Skipulags- og umferðarnefnd Rangárþings ytra

Rangárþing ytra óskar eftir afgreiðslu landskipta þar sem svæðið vestan við veginn að Laugalandi í Holtum verði skipt úr Nefsholti 2, landnr. 192474. Ný lóð fengi nafnið Nefsholt 2 land og yrði 10.01 ha að stærð. Landnr. nýrrar spildu er 224064. Lóðir undir íbúðarhúsum við Giljatanga og lóð fyrir stöðvarhús Mílu er innan svæðisins en á sínum landnúmerum áfram.

Hrafnkell Óðinsson óskar eftir að stofna 56 m² lóð úr landi sínu, Snjallsteinshöfða 1, landnr. 165008 undir spennistöð frá Rarik. Lóðin fær landnr. 224059 og heitir Snjallsteinshöfði 1, spennistöð.

Höskuldur H. Kjartansson og Guðrún Kjartansdóttir, eigendur Stúfholts 2 Austurbæjar óska eftir að stofna 38.781 m² lóð úr jörð sinni skv. uppdrætti frá Steinsholti. Ný lóð fær landnr. 224076 og heitir Stúfholt 2, lóð.

Rangárþing ytra hefur samþykkt að ráðast í endurskoðun á gildandi aðalskipulagi sveitarfélagsins. Fyrir liggur að fara yfir þær áherslur sem tilheyra fyrirhuguðum breytingum.

Guðmundur Björnsson hefur óskað eftir að gera breytingar á gildandi deiliskipulagi frá 7.6.2013 fyrir Heysholt. Í stað lóðar undir þyrpingu frístundahúsa og lóðar undir þjónustuhús verða þær lóðir sameinaðar í eina þar sem gert er ráð fyrir hótelbyggingu. Einnig er um nokkrar minniháttar breytingar að ræða.

Sveitarstjórn hefur samþykkt að gera breytingar á aðalskipulagi fyrir svæðið sunnan Suðurlandsvegar austan Gaddstaðavegar að Aldamótaskógi. Á svæðinu er gert ráð fyrir verslun, veitingastað, sjoppu, bensínstöð, gistingu og ýmis konar þjónustu við íbúa og ferðamenn. Göngu- og reiðleiðir verða aðlagaðar að breyttu skipulagi ásamt því að gert er ráð fyrir nýjum götum og vegtengingu af Suðurlandsvegi. Breyting hefur orðið á staðsetningu áformaðrar uppbyggingar og mun opið svæði O7 verða breytt í verslunar- og þjónustusvæði í stað þess að Athafna- og Iðnaðarsvæði verði breytt eins og áður hefur verið samþykkt. Lögð er fram lýsing skipulagsáætlunar.

Auglýst hefur verið tillaga að deiliskipulagi fyrir Lyngás. Tillagan var auglýst frá 20.1.2016 til 2.3.2016. Athugasemdir bárust frá Vegagerðinni þar sem lögð var áhersla á að fyrir liggi útreikningur á hljóðvist meðfram Suðurandsvegi. Sambærileg athugasemd barst frá Umhverfisstofnun.

Auglýst hefur verið tillaga að deiliskipulagi úr landi Hallstúns. Deiliskipulagið var endurauglýst vegna tímaákvæða í skipulagslögum. Tillagan var auglýst frá 20.1.2016 til 2.3.2016. Engar athugasemdir bárust á auglýsingatíma.

Auglýst hefur verið tillaga að deiliskipulagi fyrir Neðra-Sel 1d. Tillagan var auglýst frá 20.1.2016 til 2.3.2016. Engar athugasemdir bárust á auglýsingatíma.

Auglýst hefur verið tillaga að deiliskipulagi fyrir Sel 202401. Tillagan var auglýst frá 20.1.2016 til 2.3.2016. Athugasemdir bárust frá nærliggjandi landeigendum vegna afmörkunar á skipulagssvæðinu. Einnig barst athugasemd frá Umhverfisstofnun vegna fjarlægðar frá Bjallalæk.

