnum land Guttormshaga L165083 skv. þinglýstu skjali þar um. Áform um aðra nýtingu en núverandi landnotkun segir liggur ekki fyrir en jörðin er á skilgreindu landbúnaðarsvæði.

Ferðafélag Íslands óskar eftir leyfi Rangárþings ytra til að bæta merkingar á Laugaveginum og samhliða að sækja um styrk til þess til framkvæmdajóðs ferðamannastaða. Rangárþing eystra og Forsætisráðuneytið gera engar athugasemdir við áform Ferðafélagsins.

G.G.Tré ehf óskar eftir að fá að byggja 8-10 íbúða raðhús á tveimur hæðum undir 50-70 m² íbúðir. Litið er til sameiningar á loðum við enda Kjarröldu og Lyngöldu til að byrja með. Framkvæmdir gætu hafist júlí eða ágúst 2026 og standa í eitt ár. Nefndin óskaði eftir frekari upplýsingum á síðasta fundi.

Embætti Skipulags- og byggingarfulltrúa hefur skoðað afmörkun lóða við Heiðvang að teknu tilliti til þess að lóðamörk voru ekki í samræmi við skráningu þeirra við stofnun. Náðst hefur samkomulag milli lóðarhafa og sveitarfélagsins um lóðarmörk. Lögð er fram staðfesting á lóðamörkum lóða nr. 11 og 13 við Heiðvang. Merkjalýsing frá Hörpu Birgisdóttur, dags. 17.10.2025.

Embætti Skipulags- og byggingarfulltrúa hefur skoðað afmörkun lóða við Heiðvang að teknu tilliti til þess að lóðamörk voru ekki í samræmi við skráningu þeirra við stofnun. Náðst hefur samkomulag milli lóðarhafa og sveitarfélagsins um lóðarmörk. Lögð er fram staðfesting á lóðamörkum lóða nr. 9 og 11 við Heiðvang. Merkjalýsing frá Hörpu Birgisdóttur, dags. 17.10.2025.

Uppi eru áform um að koma upp sorporkustöð með orkuvinnslu (sorporkuveri) á urðunarstaðnum á Strönd í Rangárþingi ytra. Stöðin kemur til með að brenna úrgangi í ákveðnum flokkum og varminn sem fæst með brennslunni verður nýttur til að efla hitaveituna á svæðinu. Lögð er fram Umhverfismatsskýrsla til kynningar. Skipulagsstofnun óskar eftir umsögn Rangárþings ytra og er frestur til að skila inn umsögn til og með 2.1.2026.

Leitað var til fjögurra aðila vegna verðkönnunar í frumhönnun svæðisins. Tilboð bárust frá þremur aðilum.

Farið yfir drög að fundaáætlun fyrir árið 2026.

Farið yfir vinnuumhverfi gagnasjár

www.kort.is/ry_skipulag

Farið yfir stöðu gjaldskrár

Farið yfir stöðu mála og áherslur við úthlutun lóða.

Farið yfir áherslur og breytingar

Í gildi er deiliskipulag fyrir Hróarslæk sem tók gildi í B-deild Stjórnartíðinda þann 13. október 2023. Gerð er breyting á greinargerð og uppdrætti skv. 2. mgr. 43. gr. skipulagslaga nr. 123/2010. Með breyttu deiliskipulagi er byggingarmagn aukið á byggingarreit B3 þar sem heimilt verður að byggja vélageymslu á byggingarreitnum í stað gistihúss. Skipulagsgögn frá Eflu dags. 14.11.2025.

Eigandi Ægissíðu 4 lands, L165443, óskar eftir að gerð verði breyting á landnotkun lóðarinnar í aðalskipulagi þar sem henni verði breytt úr iðnaðarsvæði í verslunar- og þjónustulóð.

