Skipulags- og umferðarnefnd

Byggingarfulltrúi Rangárþings ytra hefur móttekið umsókn Jóns Davíðs Ásgeirssonar, fh. Sigurðar Óla Ingvarssonar, um byggingarheimild til byggingar 48 m² bílskúrs með geymslukjallara, samkvæmt meðfylgjandi aðaluppdráttum, dags. 13.3.2026. Skipulags- og umferðarnefnd samþykkti að áformin yrðu grenndarkynnt. Grenndarkynning hófst 14. apríl 2026 og stóð til 12. maí 2026. Engar athugasemdir bárust.

Eigandi Myrkvaborga óskar eftir heimild í formi fyrirspurnar til að byggja við núverandi 42,0 m² sumarhús, allt að 60 m² viðbyggingu á einni hæð sem auki svefnrými, bæti við salerni og þvottaaðstöðu. Stærðir núverandi bygginga er 179,5 m² í formi sumarhúss og skemmu en yrði u.þ.b. 240 m² með þessari stækkun. Lóðin er rétt tæpir 13 ha. Ekkert deiliskipulag liggur fyrir af svæðinu. Skipulags- og umferðarnefnd samþykkti að áformin yrðu grenndarkynnt. Grenndarkynning hófst 14. apríl 2026 og stóð til 12. maí 2026. Engar athugasemdir bárust.

Eigandi lóðar nr. Selás E6 í landi Seláss óskar eftir heimild til að gera breytingar á gildandi deiliskipulagi fyrir svæðið. Um er að ræða aukningu á byggingarmagni þar sem heimild til byggingar skemmu aukist úr 300 m² í 400 m² og fyrir gestahús úr 60 m² í 90 m². Um byggingu millilofts er að ræða í báðum húsategundum. Áform umsækjanda voru grenndarkynnt og var frestur til athugasemda veittur til 18. maí. Ein athugasemd barst þar sem óljóst var hvort um heildarflatarmál væri að ræða eða aukningu á grunnflatarmáli.

Veitur sækja hér með um framkvæmdaleyfi fyrir borun nýrrar vinnsluholu á jörðinni Kaldárholti (L165096) í Rangárþingi ytra. Holan verður boruð með 100 tonna bor (Rig-16) niður á um 800-1.000 m dýpi. Hún verður með 10 3/4? vinnslufóðringu og vinnsluhlutinn verður boraður með 8 1/2? krónu. Holan verður með steyptri vinnslufóðringu niður á 100 til 400 m dýpi. Áætlaður bortími er 3-5 vikur. Við borlok verður holan prófuð með stuttu blástursprófi (hámark 6 klst.). Útbúa þarf um 3.200 m2 borplan fyrir borinn á framkvæmdatíma. Vegur liggur nú þegar að dælustöðinni, en þaðan þarf að leggja um 70 m langan veg frá norðurhlið dæluhússins að borplani. Aðflutt efni í borplan og veg verður um 3.000 m3 og verður efnið fengið úr nærliggjandi námum með tilskilin leyfi. Afgreiðslu var frestað á síðasta fundi þar sem vantaði umsögn eða leyfi Fiskistofu. Fiskistofa fær ekki séð umrædd framkvæmd falli undir framangreinda lagagrein og telur því framkvæmdina ekki háða leyfi stofnunarinnar.

Eigandi Leirubakka 2 óskar eftir að fá að leggja fram tillögu að deiliskipulagi. Deiliskipulagið nær yfir æplega 50 ha svæði í landi Leirubakka 2 en fyrirhugað er að hafa þar 52 frístundalóðir. Heimilt er að reisa frístundahús, aukahús/gestahús og geymslu á lóðunum með nýtingarhlutfallið 0,03 þ.e. 300 m2 á hverri 10.000 m2 lóð. Lögð er fram tillaga frá Eflu dags. 29.4.2026.

Eigandi óskar eftir heimild til breytingar á gildandi deiliskipulagi fyrir Efra-Sel, birt í B-deild stjórnatíðinda í janúar 2016. Með breytingunni er byggingareitur stækkaður til norðausturs og skipulagsmörk færð í landamerki. Mað því fæst mun betri staðsetning á fyrirhuguðu húsnæði. Aðrir skilmálar haldast óbreyttir. Skipulagsgögn frá Eflu dags. 15.5.2026.

