Skipulags- og umferðarnefnd Rangárþings ytra

Eigandi Efsta-Sels L199842 óskar eftir að fá að skipta úr landi sínu, 2,85 ha skika sem fengi heitið Efsta-Sel 2E og Lxxxxxx. Ekki eru áform um breytingar á landnotkun. Samhliða óskar eigandi Efsta-Sels 2C, L218607 og Efsta-Sels 2D, L218608 að gera breytingar á afmörkun milli lóðanna þar sem Efsta-Sel 2C fer úr 16,8 ha og verður 12,35 ha og Efsta-Sel 2D fer úr 5,45 ha og verður 10,0 ha. Merkjalýsing frá Jónasi Hlíðari Vilhelmssyni dags. 20.10.2025.

Eigendur Lúnansvegar III L236442 óska eftir að skipt verði úr lóð sinni, 328,82 m² spildu sem fengi heitið Lúnansvegur 3A og Lxxxxxx. Lúnansvegur 3 yrði 13.643,95 m² eftir skiptin. Matshluti 01, einbýlishús, 51,6 m² færist yfir á nýja lóð. Áfram er gert ráð fyrir að landnotkun verði óbreytt, þ.e. íbúðarbyggð. Merkjalýsing frá Ulla Pedersen, dags. 8.12.2025.

Landeigandi óskar eftir að fá að stofna tvær lóðir úr jörð sinni, Galtalækur 2, L192113. Annars vegar er það Skógarbotnar, stærð 26,3 ha og fengi Lxxxxxx, og hins vegar Skógahraun stærð 39,5 og fengi Lxxxxxx. Galtalækur 2 verður 864,4 ha eftir skiptin. Samhliða landskiptum er óskað eftir að heiti Galtalækjar 2 lóða 1, L201364 breytist og verði xx. Merkjalýsing frá Úllu Rolfsigne Pedersen dags. 5.9.2025.

Eigendur Skammbeinsstaða 1D óska eftir að fá að skipta úr landi sínu, lóð sem fengi heitið Brasholt 2, stærðina 12601,2 m² og Lxxxxxx. Engin áform eru um breytingu á landnotkun en svæðið er landbúnaðarnot. Merkjalýsing frá Jóhönnu Sigurjónsdóttur dags. 10.12.2025.

Farið yfir stöðu mála og áherslur við úthlutun lóða. Drög að breytingum hafa verið gerðar og eru lagðar fram.

Lögð fram drög að breytingum og lagfæringum á samþykkt um byggingargjöld.

Embætti Skipulags- og byggingarfulltrúa hefur skoðað afmörkun lóða við Heiðvang að teknu tilliti til þess að lóðamörk voru ekki í samræmi við skráningu þeirra við stofnun. Náðst hefur samkomulag milli lóðarhafa og sveitarfélagsins um lóðarmörk. Lögð er fram staðfesting á lóðamörkum lóða nr. 22 og 24 við Heiðvang. Merkjalýsing frá Hörpu Birgisdóttur, dags. 25.6.2025.

Embætti Skipulags- og byggingarfulltrúa hefur skoðað afmörkun lóða við Heiðvang að teknu tilliti til þess að lóðamörk voru ekki í samræmi við skráningu þeirra við stofnun. Náðst hefur samkomulag milli lóðarhafa og sveitarfélagsins um lóðarmörk. Lögð er fram staðfesting á lóðamörkum lóða nr.21 og 23 við Heiðvang. Merkjalýsing frá Hörpu Birgisdóttur,dags.22.04.2025.

Úlfar Ísfeld Rögnvaldsson fyrir hönd Lake Cabin ehf óskar eftir heimild til að leggja fram tillögu að deiliskipulagi fyrir lóð sína. Gert verði ráð fyrir byggingu íbúðarhúss og gestahúsum til útleigu.

