Skipulags- og umferðarnefnd Rangárþings ytra

Eigendur Obbugarða óska eftir að fá að skipta úr landi sínu, 1140 m² lóð, sem fengi heitið Fjúkabrekka og landnúmerið Lxxxxxx skv. merkjalýsingu frá Jóhönnu Sigurjónsdóttur dags. 11.12.2025. Obbugarðar verða 10,1 ha að stærð eftir skiptin. Engin breyting verður á landnotkun í aðalskipulagi.

Landeigandi óskar eftir að fá að skipta úr lóð sinni 146,3 m² spildu sem sameinast á jörðinni. Um er að ræða svæði úr lóðinni Höfuðból 202 sem tekið er undir dæluhús fyrir neysluvatn. Merkjalýsing frá Hugrúnu Hörpu Björnsdóttur, dags. 16.1.2026.

Fjallafang ehf. óskar eftir stöðuleyfi fyrir 4 amerískar skólarútur til nota sem verslunarvagna í Landmannalaugum L165018, með sama sniði og verið hefur undanfarin ár. Tímabilið er frá 12. júní til 1. október 2026.

Framkvæmdasvið óskar eftir framkvæmdaleyfi til að breyta vegstæði Eyjasands og tengja það við fyrirhugað hringtorg á Suðurlandsvegi.

Framkvæmdasvið óskar eftir framkvæmdaleyfi til lagningar á stofnlögn fráveitu að nýju hreinsivirki á Gaddstaðaflötum.

Landeigendur óska eftir framkvæmdaleyfi til skógræktar á um 415,4 ha svæði úr landi sínu. Áður hefur verið veitt leyfi fyrir alls 345,4 ha skógrækt.

Fyrir liggur beiðni frá rekstraraðilum kúluhúsanna um frekari stækkun svæðis undir rekstur ferðaþjónustu. Áform eru uppi um að fjölga kúluhúsum um allt að 35 auk annarra viðbóta eins og hestagerði.

Eigandi óskar eftir heimild til að leggja fram tillögu að deiliskipulagi fyrir Lækjarbotna 2, um 42 ha land. Ætlunin er að byggja íbúðarhús ásamt, gestahúsi, hesthúsi og skemmu, samtals um 910m2. Skipulagsgögn frá Landslagi ehf, dags. 6.1.2026.

Eigendur Brimness óska eftir heimild til að leggja fram tillögu að deiliskipulagi fyrir land sitt. Ráðgert er að byggt verði íbúðarhús, gestahús og skemma / geymsla. Skipulagsgögn frá Landnot/Geoform dags. 15.1.2026.

Rangárþing ytra vinnur að breytingu á Aðalskipulagi Rangárþings ytra 2016-2028, skv. 1. mgr. 36. gr. skipulagslaga nr. 123/2010. Breytingin nær til efnistökusvæðis E122 við Ferjufit á Þjórsáreyrum (L238022). Svæðið stækkar úr 2,0 ha í allt að 5,0 ha og heimiluð efnistaka eykst úr 10.000 m³ í allt að 120.000 m³. Sameiginleg lýsing skipulagsáforma fyrir Tungnaáreyrar og Ferjufit var kynnt frá og með 6.10.2025 til og með 3.11.2025 og bárust umsagnir frá fjórum aðilum. Engar athugasemdir komu nema frá Vegagerðinni sem óskaði eftir að gert yrði samgöngumat vegna aukningar á umferð á svæðinu. Uppfærð tillaga lögð fram.

Rangárþing ytra vinnur að breytingu á Aðalskipulagi Rangárþings ytra 2016-2028, skv. 1. mgr. 36. gr. skipulagslaga nr. 123/2010. Breytingin nær til efnistökusvæðis E70 í Tungnaáreyrum (L229508). Með þessari breytingu er gert ráð fyrir stækkun svæðisins úr 2,5 ha í allt að 7,5 ha, þar sem heimiluð efnistaka eykst úr 50.000 m³ í allt að 100.000 m³. Sameiginleg lýsing skipulagsáforma fyrir Tungnaáreyrar og Ferjufit var kynnt frá og með 6.10.2025 til og með 3.11.2025 og bárust umsagnir frá fjórum aðilum.