Skúli H. Skúlason, framkvæmdastjóri Útivistar, hefur fengið heimild til deiliskipulagsgerðar á svæðinu við Strútslaug í Hólmsárbotnum að Fjallabaki. Sóst verður eftir að reisa skála á svæðinu ásamt salernis- og búningsaðstöðu.
Í athugasemdarferli tillögunnar barst athugasemd frá Skaftárhreppi um að mörk sveitarfélaga væru röng á uppdrætti. Hafði það áhrif á hvort um sameiginlegt deiliskipulag yrði að ræða eða eingöngu innan Rangárþings ytra. Eftir rannsókn skipulagsfulltrúa kom í ljós að skurðpunktur sá sem myndast frá línu úr Strúti að laugasvæðinu og sker sjónhendingu að Torfajökli, lendir austan við manngerðu laugina og því er framkvæmdasvæðið allt innan Rangárþings ytra.

Lögð hefur verið fram tillaga að deiliskipulagi fyrir svæði úr landi Múla í Landsveit. Gert er ráð fyrir 7 lóðum innan 13 ha svæðis. Íbúðarhús sem tilheyrir jörðinni Múla er einnig innan svæðis. Tillagan var auglýst samhliða breytingum sem gerðar voru á aðalskipulagi. Athugasemdir við feril breytingar aðalskipulagsins leiddu í ljós að auglýsa þarf deiliskipulagstillöguna að nýju.

Ráðgjafarfyrirtækið Capacent hefur, að beiðni Skipulagsstofnunar, unnið úttekt á samráðsferli Landsskipulagsstefnu 2015-2026. Markmið úttektarinnar er að afla upplýsinga sem geta nýst til að styrkja og bæta ferlið við mótun næstu landsskipulagsstefnu, afla upplýsinga um upplifun þátttakenda í ferlinu og að greina hvernig tekist hafi til við að móta heildstæða framtíðarsýn um skipulagsmál á landsvísu.

Magnús Hafsteinsson óskar eftir heimild til að leggja fram deiliskipulag fyrir 2 ha spildu úr landi sínu Haukadalur 219110. Gert verði ráð fyrir tveimur frístundalóðum þar sem heimilt verði að byggja sumarhús, gestahús og geymslu.

Rarik óskar eftir heimild til að gera breytingar á gildandi deiliskipulagi fyrir Öldur 3 á Hellu. Komið verði fyrir lóð undir spennistöð fyrirtækisins norðan við lóð nr. 18 við Langöldu. Lóðin mun fá númerið 16a.

Eigendur Pulu spildu 202918 óska eftir að gera breytingar á gildandi deiliskipulagi fyrir svæði sitt. Gildandi deiliskipulag er síðan 7. júlí 2011. Breytingin tekur til aukins byggingarmagns á lóðum ásamt breytingu á fyrirkomulagi bílastæða og rotþróa.

Stjórn Vatnsveitu Rangárþings ytra og Ásahrepps óskar eftir að breytingar verði gerðar á afmörkun vatnsverndar norðan þéttbýlis á Hellu. Óskað er jafnframt eftir því að afmörkun verði uppfærð í aðalskipulagi sveitarfélagsins. Framlögð er skýrsla frá Íslenskum orkurannsóknum, ÍSOR, til stuðnings breyttri afmrökun.

Haraldur Gunnar Helgason óskar eftir leyfi til að stækka við bílgeymslu á lóð sinni nr. 23 við Freyvang.

Landsnet fyrirhugar að leggja nýjan 66 kV jarðstreng (HE1) frá endamastri við Árbæjarveg og að tengivirki Landsnets við Hellu um 1400 m leið. Sótt er um framkvæmdaleyfi.

Í febrúarmánuði samþykkti Alþingi lög nr. 7/2016 um breytingar á skipulagslögum nr. 123/2010. Markmið breytinganna er að rýmka og skýra ákvæði um grenndarkynningar.