Skipulags- og umferðarnefnd

Landeigendur óska eftir að fá að skipta úr jörð sinni, 20.015,0 m² lóð sem fengi heitið Urriðabakki og L241323. Matshluti 14 0101 Gistihús og 14 0102 Hesthús fylgja með á nýja lóð. Merkjalýsing frá Kára Gunnarssyni dags, 10.3.2026.

Landeigendur leggja fram merkjalýsingu um staðfestingu á landamerkjalínu á milli jarðanna Austvaðsholts 1C (L164965) og Austvaðsholts 2 (L164966). Ný merki hafa ekki áhrif á stærðir jarðanna. Merkjalýsing frá Hugrúnu Hörpu Björnsdóttur dags. 19.2.2026.

Vegagerðin stendur fyrir stofnun á viðbótarvegsvæði vegna breikkunar við hringtorgið að Landvegamótum. Núverandi vegsvæði, L230525, er 16600 m² að stærð og bætist 6195 m² við það úr landi Meiri-Tungu 3 L165131. Stærð Meiri-Tungu 3 vegsvæðis verður því 22795 m² en stærð upprunajarðarinnar breytist ekki þar sem um 0-stærð er að ræða í fasteignaskrá.

Ný lóð fengi L241322.

Landeigandi óskar eftir að fá að skipta úr landi sínu Skógarhólum 2, L235060, þremur spildum. Stofnaðar eru lóðirnar Einarsholt 2 stærð 28062,7 m² og L241243, Skógarhólar 3 stærð 43,6 ha og L241241 og Skógarhólar 4 stærð 150,2 ha L241242. Skógarhólar 2 minnkar um 196,6 ha og verður 29,3 ha. Notkun lóðanna verður áfram landbúnaðarland. Merkjalýsing frá Hermanni Hermannssyni dags. 19.3.2026.

Stækka á lóðina Faxaflatir 4, L233063. Faxaflatir 4, L233063, er með skráða stærð 10626,0 m² í fasteignaskrá HMS. Lóðin stækkar um 7028,4 m² og verður 17654,4 m². Mismunurinn kemur úr Faxaflötum, L225962 sem minnkar um það sem því nemur og verður 31719,1 m². Merkjalýsing frá Hörpu Birgisdóttur dags. 31.10.2025.

Byggingarfulltrúi Rangárþings ytra hefur móttekið umsókn Jóns Davíðs Ásgeirssonar, fh. Sigurðar Óla Ingvarssonar, um byggingarheimild til byggingar 48 m² bílskúrs með geymslukjallara, samkvæmt meðfylgjandi aðaluppdráttum, dags. 13.3.2026. Afgreiðslu málsins er frestað þar sem deiliskipulag er ekki í gildi. Málinu er vísað til skipulags- og umferðarnefndar til frekari umfjöllunar og afgreiðslu.

Eigandi Myrkvaborga óskar eftir heimild í formi fyrirspurnar til að byggja við núverandi 42,0 m² sumarhús, allt að 60 m² viðbyggingu á einni hæð sem auki svefnrými, bæti við salerni og þvottaaðstöðu. Stærðir núverandi bygginga er 179,5 m² í formi sumarhúss og skemmu en yrði u.þ.b. 240 m² með þessari stækkun. Lóðin er rétt tæpir 13 ha. Ekkert deiliskipulag liggur fyrir af svæðinu.

Lögð er fram umsókn Vegagerðarinnar um framkvæmdaleyfi fyrir lagningu Búðafossvegar (23) ásamt nýrri brú yfir Þjórsá.