Byggingarfulltrúi Rangárþings ytra hefur móttekið umsókn Íslandsturna ehf um uppsetningu á fjarskiptamastri á lóðinni Krikakot úr landi Köldukinnar í samræmi við aðaluppdrætti frá Bjarka Guðmundssyni dags. 28.7.2025. Forsmíðað heitgalvanhúðað stálmastur (röramastur) er fest á staðsteypta undirstöðu með festiboltum. Undirstöður eru gerðar á þjappað undirlag með jarðfyllingu ofan á steypufæti. Steyptur hnallur undir mastur og búnað verður sýnilegur í frágengnu landi. Málið var grenndarkynnt nærliggjandi lóðarhöfum. Grenndarkynningu lauk 22.09.2025. Athugasemd barst frá nærliggjandi eiganda lands þar sem gerðar voru athugasemdir við áformaða staðsetningu. Skipulags- og umferðarnefnd gat ekki fallist á fram lagða staðsetningu og óskaði því eftir nýrri staðsetningu frá umsækjanda á fundi 2.10.2025. Lögð er fram ný tillaga með nýrri staðsetningu.

Eigendur Ægissíðu 4 óska eftir að fá að gera breytingar á gildandi deiliskipulagi, sem tók gildi með auglýsingu í B-deild 26.10.2023, fyrir Ægissíðu 4 þar sem starfsemi matarvagna verði heimiluð auk skilgreingar á staðsetningu skilta og merkinga.

Óskað er eftir að nýtt efnistökusvæði fyrir efnistöku allt að 80.000 m³ verði skilgreint í aðalskipulagi sveitarfélagsins vegna fyrirhugaðrar efnistöku á Vaðfitjum við Þjórsá. Lýsing skipulagsáforma var kynnt til og með 30. apríl. Tillagan var auglýst frá og með 6.10.2025 til og með 20.11.2025. Engar athugasemdir bárust.

Landeigendur hafa óskað eftir aukinni heimild til efnistöku úr Galtalækjarnámu E57. Fyrirhugað er að stækka núverandi efnistökusvæði E57 í Merkurhrauni úr 2 ha í allt að 15 ha og auka heildar efnistökumagn upp í allt að 450.000 m³. Lýsing skipulagsáforma var kynnt með fresti til athugasemda til og með 26. júní sl. Tillagan var auglýst með fresti til athugasemda til og með 21.11.2025. Umsagnir bárust frá eftirtöldum aðilum:

Landsneti sem gerir engar athugasemdir, frá Vegagerðinni sem óskar eftir að unnið verði að samgöngumati fyrir svæði; frá Náttúruverndarstofnun sem bendir á að hraun geti haft ákveðið verndargildi, að það skjóti skökku við að efnistökusvæði allt að 14 ha skuli vera innan virks landgræðslusvæðis, að fjallað sé um mikilvægi verndunar fuglalífs, að með landmótun verði unnið að endurgerð sem næst upprunalegu umhverfi og að brýnt sé að fjallað verði um áhrif efnistökusvæðisins á vatnsverndarsvæði og tilheyrandi vatnshlot, frá eigendum Rjúpnavalla sem hafa áhyggjur af aukinni umferð þungavinnuvéla á Landveginn og frá Heilbrigðiseftirliti Suðurlands sem tekur í sama streng og Náttúruverndarstofnun hvað varðar áhrif á vatnsverndarsvæði og vatnshlot. Lögð er fram samantekt umsagna og drög að viðbrögðum við þeim.

Skipulagsstofnun hefur óskað eftir umsögn sveitarfélagsins við eftirfarandi mál í Skipulagsgátt:

Búðafossvegur milli Þjórsárdalsvegar og Landvegar, nr. 1542/2025: Tilkynning um framkvæmd (Tilkynning til ákvörðunar um matsskyldu)

Sett er fram ný tillaga að deiliskipulagi fyrir Mosa (landnr. 227577) þar sem gert er ráð fyrir 15 frístundalóðum. Settir eru skilmálar um byggingar og yfirbragð á lóðunum. Mosar eru við Bjallaveg (nr. 272) og er aðkoma af honum að svæðinu. Skipulagssvæðið er 15,3 ha að stærð. Eldra mál nr. 991/2023 í Skipulagsgátt verður fellt út. Tillaga var auglýst frá og með 6.10.2025 til og með 20.11.2025. Umsagnir bárust frá eftirfarandi aðilum:

Nátturuverndarstofnun, Mílu, Veitum, Landsneti, Vegagerðinni og Heilbrigðiseftirliti Suðurlands sem gerðu engar athugasemdir og frá Brunavörnum Rangárvallasýslu sem bendir á að gróður megi ekki hindra aðkomu slökkviliðs.