Eigandi lóðar úr Höfuðbóli, skipulögðu frístundasvæði úr landi Leirubakka, óskar eftir að gerðar verði breytingar á gildandi deiliskipulagi þar sem lóð nr. 202 er minnkuð sem samsvarar svæði undir dæluhús. Dæluhúsið yrði skráð utan lóðar. Skipulagsgögn frá Eflu dags. 18.8.2025.

Fram hafa komið óskir um að gildandi deiliskipulag fyrir svæðið verði tekið upp og endurskoðað að teknu tilliti til bættari aðkomu að reiðhöllinni ásamt því að reiðleiðir innan svæðis og út úr svæðinu verði skilgreindar.

Meðfylgjandi eru gögn sem sýna áform Stracta Hótels um uppbyggingu á lóðinni að Rangárflötum 2. Um er að ræða verslunarhúsnæði fyrir t.d. lágvöruverslun, Verslunar- og skrifstofuhúsnæði á 2-3 hæðum, Tengibyggingu úr gleri milli eininga, Ráðstefnuhús / skrifstofuhótel, Tengigang milli núverandi móttöku í Stracta hóteli yfir í ráðstefnusal / skrifstofur, og skrifstofuhótel á tveimur hæðum með íbúðum á 2. hæð. Lögð er fram tímasett framkvæmdaáætlun.

Fyrir hönd Stracta Hótels er óskað eftir heimild til að hefja skipulagsvinnu fyrir lóðina í samræmi við þessi áform.

Unnið er að mati á umhverfisáhrifum vegna efnistöku á vikri austan Búrfells. Tveir valkostir verða bornir saman í umhverfismatsskýrslu. Aðalvalkostur felur í sér að svæði austan og vestan Landvegar verði fullunnið. Valkostur 2 felur í sér aðgengilegt efni austan Landvegar verði fullnýtt en einungis verði hluti svæðisins nýttur vestan vegar. Þá verða umhverfisáhrif einnig borin saman við núllkost en sá kostur felur í sér að efni austan Landvegar verðir fullunnið og efnistöku svo hætt. Lögð er fram matsáætlun ásamt áliti Skipulagsstofnunar vegna hennar.

Landsvirkjun hefur fengið framkvæmdarleyfi fyrir uppbyggingu efri hluta Landvegar. Um er að ræða um 13 km langan kafla Landvegar (26) milli slóða að Áfangagili skammt norðan Landmannaleiðar og móta Þjórsárdalsvegar (32) og Sprengisandsleiðar (26). Verkið felst í að styrkja veginn að mestu í sömu legu og hann er nú. Landvegur verður af vegtegund C7, þ.e. 7 m breiður að meðtöldum öxlum. Ein vegtenging er við Ísakot og eru það krossvegamót. Lagt verður styrktalag, burðarlag og klæðning á veginn. Þar sem ný lega nær út fyrir núverandi veg er á köflum fyllt undir styrktarlag eða skorið í núverandi land, efnið fært til í veglínunni sem fylling, eða fært til hliðar til nota í fláafleyga, en umframefni flutt á losunarstað. Gert er ráð fyrir að efni í styrktarlag, burðarlag og klæðningu verði unnið úr efni á efnistökusvæði við Sultartangaskurð og/eða Merkurhrauni (náma í landi Galtalækjar) og/eða mögulega Langöldu, en þessi svæði eru í um 3 km fjarlægð frá mörkum svæðisins. Einbreið brú yfir Helliskvísl verður fjarlægð og lögð ræsi í stað hennar. Auk þess verður bætt við ræsum þar sem þess þarf til. Ræsi, umferðarmerki, kantstikur og vegmerkingar á slitlagi eru hluti verksins. Fyrirséð er að vinna við brúnna yfir Helliskvísl tekur lengri tíma en áætlað var í upphafi framkvæmda. Landsvirkjun leggur fram uppfærða framkvæmdaáætlun vegna brúarinnar sem seinkar verklokum.