Fyrirhuguð framkvæmd felst í lagningu um 7,4 km nýs vegar á milli Þjórsárdalsvegar í Skeiða- og Gnúpverjahreppi og Landvegar í Rangárþingi ytra. Vegurinn mun heita Búðafossvegur og kemur til með að liggja frá nýju hringtorgi á Þjórsárdalsvegi um land Réttarholts og Minna-hofs, um nýja brú yfir Þjórsá og þaðan um land Vindáss og Minni-Valla að Landvegi. Búðafossvegur verður útfærður samkvæmt viðmiðum vegflokks C8 með tveimur 3,5 m breiðum akreinum og 0,5 m breiðum öxlum beggja megin. Heildarbreidd vegar er því 8,0 m og verður hámarkshraði vegarins 90 km/klst með áætlaðri umferð um 500 bifreiða daglega. Vegsvæði vegarins verður 40 m breitt, 20 m frá miðlínu í hvora átt. Um er að ræða nokkuð umfangsmikinn veg og brú yfir Þjórsá sem liggur um svæði sem er skilgreint sem landbúnaðarsvæði í aðalskipulagi sveitarfélaganna beggja vegna árinnar. Rúmir 2 km munu liggja í Skeiða- og Gnúpverjahreppi og um 5 km í Rangárþing ytra. Fyrirhugað hringtorg verður malbikað en annað yfirborð vegarins klætt. Yfir Þjórsá verður byggð 204 m löng tvíbreið stálbitabrú með steyptu gólfi í 5 m hæð yfir vatnsyfirborði árinnar og í fimm höfum; tveimur 36 m löngum og þremur 44 m löngum. Heildarbreidd brúar verður 11 m og frá nyrðri bakka Þjósár að sjálfri brúnni verður Búðafossvegur á um 140 m langri grjótvarðri fyllingu út í ána. Áætluð efnisþörf í framkvæmdina er tæplega 350.000 m3 sem verður fengið frá fjórum efnistökusvæðum og úr skeringum. Eina nýja náman sem opnuð verður vegna framkvæmdanna er Búðanáma sem verður staðsett rétt vestan fyrirhugaðs Búðafossvegar á norðurbakka Þjórsár.

Framkvæmdum er nánar lýst í greinargerð Vegagerðarinnar og öðrum fylgigögnum umsóknar.

Eftirtalin gögn eru lögð fram hjá nefndinni:

Greinargerð umsóknar framkvæmdaraðila, framkvæmdalýsing, ásamt viðbótarskjalaskrá

Teikningasett ásamt teikningaskrá

Teikning, yfirlitsmynd Búðafossvegar

Teikning, kennisnið Búðafossvegar C8

Teikning, kennisnið heimreiða og tenginga C7

Teikning, Búðafossvegur norðan Þjórsár

Teikning, Búðafossvegur sunnan Þjórsár

Teikning, Búðafossvegur girðingar reiðleið - 1611-170-32-A000-V05

Teikning, Búðafossbrú yfirlitsmynd og þversnið

Efla, minnisblað - Fyllingar í árfarveginum, dags. 6. júní 2023

Skipulagsstofnun, ákvörðun um mat á umhverfisáhrifum, dags. 28. ágúst 2009

Efla f.h. Vegagerðarinnar, vegna breytinga á námum, 15. júní 2022

Matsskyldufyrirspurn og greinargerð framkvæmdaraðila, dags. 17. nóvember 2025

Matsskylduákvörðun Skipulagsstofnunar, dags. 2. febrúar 2026

Leyfi Fiskistofu, dags. 29. febrúar 2024

Uppfærð skilagrein um áhrif framkvæmda á lífríki í vatni/umsögn Hafrannsóknarstofnunar, dags. 5. maí 2022

Umsögn Veiðifélags Þjórsár, dags. 21. júlí 2022

Verkís, straumfræðigreining, dags. 6. febrúar 2024

Umsögn Hafrannsóknarstofnunar um áhrif á vatnshlot, dags. 24. apríl 2024

Hafrannsóknarstofnun, stuðningsskjal áhrifamat vatnshlots

Fornleifar - FS895-22291, Búðafossvegur 2022

Fornleifar - FS933-22451, Vegna lagningar Búðafossvegar 2023

Fornleifar - FS983-23231, Tóftin við Markamýri og uppgröftur á tóft í Vindási 2024

Minjastofnun, staðfesting, dags. 7. október 2025

Framkvæmdaáætlun verkkaupa

Matsskyldufyrirspurn og greinargerð framkvæmdaraðila vegna stækkunar Búðanámu, dags. 27. janúar 2025

Skipulagsstofnun, ákvörðun um mat á umhverfisáhrifum vegna stækkunar Búðanámu, dags. 3. apríl 2025

Tilkynning til ákvörðunar um matsskyldu og greinargerð framkvæmdaraðila vegna efnistöku, dags. í júlí 2009, ásamt bréfi dags. 15. júlí 2009

Umsögn Náttúruverndarstofnunar til Rangárþings ytra, dags. 27. febrúar 2026

Svör Vegagerðarinnar vegna umsagnar Náttúruverndarstofnunar, dags. 10. mars 2026, auk yfirlitskorts vegna kortlagningar á náttúrufari í veglínu Búðafossvegar, sunnan Þjórsár

Umsögn Umhverfis- og Orkustofnunar, dags. 31. mars 2026

Drög að greinargerð leyfisveitanda, dags. 8. apríl 2026.