Landeigandi óskar eftir heimild til að leggja fram tillögu að deiliskipulagi fyrir land sitt, Ægissíðu 3 lóð 3. Gert verði ráð fyrir byggingu þriggja íbúðarhúsa, fimm gestahúsa, geymslu og skemmu. Skipulagsgögn frá Eflu dags. 18.5.2026.

Eigandi lands óskar eftir heimild til að leggja fram tillögu að deiliskipulagi fyrir land sitt. Áformað er að byggja hús, geymslu/gestahús og skemmu á landinu. Áfram verður landbúnaður, eða einhvers konar ræktun. Skipulagssvæðið mun ná yfir hluta af landinu og mun aðkoman vera af vegslóða sem liggur meðfram Hólsá. Gerðir verða tveir byggingarreitir, annar fyrir allt að 150 m² hús og allt að 50 m² geymslu/gestahús og hinn byggingarreiturinn fyrir allt að 400 m² skemmu. Skipulagsgögn frá Eflu dags. 18.5.2026.

Ferðafélag Íslands óskar eftir að gerðar verði minni háttar breytingar á gildandi deiliskipulagi fyrir Hrafntinnusker. Breytingin snýst um breytt deiliskipulagsmörk og að koma upp vatnssalernum og rotþró og auka vatnsöflun á svæðinu. Lóðarmörk haldast óbreytt sem og byggingarmagn innan svæðisins. Skipulagsgögn frá Landformi dags. 18.5.2026.

Húsvakur ehf sótti um lóðina Rangárbakkar 4 til að byggja á henni gistihús auk tengingar við núverandi veitingastað en afgreiðslu var frestað og akallað eftir frekari áætlunum frá Haga/KS vegna áforma þeirra um uppbyggingu á svæðinu.

Eigendur Galtalækjarskógar óska eftir að gera breytingar á gildandi deiliskipulagi sem hlaut gildi með auglýsingu i B-deild Stjórnartíðinda nr. 728 og birt var þann 30. júní 2025. Breytingin varðar eingöngu frístundasvæði F43 og F82 og eru þær eftirfarandi; 1. Hluti götunnar Krakalundur fær breytta lögun. 2. Einstaka lóðarnúmer breytast að sama skapi og lóðarstærðir um fáeina m². 3. Settur er viðsnúningshaus á götuenda. 4. Í greinargerð breytist Tafla 1.1 í samræmi við breyttan uppdrátt. Mörk deiliskipulags, fjöldi lóða, nýtingarhlutfall og byggingarmagn helst óbreytt. Áformin voru grenndarkynnt og var frestur til athugasemda veittur til 14. maí. Engar athugasemdir bárust.

Lóðarhafi Rangárbakka 8a, 8b og 8c óskar eftir að fá að leggja fram tillögu að breytingu á gildandi deiliskipulagi fyrir svæðið, dags. 11.10.2012. Fyrir á svæðinu eru þjónustuhús á einni hæð og lítið geymsluhús á reit E. Á reit B eru tvö salernishús ásamt 6 litlum gistihúsum á einni hæð. Á reit C eru 4 lítil gistihús á einni hæð. Deiliskipulagsbreytingin nær til verslunar og þjónustulóðar Árhús. Á landinu eru í dag skráðar 3 lóðir L164952, L221343 og L221344. Breytingin felur í sér að hætt verið við byggingu gistihúss ásamt tengibyggingu á reit E. Fjölgun verði á gistihúsum á reit A og reit D ásamt nýju salernihúsi á reit G. Byggt verður starfsmannahús á einni hæð sem kemur á reit F. Byggt verður nýtt hótel á reit E og nýtt lúxushótel á reit I. Á reit H verður byggt baðlón. Skipulagsgögn frá Artun ehf, dags. 15.12.2025.

Skipulagslýsingin var samþykkt til kynningar á fundi í skipulags- og umferðarnefnd 9.4.2026. Allar meginforsendur deiliskipulagsins liggja fyrir í Aðalskipulag Rangárþings ytra 2016-2028. Lýsingin var

í kynningu frá 16.04.2026 til 12.05.2026. Umsagnir bárust frá Forsætisráðuneytinu, Heilbrigðiseftirliti Suðurlands, Landsneti, Landsvirkjun, RARIK, Veitum, Náttúruverndarstofnun, Fiskistofu og Vegagerðinni og var tekið tillit til umsagna við gerð deiliskipulagsins. Lögð er fram tillaga að deiliskipulagi dags. 18.5.2026.