Landeigendur Stekkhóla L165069 hafa fengið heimild til að leggja fram tillögu að deiliskipulagi úr jörð sinni. Um er að ræða uppbyggingu á þremur byggingarreitum, þar sem heimilt verði að byggja íbúðarhús, frístundahús, hesthús með reiðhöll og skemmu. Aðkoma að jörðinni er frá Árbæjarvegi og um vegi innan jarðar. Tillagan var auglýst frá og með 6.10.2025 til og með 20.11.2025 og bárust eftirtaldar umsagnir:

Náttúruverndarstofnun, Heilbrigðiseftirlit Suðurlands, Míla, Veitur gera engar athugasemdir; Vegagerðin sem benti á að sýna verði veghelgunarsvæði og fjarlægðir milli tenginga; frá Brunavörnum Rangárvallasýslu sem bendir á að burðaþol vega skuli vera 32 tonn, að gróðursetning megi ekki hindra aðkomu slökkvibíla og að hugsanlega þurfi að gera kröfur til aukins slökkvivatns vegna áforma um byggingu reiðhallar og frá Landsneti sem bendir á að Hellulína 1, 66kV loftlína er ekki sýnd á skipulagstillögunni.

Verið er að breyta afmörkun deiliskipulagssvæðisins þar sem aðkoma að Hekluskarði 1 (L205145) er ekki lengur um afleggjara út frá þjóðveg nr. 26 (landvegur að Leirubakka) heldur hefur aðkoman verið færð á nýjan afleggjara út frá vegi að Stóru-Völlum. Afmörkunin breytist einnig að norð-vestan verðu svo hún nái yfir lóð B4 L209909, sem skipta á upp í 4 skika, Hekluskarð 2, 3, 4 og 5. Innan byggingarreita er heimilt að reisa 1 íbúðarhús að hámarki 150 m2. Húsið má vera ein hæð og ris. Hámarksmænishæð 6,5 m, mælt frá efri brún gólfplötu og upp á mæni. Þar að auki er heimilt að byggja gestahús að hámarksstærð 40 m2 innan byggingarreitsins. Þakform er frjálst. Tillaga var auglýst frá og með 6.10.2025 til og með 20.11.2025 og bárust eftirtaldar umsagnir:

Míla, Veitur, Landsnet, Vegagerðin sem gerðu engar athugasemdir; frá Náttúruverndarstofnun sem leggur áherslu á að nútímahraun á svæðinu er háð vernd og ber að forðast rask þeirra, að svæðið sé innan mikilvægs fuglasvæðis og þurfi því að skilgreina stefnu sveitarfélagsins varðandi vernd fuglasvæða og að fjallað verði um vistgerðir innan svæðisins og hvernig lágmarka megi röskun á þeim; frá Brunavörnum Rangárvallasýslu sem áréttar að burðarþol vega innan svæðis skuli þola 32 tonn og að gróðursetning megi ekki hindra aðkomu slökkviliðs; frá Heilbrigðiseftirliti Suðurlands sem gerir athugasemdir við neysluvatnsborholur innan svæðis nema að tryggt sé að vatnsvernd sé tryggð.

Þorkell Jónsson fyrir hönd landeigenda Bjálmholts L165072 hefur fengið heimild til að leggja fram deiliskipulag úr jörð sinni. Um er að ræða uppbyggingu á framleiðslu- og þjónustuhúsi til að framleiða og selja afurðir sínar, ásamt því að taka á móti ferðamönnum til að kynna starfsemi bæjarins. Lögð er fram tillaga frá M11 arkitektum dags. 5.8.2025. Fallið hefur því verið frá uppbyggingu nær Landvegi og tilheyrandi málum því lokað, bæði í málakerfinu og í skipulagsgáttinni. Engar athugasemdir bárust í auglýsingu tillögunnar en athugasemd barst frá Skipulagsstofnun þess efnis að eðlilegast væri að skilgreina landnotkun fyrir verslun og þjónustu í stað landbúnaðar.