Veitur sækja hér með um framkvæmdaleyfi fyrir borun nýrrar vinnsluholu á jörðinni Kaldárholti (L165096) í Rangárþingi ytra. Holan verður boruð með 100 tonna bor (Rig-16) niður á um 800-1.000 m dýpi. Hún verður með 10 3/4? vinnslufóðringu og vinnsluhlutinn verður boraður með 8 1/2? krónu. Holan verður með steyptri vinnslufóðringu niður á 100 til 400 m dýpi. Áætlaður bortími er 3-5 vikur. Við borlok verður holan prófuð með stuttu blástursprófi (hámark 6 klst.).

Útbúa þarf um 3.200 m2 borplan fyrir borinn á framkvæmdatíma. Vegur liggur nú þegar að dælustöðinni, en þaðan þarf að leggja um 70 m langan veg frá norðurhlið dæluhússins að borplani. Aðflutt efni í borplan og veg verður um 3.000 m3 og verður efnið fengið úr nærliggjandi námum með tilskilin leyfi.

Vegagerðin stefnir á endurbyggingu núverandi vegar á um 4 km löngum kafla á Landeyjavegi (252-05), frá vegamótum við Ártúnsveg (2699-01) og til suðurs í átt að Þúfuvegi (2557-01), í sveitarfélögunum Rangárþingi ytra og Rangárþingi eystra nú í sumar. Núverandi vegur er um það bil 5-6 metra breiður malarvegur en með fyrirhuguðum endurbótum stendur til að byggja veginn upp með styrktar- og burðarlagi þar sem þess er þörf og leggja klæðingu á veginn. Endurbyggður vegur er hannaður samkvæmt veghönnunarreglum Vegagerðarinnar, staðli fyrir C7 snið, sem er 7,0 m breiður vegur með 6,8 m breiðri klæðingu og 0,1 m malaröxlum sitthvoru megin. Ekki er um breytingar á veglínu að ræða. Framkvæmdakaflinn er að mestu innan sveitarfélagsins Rangárþings ytra en um 300 m kafli er innan sveitarfélagsins Rangárþings eystra. Vegagerðin óskar eftir framkvæmdaleyfi fyrir þeim framkvæmdum sem eru innan sveitarfélagsins Rangárþings ytra.

Landsvirkjun óskar eftir að sveitarstjórn Rangárþings ytra gefi út framkvæmdaleyfi til handa fyrirtækinu fyrir efnistöku, allt að 40.000 m3, á efnistökusvæði E125 á Þjórsáreyrum, austan við Þjórsá og sunnan Sultartangalóns og Vaðöldu. Svæðið er skilgreint sem efnistökusvæði á Aðalskipulagi Rangárþings ytra 2016-2028 með síðari breytingum. Landsvirkjun óskaði eftir því að gerð yrði breyting á gildandi aðalskipulagi sveitarfélagsins sem tók gildi þann 23.02.2026 með birtingu í Bdeild stjórnartíðinda. Óskað er eftir að framkvæmdaleyfi verði gefið út á grundvelli aðalskipulags, samkvæmt 13. gr. skipulagslaga nr. 123/2010. Þar að auki er óskað eftir að mega haugsetja tímabundið til loka sumars 2026, allt að 200.000 m3 af óunnu efni á svæðinu frá nálægum efnistökusvæðum. Fyrirhuguð efnistaka og haugsetning efnis er ætluð til framkvæmda við Vaðölduver.

Eigandi lóðarinnar Hagi 2C, L240754, óskar eftir heimild til að leggja fram tillögu að deiliskipulagi fyrir lóð sína. Áform eru uppi um að skilgreina byggingarreit og skipulag fyrir uppbyggingu íbúðarhúss til eigin nota, ásamt tilheyrandi aðkomu, bílastæðum og nauðsynlegum lögnum og innviðum.

Unnið hefur verið að breytingu á texta í grenargerð gildandi aðalskipulags. Breytingin fellst í að skýra betur breytingu

aðalskipulags sem unnin var og samþykkt 10 júní 2025.

Heildar byggingarmagn er aukið úr 1000 m2 í 1700 m2 auk þess sem skilmálum um dreifbýlisyfirbragð eru felldir út. Gerð er breyting á deiliskipulagi samhliða aðalskipulagsbreytingu.