Engar athugasemdir komu nema frá Vegagerðinni sem óskaði eftir að gert yrði samgöngumat vegna aukningar á umferð á svæðinu. Fornleifaskráning Minjastofnunar liggur einnig fyrir. Uppfærð tillaga lögð fram.

Sveitarfélagið Rangárþing ytra hefur samþykkt að gerðar verði breytingar á byggingarmagni á Faxaflötum þar sem nýtingarhlutfall verður 0,15-0,7 og heimild sett inn til byggingar kjallara. Lögð er fram lýsing skipulagsáforma frá Eflu dags. 16.1.2026.

Landeigendur lóðanna Kúfholts 1 L165021, Kúfholts II L220223, Kúfholts III L220226, Kötlusels F3 L220224 og Fjallasels lóðar F4 L220225 óska eftir að fá að leggja fram tillögu að nýju deiliskipulagi fyrir lóðir sínar. Breytingarnar eru þannig að stærðir lóða breytast og lóðunum fjölgar í 8 landspildur (stærð lóða 0,5-1,0 ha.), heiti á lóðum breytast einnig (að hluta til). Byggingarreitir afmarkast 10m frá lóðamörkum. Heimilt verði að byggja íbúðarhús með bílskúr, gestahús, skemmu/geymslu og gróðurhús. Samhliða óska landeigendur eftir að sækja um breytta landnotkun í aðalskipulagi, fara úr frístundabyggð og í íbúðabyggð í dreifbýli. Landeigendur stefna að því að hafa fasta búsetu á svæðinu. Sömu áform hafa verið kynnt undir máli nr. 2505002 í málakerfi sveitarfélagsins og 664/2025 í skipulagsgáttinni og var lýsing kynnt til og með 31. maí sl. Eftir kynningu lýsingar var tillagan auglýst skv. 31. gr. frá og með 12.11.2025 til og með 31.12.2025. Umsagnir bárust frá Veitum, Landsneti, Vegagerðinni, Náttúruverndarstofnun og Heilbrigðiseftirliti Suðurlands sem gerðu engar athugasemdir; frá Brunavörnum Rangárvallasýslu sem benda á að burðarþol vega skuli vera 32 tonn og að gróður megi ekki hindra aðkomu slökkvibíla;.

Eigendur lóða innan Steinkusels, svæðis úr landi Efra-Sels, óska eftir að fá að gera breytingar á gildandi deiliskipulagi dags. september 2010. Lóðirnar sem um ræðir eru Kúfholt I L165021, Kúfholt II L220223, Kötlusel lóð F3 L220224, Fjallasel lóð F4 L220225 og Kúfholt III L220226. Breytingarnar eru þannig að stærðir lóða breytast og lóðunum fjölgar í 8 landspildur (stærð lóða 0,5-1,0 ha.), heiti á lóðum breytast einnig (að hluta til). Byggingarreitir afmarkast 10m frá lóðamörkum. Heimilt verði að byggja íbúðarhús með bílskúr, gestahús, skemmu/geymslu og gróðurhús. Samhliða óska landeigendur eftir að sækja um breytta landnotkun í aðalskipulagi, fara úr frístundabyggð og í íbúðabyggð í dreifbýli. Landeigendur stefna að því að hafa fasta búsetu á svæðinu. Tillaga var auglýst samhliða breytingu á aðalskipulagi frá og með 24.11.2025 til og með 5.1.2026. Umsagnir bárust frá Brunavörnum Rangárvallasýslu sem gerir ráðn fyrir að öxulþungi á svæðinu verði 32 tonn og að gróður megi ekki skerða aðgengi slökkvibíla; frá Veitum og Landsneti sem gerðu engar athugasemdir;