Breytingar gerðar á afmörkun og byggingarmagni innan lóðar nr. 4.

Lóðarhafar leggja fram tillögu að deiliskipulagi fyrir lóðir sínar. Lóðrirnar eru samliggjandi, samtals 12,6 ha að stærð, en afmörkun deiliskipulagsins nær til um 10,5 ha svæðis innan þeirra. Svæðið er skilgreint sem verslunar- og þjónustusvæði skv. aðalskipulagsbreytingu sem auglýst er samhliða. Gert er ráð fyrir gistingu fyrir allt að 100 gesti í allt að 50 gistihúsum, auk þjónustuhúss sem einnig er hugsað fyrir starfsmannaaðstöðu/íbúðir, verslun og sölu einfalda veitinga. Einnig er heimilt er að gera baðlaug og aðra afþreyingu fyrir gesti. Heildarbyggingarmagn beggja lóða skal ekki fara yfir 2.000 m². Skipulagslýsing fyrir sitt hvora lóðina var auglýst frá 12. febrúar til 27. mars 2026. Umsagnir bárust frá: HMS, Mílu, Landsneti, Veitum, Vegagerðinni, Náttúruverndarstofnun, Heilbrigðiseftirliti Suðurlands og Minjastofnun Íslands.

Eftir því sem við á hefur verið tekið tillit til umsagna. Skipulagsgögn frá Eflu dags. 18.5.2026.

Eigendur Snjallsteinshöfða 4 hafa fengið heimild til að leggja fram tillögu að deiliskipulagi fyrir lóð sína í samræmi við fyrrspurn frá Eflu dags. 28.5.2024. Gert er ráð fyrir íbúðarhúsi og bílskúr, 3 gesta-/frístundahúsum og skemmu innan lóðar. Aðkoma er af Árbæjarvegi (271) um vegslóða innan lóðar Snjallsteinshöfða vegsvæði (L235970) að lóð Snjallsteinshöfða 4. Vegna fjarlægðarmarka í reglugerð getur íbúðarhús ekki staðið á tilætluðum stað þar sem notkun húsnæðis á nærliggjandi lóð er þess eðlis. Skipulags- og byggingarfulltrúa Rangárþings ytra barst erindi f.h. eigenda Snjallsteinshöfða 4, þar sem settar voru fram kröfur um breytingu á skráningu loðdýrahúsa að Snjallsteinshöfða 3 og um samþykki á deiliskipulagstillögu. Beiðni barst 14. janúar 2026. Lagt fram álit lögmanns.

Landsvirkjun hefur unnið að útfærslu og hönnun á mannvirkjum tengdum Hvammsvirkjun í og við Þjórsá innan beggja sveitarfélaga. Ýmsar forsendur hafa breyst í verkhönnun og unnið hefur verið að nánari útfærslu nokkurra þátta deiliskipulagsins.

Helstu breytingar á gildandi deiliskipulagi síðan í desember 2021 eru eftirfarandi:

< Nákvæm afmörkun Hagalóns liggur fyrir og er því breytt lítillega, stærð lóns þó lítt breytt.

< Felld er út afmörkun efnistökusvæða í Hagalóni sem fara undir vatn að framkvæmdum loknum. Efnistaka úr lónsstæðinu er heimil.

< Efnislosunarsvæði við Ölmóðsey minnkar og vegur þangað breytist vegna minja.

< Legu Þjórsárdalsvegar er breytt ásamt reiðleið með honum, heimiluð eru undirgöng undir veginn.

< Settur er inn áningarstaður við Hagalón. Heimilaður er annar tímabundinn áningarstaður á framkvæmdatíma.

< Legu vega innan svæðis er breytt lítillega og einhverjir vegir breytast úr vinnuvegi í varanlegan veg. Bætt er inn vegi að tengivirki.

< Reiðvegir um svæðið breytast.

< Legu háspennulína og rafstrengja er breytt lítillega. Á uppdrætti er felld út tímabundin færsla háspennulínu en færslan áfram heimil á framkvæmdatíma.

< Nýr vatnstankur bætist við.

< Legu nokkurra vinnuvega er breytt lítillega.

< Sveitarfélagamörk eru leiðrétt til samræmis við breytingu í aðalskipulagi.

< Afmarkaðar eru lóðir og byggingarreitir fyrir stíflur.

< Lóð stöðvarhúss/stíflu er stækkuð að sveitarfélagamörkum í Þjórsá.