Eigendur Oddsparts óska eftir heimild til að leggja fram tillögu að breytingu á gildandi deiliskipulagi dags. 19.9.2025. Um er að ræða breytingar á legu vegar innan svæðis, aukning á fjölda bygginga og tilfærsla á byggingarreit. Breyting frá Eflu dags. 26.3.2026.

Eigendur Galtalækjarskógar óska eftir að gera breytingar á gildandi deiliskipulagi sem hlaut gildi með auglýsingu i B-deild Stjórnartíðinda nr. 728 og birt var þann 30. júní 2025.

Breytingin varðar eingöngu frístundasvæði F43 og F82 og eru þær eftirfarandi;

1. Hluti götunnar Krakalundur fær breytta lögun.

2. Einstaka lóðarnúmer breytast að sama skapi og lóðarstærðir um fáeina m².

3. Settur er viðsnúningshaus á götuenda.

4. Í greinargerð breytist Tafla 1.1 í samræmi við breyttan uppdrátt.

Mörk deiliskipulags, fjöldi lóða, nýtingarhlutfall og byggingarmagn helst óbreytt.

Eigandi lóðar nr. Selás E6 í landi Seláss óskar eftir heimild til að gera breytingar á gildandi deiliskipulagi fyrir svæðið. Um er að ræða aukningu á byggingarmagni þar sem heimild til byggingar skemmu aukist úr 300 m² í 400 m² og fyrir gestahús úr 60 m² í 90 m². Um byggingu millilofts er að ræða í báðum húsategundum.

Samræming á sveitarfélagamörkum við Skeiða- og Gnúpverjahrepp, milli Gaukshöfða og Búðafoss. Rangárþing ytra og Skeiða- og Gnúpverjahreppur vinna að samræmingu sveitarfélagamarka á aðalskipulagi beggja sveitarfélaga skv. 1. mgr. 36. gr. skipulagslaga nr. 123/2010. Lögð var fram í skipulagsgátt, skipulagslýsing dags. 13.03.2025, vegna efnistöku en einnig vegna samræmingar sveitarfélagamarka. Hætt var við meiri efnistöku, en nú er gerð breyting á sveitarfélagamörkum beggja sveitarfélaga. Með breytingunni eru sveitarfélagamörk samræmd frá Gaukshöfða niður undir Búðafoss. Þar sem til eru staðfest landamerki milli jarða, beggja vegna árinnar, þá eru þau mörk látin ráða (landeignaskrá sótt á vef HMS 05.03.2026). Einnig ráða mörk Minna-Núps sem eru í samþykktarferli. Að öðru leyti ráða sveitarfélagamörk IS50v, sem mörk Skeiða- og Gnúpverjahrepps fylgja að miklu leyti. Einnig er landnotkun aðlöguð að breyttum sveitarfélagamörkum, en skilmálar breytast ekki heldur aðeins stærðir.

Rangárþing ytra vinnur að breytingu á Aðalskipulagi Rangárþings ytra 2016-2028, skv. 1. mgr. 36. gr. skipulagslaga nr. 123/2010. Breytingin nær til efnistökusvæðis E122 við Ferjufit á Þjórsáreyrum (L238022). Svæðið stækkar úr 2,0 ha í allt að 5,0 ha og heimiluð efnistaka eykst úr 10.000 m³ í allt að 120.000 m³. Tillaga var auglýst frá og með 12.2.2026 til og með 1.4.2026. Umsagnir bárust frá alls 4 aðilum en engar athugasemdir voru gerðar.

Rangárþing ytra vinnur að breytingu á Aðalskipulagi Rangárþings ytra 2016-2028, skv. 1. mgr. 36. gr. skipulagslaga nr. 123/2010. Breytingin nær til efnistökusvæðis E70 í Tungnaáreyrum (L229508). Með þessari breytingu er gert ráð fyrir stækkun svæðisins úr 2,5 ha í allt að 7,5 ha, þar sem heimiluð efnistaka eykst úr 50.000 m³ í allt að 100.000 m³. Tillaga var auglýst frá og með 12.2.2026 til og með 1.4.2026. Alls bárust umsagnir frá 5 aðilum og var um athugasemd að ræða frá Náttúrufræðistofnun þess efnis að vistgerðum og votlendi verði ekki raskað vegna efnistökunnar.