Í gildi er deiliskipulag fyrir Leyni, dags. B-deildar auglýsingar 28. jan. 2021. Í því skipulagi var heimild fyrir nokkuð umfangsmikilli gistingu og þjónustu við ferðamenn. Með nýju deiliskipulagi er dregið verulega úr umfangi starfsemi. Eldra deiliskipulag verður fellt úr gildi við gildistöku nýs deiliskipulags. Nýtt deiliskipulag nær yfir um 4 ha af landi Leynis 2. Leynir 2 er skráð 25 ha að stærð skv. fasteignaskrá HMS. Gert er ráð fyrir aðstöðu starfsmanna í þjónustuhúsi og gistingu í minni gestahúsum (kúluhúsum) fyrir allt að 50 gesti, skv. flokki II. Þá verður áfram heimilt að reka tjaldsvæði. Lýsing skipulagsáforma var kynnt til og með 1.10.2025. Eftir kynningu lýsingarinnar fór tillagan í auglýsingu frá og með 4.11.2025 til og með 19.12.2025. Umsagnir bárust og athugasemdir sem bárust urðu til þess að tillögunni hefur verið breytt í meginatriðum. Lögð er fram uppfærð tillaga frá Eflu ásamt skýrslu Eflu vegna jarðvegskönnunar.

Eigendur óska eftir heimild til að breyta deiliskipulagi fyrir lóð sína. Gerð er breyting á deiliskipulagi svæðisins sem tekur til Sólstaðar (L227520) og Stóru-Skóga 2A (L234474). Byggingarreit B1 á Sólstöðum er breytt ásamt skilmálum innan hans þar sem heimilt er að stækka íbúðarhúsið í 250m² og reisa annað íbúðarhús allt að 250m² með innbyggðum bílskúr og allt að 250 m² gróðurhús. Heildarbyggingarmagn B1 verður 750 m². Tveimur nýjum byggingarreitum, G1 og Ú1 er bætt við ásamt skilmálum. Á G1 er heimilt að reisa allt að 5 gestahús, húsin verða mis stór og á stærðarbilinu 40-80 m², þar sem leyfilegt er að hafa gistingu í flokki II, fyrir allt að 10 gesti. Heildarbyggingarmagn byggingareits G1 verður 300 m². Á byggingarreit Ú1 er heimilt að reysa fjárhús, hesthús og áhaldageymslu, samtals allt að 500 m². Heimilt er að reisa 3 gróðurhús, samtals allt að 1000 m². Heildarbyggingarmagn Ú1 verður 1500 m². Tillagan var auglýst frá og með 12.11.2025 til og með 31.12.2025. Umsagnir bárust frá Landsneti, Heilbrigðiseftirliti Suðurlands, Brunavörnum Rangárvallasýslu, Mílu og Veitum sem gera engar athugasemdir; frá Náttúruverndarstofnun sem veitir ekki umsögn að þessu sinni; frá Vegagerðinni sem bendir á að eins og skipulagið er fram sett uppfyllir vegurinn frá Árbæjarvegi að Hjartalandi ekki veghönnunarreglur varðandi lágmarkskröfur milli tenginga, og þ.a.l. ekki skilyrði þess að verða héraðsvegur ef því er að skipta og frá nærliggjandi landeiganda semgerir athugasemdir við áætlað byggingarmagn í tengslum við ljósmengun frá gróðurhúsum. Lögð er fram samantekt á umsögnum auk tillagna að viðbrögðum við þeim. Uppfærð tillaga er einnig lögð fram.

Samráðsferli um skipulag á flugtengdri starfsemi innan Helluflugvallar. Lögð er fram greinargerð frá Flugmálafélagi Íslands auk fyrirliggjandi hugmynda um skipulag á svæðinu.