Landsnet áformar að byggja nýtt tengivirki við Ferjufit sem mun taka við raforku frá Vaðölduveri Landsvirkjunar. Samhliða því þarf að hliðra nokkrum möstrum í Sigöldulínu 3 til að aðlaga línuna að vindorkuverinu og þessu nýja tengivirki. Alls verða 9 möstur fjarlægð og 11 ný möstur reist í þeirra stað litlu sunnar, nemur færslan frá nokkrum metrum upp í um hundrað metra þar sem mest er við tengivirkið. Lögð er fram greinargerð leyfisveitanda í samræmi við 3. mgr. 27. gr. laga um umhverfismat framkvæmda og áætlana nr. 111/2021.

Sveitarfélögin Rangárþing ytra og eystra leggja fram tillögu að samræmingu á sveitarfélagamörkum frá Uxahrygg í austri að Eystri Rangá í vestri. Fylgt verður eignarlínum lóða og jarða. Lóðamörk einstakra svæða breytast ekki. Grenndarkynning fór fram 12. maí og var í kynningu til og með 9. júní 2025. Engar athugasemdir bárust.

Landeigandi óskar eftir heimild til breytingar á núverandi landnotkun á hluta landareignar Norður-Nýibær L165410. Heildarstærð svæðis er um 25 ha og hluti þess verður skilgreindur sem íbúðabyggð. Fyrirhugað er að stærð íbúðarlóða verði 1,1 ha að jafnaði og að heimilt verði að reisa íbúðarhús og bílskúr auk gestahúsa til útleigu allt árið um kring fyrir ferðamenn. Heimild yrði til lítilsháttar reksturs innan svæðis á sérlóð. Gert er ráð fyrir aðkomu að norðanverðu inn á spilduna af Þykkvabæjarvegi. Lýsing var kynnt með fresti til athugasemda til 1. október. Vegagerðin gerði athugasemd við tengingar inná Þykkvabæjarveg. Skipulagsstofnun gerði einnig athugasemdir við efnisleg atriði í greinargerð. Lögð er fram tillaga frá Eflu dags. 1. október 2025.

Sveitarfélagið Rangárþing ytra hefur samþykkt að gerðar verði breytingar á landnotkun á lóðunum Hagi 2 og Teigsholti þar sem þær færu úr sumarhúsanotkun í landbúnaðarnot. Lóðirnar eru samliggjandi.

Rangárþing ytra vinnur að breytingu á Aðalskipulagi Rangárþings ytra 2016-2028, skv. 1. mgr. 36. gr.

skipulagslaga nr. 123/2010. Breytingin nær til hluta úr jörðinni Þjóðólfshaga 1 þar sem áform eru uppi um rekstur gistiþjónustu í gistiskálum fyrir allt að 60 manns. Lýsing skipulagsáforma var kynnt til og með 16. nóvember. Umsagnir bárust frá alls átta aðilum. Athugasemdir bárust frá Náttúruverndarstofnun vegna viðbragða við miklu og fjölbreyttu fuglalífi og vistgerðum á svæðinu og hvernig lágmarka megi áhrif vegna framkvæmda og frá Skipulagsstofnun sem telur að þurfi frekari rök sveitarstjórnar vegna þeirra valkosta sem lagðir eru fram. Lögð er fram tillaga frá Eflu dags. 22.12.2025.

Landeigandi hefur fengið heimild til að leggja fram tillögu að deiliskipulagi fyrir spildu sína, hluta úr Álfaborgum 5 eða svæði sem mun fá heitið Lautir. Lautir eru hluti af Álfaborgum en staðsett sunnan Húsagarðsvegar. Áform eru að skilgreina Lautir sem lögbýli. Á jörðinni er fyrirhugað að stunda grænmetisræktun og sjálfbæra vöruþróun. Gert er ráð fyrir íbúðarhúsi og að hluti núverandi útihúsa verði nýttur sem vinnustofur fyrir myndlist og vöruhönnun. Útleiga og gisting verður tengd þeirri skapandi og sjálfbæru starfsemi sem fram fer á staðnum. Lögð er fram skipulagslýsing frá Hugrúnu Þorsteinsdóttur M11 arkitektum dags. júlí 2025. Lýsing skipulagsáforma var kynnt til og með 1.1.2025. Umsagnir bárust frá eftirtöldum aðilum:

Frá Mílu sem gerði engar athugasemdir en óskaði samráðs við frekari framkvæmdir síðar; frá Brunavörnum Rangárvallasýslu sem óskaði eftir að burðarþol innan svæðis verði 32 tonna að gróður hindri ekki aðgengi slökkvibíla; frá Veitum sem gerðu engar athugasemdir; frá Vegagerðinni sem gerði engar athugasemdir en bendir á að fram komi á uppdrætti að öðrum verði heimilt að nýta tengingu að þjóðvegi komi til frekari uppbyggingar á svæðinu; frá Skipulagsstofnun sem geri engar athugasemdir lýsinguna en bendir á að haft verði gott samráð við íbúða og hagsmunaaðila innan sem utan sveitarfélagsins; frá Náttúruverndarstofnun sem bendir á að umrætt svæði sé mikilvægt fuglasvæði og taka beri mið af því, að tilgreina þurfi verndargildi hrauns á svæðinu, að brýnt sé að vistgerðir verði tilgreindar sérstaklega og fjallað um verndargildi þeirra og að fjalla þurfi betur um áhrif skipulagstillögunnar á náttúruverndina eins og hún birtist í aðalskipulagi; frá Heilbrigðiseftirliti Suðurlands sem gerir engar athugasemdir en bendir á að áformuð starfsemi er starfsleyfisskyld, frá Ingvari Magnússyni sem gerir athugasemdir við byggingarmagn, að lækur verði metinn á sama hátt og ár og vötn, að náttúruvá verði gerð skil, að margar minjar séu í landi Lauta og að strengir frá Rarik liggi þvert um landið. Eftir að umsögn Ingvars barst í skipulagsgáttina barst bréf frá lögmanni landeigenda sem svar við athugasemdum hans. Það bréf er hér lagt fram líka. Lögð er fram tillaga frá M11.

Neyðarlínan áformar að skipta út núverandi rafstreng frá fjarskiptastöðinni við Laufafell. Lögð er fram tillaga að breytingu á gildandi deiliskipulagi sem birt var í B-deild stjórnartíðinda 5.6.2014 þar sem ný leið er skilgreind. Tillagan var auglýst frá og með 30.10.2025 til og með 17.12.2025. Umsagnir bárust frá Mílu, Vegagerðinni, Landsneti, Veitum, Rarik, Heilbrigðseftirliti Suðurlands og Brunavörnum Rangárvallasýslu sem gerðu engar athugasemdir; frá Náttúruverndarstofnun sem telur mikilvægt að fjallað verði um svæðin á náttúruminjaskrá í tillögunni og Náttúrufræðistofnun sem bendir á að ganga verði vel frá öll umhverfi við lok framkvæmdar þar sem um sé að ræða afar viðkvæmt svæði á C-hluta Náttúruminjaskrár.

Eigandi lóðanna nr 27 og 28 í Þjóðólfshaga óskar eftir að breyta gildandi deiliskipulagi þar sem uppfærðir verða byggingarskilmálar beggja lóða í tengslum við breytingar á afmörkun þeirra. Breyting er gerð á innri afmörkun lóðanna og byggingarreitum innan þeirra. Tillaga var auglýst frá og með 30.10.2025 til og með 17.12.2025. Umsagnir bárust frá Náttúruverndarstofnun sem telur ekki tilefni til umsagnar á þessu stigi; frá Vegagerðinni, Brunavörnum Rangárvallasýslu, Veitum, Heilbrigðiseftirliti Suðurlands og Rarik sem gerðu engar athugasemdir.