Lögð er fram tillaga að breytingum á gildandi deiliskipulagi fyrir skólasvæðið á Hellu, dags. 31.1.2023. Breytingin felur í sér að í stað sex 9,5 metra hárra ljósmastra er óskað eftir að fá að koma fyrir fjórum 21 metra háum ljósmöstrum. Með því að hækka möstrin verður lýsingin nákvæmari og varnar glýju í nágrenninu. Tillaga frá Arkís dags. 11.3.2025 var auglýst frá og með 28.3.2025 til og með 14.5.2025. Tillaga var jafnframt kynnt vel á heimasíðu sveitarfélagsins og á samfélagsmiðlum. Umsagnir bárust frá Veðurstofu Íslands og Vegagerðinni sem gerðu engar athugasemdir og frá Isavia sem óskar eftir að sett verði hindranaljós á möstrin.

Eigandi Gaddstaðaeyju leggur fram tillögu að deiliskipulagi fyrir verslunar- og þjónustustarfsemi í eyjunni. Gert er ráð fyrir uppbyggingu ferðaþjónustu í eyjunni, í formi allt að 160 herbergja hótels með afþreyingu s.s. baðlóni, á suðurtanga eyjunnar, auk byggingu allt að 30 smáhýsa til útleigu inn af árbökkum norðurhluta eyjunnar. Smáhýsin munu tengjast rekstri hótelsins. Breyting á aðalskipulagi sveitarfélagsins er í lokaferli þar sem landnotkun verður breytt úr óbyggðu svæði í landnotkun verslunar- og þjónustu. Tillaga frá Zeppelin arkitektum dags.

Framkvæmdaaðili Gbest ehf sækir um að fá að leggja fram tillögu að deiliskipulagi fyrir skógarplöntuframleiðslu. Gert er ráð fyrir framleiðslu skógarplantna í gróðurhúsum/léttum byggingum sem og utanhúss innan ræktaðra skjólbelta. Heimilað verður að byggja skemmur/gróðurhús og annan húsakost sem þarf til ræktunarinnar og einnig verður starfsmannaaðstaða til viðveru og gistingar. Starfsmenn eru að jafnaði allt að 10 en á álagstímum geta störf á svæðinu orðið allt að 60. Gert ráð fyrir að plantað verði trjám og skjólbeltum til að auka skjól og afmarka starfsemina. Skipulagsgögn frá Gunnlaugi Jónassyni dags. 20.11.2025.

Flóahreppur óskar eftir umsögn sveitarstjórnar vegna fram lagðrar skipulags- og matslýsingar fyrir endurskoðun Aðalskipulags Flóahrepps 2025-2037.

Landeigandi Móbakka óskar eftir breytingu á landnotkun í aðalskipulagi Rangárþings eystra ásamt heimild til deiliskipulagsgerðar fyrir land sitt. Með breytingunni verður landnotkun svæðisins endurskilgreind þannig að heimiluð er föst búseta innan skógræktarsvæðis auk þess allt að 1 ha svæði fyrir samfélagsþjónustu og allt að 1 ha svæði fyrir verslun og þjónustu. Gert er ráð fyrir um 1500 m2 dýraspítala með áfastri reiðskemmu/hesthúsi, allt að 350 m2 íbúðarhús/bílskúr og gestahús og fimm til sex gestahúsum, fyrir allt að 20 gesti.

Óskað er umsagnar Rangárþings ytra.

Umsóknir um byggingarleyfi og beiðnir um umsagnir vegna leyfismála sem teknar hafa verið fyrir á afgreiðslufundi byggingarfulltrúa lagðar fram til kynningar. Um fund nr. 161 er að ræða.

Umsóknir um byggingarleyfi og beiðnir um umsagnir vegna leyfismála sem teknar hafa verið fyrir á afgreiðslufundi byggingarfulltrúa lagðar fram til kynningar. Um fund nr. 162 er að ræða.