Eigendur lóðarinnar Hagi v/Selfjall 2, L176252, óska eftir að fá að gera breytingar á gildandi deiliskipulagi fyrir svæðið, dags. 10.6.1992, þar sem heimiluð verði föst búseta og byggingarheimildir uppfærðar skv. því. Jafnframt að landnotkun lóðarinnar í aðalskipulagi verði breytt úr frístundasvæði í landbúnaðarsvæði til samræmis við fram lögð áform. Lýsing skipulagsáforma var kynnt í Skipulagsgátt undir máli nr. 818/2025 ásamt máli nr. 899/2025, á heimasíðu sveitarfélagsins og í staðarblaði. Jafnframt var lýsingin grenndarkynnt til sömu aðila og gerðu athugasemdir við síðustu áform lóðarhafa. Lögð er fram tillaga frá Eflu. Tillagan var auglýst í Skipulagsgátt undir máli nr. 818/2025 en láðst hefur að auglýsa tillöguna í Lögbirtingarblaði og á heimasíðu.

Þorkell Jónsson fyrir hönd landeigenda Bjálmholts L165072 hefur fengið heimild til að leggja fram deiliskipulag úr jörð sinni. Um er að ræða uppbyggingu á framleiðslu- og þjónustuhúsi til að framleiða og selja afurðir sínar, ásamt því að taka á móti ferðamönnum til að kynna starfsemi bæjarins. Lögð er fram tillaga frá M11 arkitektum dags. 5.8.2025. Fallið hefur því verið frá uppbyggingu nær Landvegi og tilheyrandi málum því lokað, bæði í málakerfinu og í skipulagsgáttinni. Engar athugasemdir bárust í auglýsingu tillögunnar en athugasemd barst frá Skipulagsstofnun þess efnis að eðlilegast væri að skilgreina landnotkun fyrir verslun og þjónustu í stað landbúnaðar. Þrátt fyrir að nefndin hafi svarað stofnuninni í bókun sinni frá síðasta fundi barst athugasemd eftir fund þar sem stofnunin sjái sig knúna til að ítreka fyrri afgreiðslu.

Lóðarhafi Rangárbakka 8a, 8b og 8c hefur lagt fram tillögu að breytingu á gildandi deiliskipulagi fyrir svæðið, dags. 11.10.2012. Fyrir á svæðinu eru þjónustuhús á einni hæð og lítið geymsluhús á reit E. Á reit B eru tvö salernishús auk 6 lítilla gistiskála á einni hæð. Á reit C eru 4 lítil gistihús á einni hæð. Breytingin felur í sér að hætt hefur verið við byggingu gistihúss á reit E. Þar verði byggt hótel í staðinn og nýtt lúxushótel á reit I. Starfsmannahús á einni hæð verði á reit F. Skipulagsgögn frá Ártúni ehf, dags. 15.12.2025.

Maja Siska og Páll Jónsson sækja um undanþágu frá kröfu um sameiginleg landnúmer á spildum Skinnhúfu F-2318648 og Norðurness F-2282249.

https://kortasja.lmi.is/mapview/?application=fjarskiptastofa

Byggingarfulltrúi Rangárþings ytra hefur móttekið umsókn Íslandsturna ehf um uppsetningu á fjarskiptamastri á lóðinni Krikakot úr landi Köldukinnar í samræmi við aðaluppdrætti frá Bjarka Guðmundssyni dags. 28.7.2025. Málið hefur tvisvar verið grenndarkynnt nærliggjandi lóðarhöfum. Athugasemdir bárust í bæði skiptin frá nærliggjandi eiganda lands þar sem gerðar voru athugasemdir við áformaða staðsetningu.

Byggingarfulltrúi Rangárþings ytra hefur móttekið umsókn Íslandsturna um byggingarheimild fyrir 25 m háu fjarskiptamastri úr stáli, í samræmi við umboð landeiganda. Umsókninni fylgja aðaluppdrættir frá VEB Verkfræðistofu, dagsettir 8.1.2026.