Að öðru leyti en því sem kemur fram hér að aftan gilda skilmálar eldra deiliskipulags. Skipulagsgögn frá Eflu dags. 18.5.2026.

Landsvirkjun hefur óskað eftir að gerð verði minni háttar breyting á staðsetningu efnistökusvæðis við Sigöldu. Um er að ræða efnistökusvæðið E73 sem færist frá núverandi stað og suður fyrir Sigöldugljúfur. Skipulagsgögn frá Eflu.

Unnið hefur verið að breytingu á texta í greinargerð gildandi aðalskipulags. Breytingin fellst í að skýra betur breytingu aðalskipulags sem unnin var og samþykkt 10 júní 2025. Heildar byggingarmagn er aukið úr 1000 m2 í 1700 m2 auk þess sem skilmálum um dreifbýlisyfirbragð eru felldir út. Gerð er breyting á deiliskipulagi samhliða aðalskipulagsbreytingu. Skipulags- og umferðarnefnd samþykkti að áformin yrðu grenndarkynnt. Grenndarkynning hófst 16. apríl 2026 og stóð til 14. maí 2026. Athugasemd barst vegna lélgra merkinga á starfsemi ferðaþjónustunnar auk þess að mikil speglun virðist vera frá núverandi húsum, sem veldur endurskini til nágranna.

Landeigendur lóðanna Kúfholts 1 L165021, Kúfholts II L220223, Kúfholts III L220226, Kötlusels F3 L220224 og Fjallasels lóðar F4 L220225 óska eftir að fá að leggja fram tillögu að nýju deiliskipulagi fyrir lóðir sínar. Breytingarnar eru þannig að stærðir lóða breytast og lóðunum fjölgar í 8 landspildur (stærð lóða 0,5-1,0 ha.), heiti á lóðum breytast einnig (að hluta til). Byggingarreitir afmarkast 10m frá lóðamörkum. Heimilt verði að byggja íbúðarhús með bílskúr, gestahús, skemmu/geymslu og gróðurhús. Samhliða óska landeigendur eftir að sækja um breytta landnotkun í aðalskipulagi, fara úr frístundabyggð og í íbúðabyggð í dreifbýli. Landeigendur stefna að því að hafa fasta búsetu á svæðinu. Sömu áform hafa verið kynnt undir máli nr. 2505002 í málakerfi sveitarfélagsins og 664/2025 í skipulagsgáttinni og var lýsing kynnt til og með 31. maí sl. Eftir kynningu lýsingar var tillagan auglýst skv. 31. gr. frá og með 12.11.2025 til og með 31.12.2025. Umsagnir bárust frá Veitum, Landsneti, Vegagerðinni, Náttúruverndarstofnun og Heilbrigðiseftirliti Suðurlands sem gerðu engar athugasemdir; frá Brunavörnum Rangárvallasýslu sem benda á að burðarþol vega skuli vera 32 tonn og að gróður megi ekki hindra aðkomu slökkvibíla. Tillaqga var auglýst að nýju vegna mistaka í auglýsingaferli og stóð auglýsing tillögunnar frá og með 12.2.2026 til og með 1.4.2026.

Sveitarstjórn Rangárþings ytra hefur samþykkt að lagðar verði fram tillögur að breytingum á aðalskipulagi vegna fyrirhugaðrar virkjunar í landi Keldna þar sem landnotkun undir virkjunarsvæðið verði gert að iðnaðarsvæði. Lýsing skipulagsáforma frá Eflu dags. 27.10.2025 var kynnt í samræmi við 1. mgr. 30. gr. skipulagslaga og stóð kynning yfir frá og með 12.11.2025 til og með 29.12.2025. Umsagnir bárust frá alls 19 aðilum. Málinu var frestað í afgreiðslu nefndarinnar þar sem ekki lá fyrir skýr stefna Minjastofnunar um mótvægisaðgerðir og að niðurstaða matsfyrirspurnar þyrfti að liggja fyrir. Fyrir liggur að Minjastofnun hefur samþykkt að leita leiða til að raska ekki fornleifum að óþörfu en hefur fallið frá kröfu um friðlýsingu.

HMS leitar umsagna umsagnaraðila vegna tilkynninga til ákvörðunar um matsskyldu á grundvelli 20. gr. laga um umhverfismat framkvæmda og áætlana nr. 111/2021 vegna aukinnar efnistöku úr merkurnámu.