Lóðarhafi Rangárbakka 8a, 8b og 8c hefur lagt fram tillögu að breytingu á gildandi deiliskipulagi fyrir svæðið, dags. 11.10.2012. Fyrir á svæðinu eru þjónustuhús á einni hæð og lítið geymsluhús á reit E. Á reit B eru tvö salernishús auk 6 lítilla gistiskála á einni hæð. Á reit C eru 4 lítil gistihús á einni hæð. Breytingin felur í sér að hætt hefur verið við byggingu gistihúss á reit E. Þar verði byggt hótel í staðinn og nýtt lúxushótel á reit I. Starfsmannahús á einni hæð verði á reit F. Skipulagsgögn frá Ártúni ehf, dags. 15.12.2025.

Eigandi Hallstúns spildu L203254 hefur lagt fram tillögu að deiliskipulagi af lóð sinni samhliða breytingum á landnotkun í aðalskipulagi sveitarfélagsins, þar sem núverandi landnotkun landbúnaðarsvæðis verði breytt í Verslunar- og þjónustunot. Fyrirhuguð er uppbygging ferðaþjónsutu fyrir allt að 20 gesti. Innan hvorrar lóðar er heimilt að byggja 6 gestahús, allt að 30m2 hvert að stærð ásamt 2 þjónustu- og gestahúsum, allt að 100m2 að stærð. Einnig er heimilt að byggja allt 170m2

skemmu/geymslu. Eftir auglýsingu barst athugasemd frá Skipulagsstofnun vegna fjarlægða bygginga frá Steinslæk. Lögð er fram uppfærð tillaga frá Eflu.

Landeigandi leggur fram tillögu að deiliskipulagi fyrir hluta úr jörð sinni, Norður Nýjabæ. Heildarstærð svæðis er um 25 ha og hluti þess verður skilgreindur sem íbúðabyggð. Fyrirhugað er að hluti íbúðarlóða verði 1,1 ha að jafnaði og að heimilt verði að reisa íbúðarhús og bílskúr auk gestahúsa til útleigu allt árið um kring fyrir ferðamenn. Heimild yrði til lítilsháttar reksturs innan svæðis að auki á sérlóð næst aðkomu inná svæðið. Gert er ráð fyrir aðkomu að norðanverðu inn á spilduna af Þykkvabæjarvegi. Breyting á aðalskipulagi er í lokaferli.

Byggingarfulltrúi Rangárþings ytra hefur móttekið umsókn Íslandsturna ehf um uppsetningu á fjarskiptamastri á lóðinni Krikakot úr landi Köldukinnar í samræmi við aðaluppdrætti frá Bjarka Guðmundssyni dags. 28.7.2025. Forsmíðað heitgalvanhúðað stálmastur (röramastur) er fest á staðsteypta undirstöðu með festiboltum. Undirstöður eru gerðar á þjappað undirlag með jarðfyllingu ofan á steypufæti. Steyptur hnallur undir mastur og búnað verður sýnilegur í frágengnu landi. Málið hefur tvisvar verið grenndarkynnt nærliggjandi lóðarhöfum. Athugasemdir bárust í bæði skiptin frá nærliggjandi eiganda lands þar sem gerðar voru athugasemdir við áformaða staðsetningu.

G.G.Tré ehf óskar eftir að fá að byggja 8-10 íbúða raðhús á tveimur hæðum undir 50-70 m² íbúðir. Litið er til sameiningar á lóðum við enda Kjarröldu og Lyngöldu til að byrja með. Framkvæmdir gætu hafist í júlí eða ágúst 2026 og standa í eitt ár. Nefndin óskaði eftir frekari upplýsingum á síðasta fundi. Lögð er fram þrívíð ljósmynd sem sýnir fyrirhugað hús í tengslum við nágrenni sitt. Jafnframt eru lagðar fram hugmyndir að breytingum á deiliskipulagi svæðisins til skoðunar.

Kanslarinn ehf óskar eftir lóðinni Miðvangur 7 undir hraðhleðslustöð og aðstöðu því tengdu. Byrjunartími framkvæmda yrði í mars - apríl 2026 og framkvæmdatími 2-3 mánuðir.