Sveitarfélagið Rangárþing ytra hefur samþykkt að gerðar verði breytingar í aðalskipulagi sveitarfélagsins á byggingarmagni á Faxaflötum þar sem nýtingarhlutfall verður 0,15-0,7 og heimild sett inn til byggingar kjallara. Lýsing skipulagsáforma hefur verið kynnt. Umsagnir bárust frá alls 5 aðilum og voru ekki um neinar athugasemdir að ræða.

Sveitarfélagið samþykkti 22.10.2025 að gerðar verði nauðsynlegar breytingar á aðalskipulagi sveitarfélagsins þar sem núverandi landnotkun landbúnaðarsvæðis verði breytt í Verslunar- og þjónustusvæði. Lýsing skipulagsáforma hefur verið kynnt. Umsagnir bárust frá alls 8 aðilum.

Eigendur lóðarinnar Hagi v/Selfjall 2, L176252, óska eftir að fá að gera breytingar á gildandi deiliskipulagi fyrir svæðið, dags. 10.6.1992, þar sem heimiluð verði föst búseta og byggingarheimildir uppfærðar skv. því. Jafnframt að landnotkun lóðarinnar í aðalskipulagi verði breytt úr frístundasvæði í landbúnaðarsvæði til samræmis við fram lögð áform. Lýsing skipulagsáforma var kynnt í Skipulagsgátt undir máli nr. 818/2025 ásamt máli nr. 899/2025, á heimasíðu sveitarfélagsins og í staðarblaði. Jafnframt var lýsingin grenndarkynnt til sömu aðila og gerðu athugasemdir við síðustu áform lóðarhafa. Lögð er fram tillaga frá Eflu. Tillagan var auglýst í Skipulagsgátt undir máli nr. 818/2025 en láðst hafði að auglýsa tillöguna í Lögbirtingarblaði og á heimasíðu. Tillagan var því endurauglýst frá og með 12.2.2026 til og með 1.4.2026. Umsögn barst frá einum aðila og var ekki um athugasemd að ræða.

Sveitarfélagið, í samráði við Hetamannafélagið Geysi, vinnur að breytingu á aðalskipulagi vegna uppbyggingar og leiðréttingar á reiðleiðum á Hellu og nágrenni. Lögð eru fram drög að réttum og uppfærðum reiðleiðum.

Rangárþing ytra hefur samþykkt að ráðast í gerð deiliskipulags fyrir Aldamótaskóg og Melaskóg. Svæðið er hugsað sem útivistarsvæði til almennrar notkunar og snýst deiliskipulagið um að skipuleggja fjölbreyttar útivistarleiðir og áningarstaði. En einnig tryggja íbúum og almenningi gott aðgengi að útivistarsvæði. Lögð er fram tillaga frá Eflu dags. 12.9.2025.

Landhönnun er að vinna að skipulagsmálum á efri hluta skóla- og íþróttasvæðisins á Hellu. Lögð eru fram fyrstu drög að uppbyggingu svæðisins.

Unnið er að vinnu við deiliskipulag fyrir Sigöldugljúfur. Lagðar fram fyrstu hugmyndir og greining á umhverfi í formi lýsingar frá Landslagi dags. 27.3.2026.

Eigendur lóða innan Steinkusels, svæðis úr landi Efra-Sels, óska eftir að fá að gera breytingar á gildandi deiliskipulagi dags. september 2010. Lóðirnar sem um ræðir eru Kúfholt I L165021, Kúfholt II L220223, Kötlusel lóð F3 L220224, Fjallasel lóð F4 L220225 og Kúfholt III L220226. Breytingarnar eru þannig að stærðir lóða breytast og lóðunum fjölgar í 8 landspildur (stærð lóða 0,5-1,0 ha.), heiti á lóðum breytast einnig (að hluta til). Byggingarreitir afmarkast 10m frá lóðamörkum. Heimilt verði að byggja íbúðarhús með bílskúr, gestahús, skemmu/geymslu og gróðurhús. Samhliða óska landeigendur eftir að sækja um breytta landnotkun í aðalskipulagi, fara úr frístundabyggð og í íbúðabyggð í dreifbýli. Landeigendur stefna að því að hafa fasta búsetu á svæðinu. Tillagan var endurauglýst frá og með 12.2.2026 til og með 1.4.2026. Ein ábending barst þess efnis að gerð verði krafa um 32 tonna heildarþyngd en ekki öxulþunga.