Skipulags- og umferðarnefnd Rangárþings ytra

Guðrún Hildur Hafsteinsdóttir óskar eftir að fá að skipta úr landi sínu, Haukadal landi 219699, 3.915 m² spildu. Ný spilda ber nafnið Vatnsból Haukadal, landnr. 224725.

Óðinn Pálsson óskar eftir landskiptum úr jörð sinni Stóru-Völlum landnr. 165011. Um er að ræða spildu 39.334,4 m² að stærð. Lóðin fær nafnið Stóru Vellir Hrosshóll og landnr. XXXXXX.

Rangárþing ytra vinnur að gerð breytingar á aðalskipulagi sveitarfélagsins 2010-2022 þar sem um breytingu úr landbúnaðarlandi í verslunar- og þjónustusvæði í landi Uxahryggjar er að ræða. Lýsing var kynnt til og með 4. nóvember. Ábendingar bárust frá Rangárþingi eystra varðandi mörk sveitarfélaganna á umræddu svæði og einnig frá Skipulagsstofnun sem tekið hefur verið tillit til í meðfylgjandi tillögu.

Bíokraft ehf 640812-1680 hefur fengið heimild til að hafin verði skipulagsmeðferð vegna áforma um að reisa allt að 13 vindmyllur til orkuframleiðslu á landi norðan við Þykkvabæ. Lýsing var kynnt frá 17.11.2016 til og með 1.12.2016. Lýsing var send til eftirfarandi umsagnaraðila: Minjastofnunnar, Umhverfisstofnunnar, Landgræðslunnar, Heilbrigðiseftirlits Suðurlands, Orkustofnunnar, Samgöngustofu, Rangárþings eystra og Ásahrepps.

Umsagnir bárust frá Rangárþingi eystra, Ásahreppi, Orkustofnun, Heilbrigðiseftirliti Suðurlands, Umhverfisstofnun, Vegagerðinni og Landgræðslunni þar sem ekki voru gerðar athugasemdir við lýsinguna. Fleiri umsagnir bárust ekki.

Athugasemdir bárust með bréfi dags. 14. nóvember 2016 frá Veritas lögmönnum fyrir hönd sextíu og þriggja aðila þar sem þeir leggjast alfarið gegn fyrirhuguðum áformum.

Veritas lögmenn óska eftir fundi með fulltrúum sveitarstjórnar til að gera betur grein fyrir sjónarmiðum umbjóðenda sinna.

Rangárþing ytra hefur samþykkt að gera breytingar á landnotkun á 3 ha spildu úr landi Árbæjarhellis lands 2, þar sem núverandi landbúnaðarsvæði verður gert að verslunar- og þjónustusvæði. Lýsing hefur verið kynnt og bárust engar athugasemdir á kynningartíma. Ábendingar bárust frá Skipulagsstofnun sem tekið hefur verið tilit til í gerð tillögunnar. Tillaga hefur jafnframt verið kynnt. Lögð er fram tillaga að breytingu á aðalskipulagi.

Eigendur Árbæjarhellis 2, landnr. 198670 leggja fram tillögu að deiliskipulagi úr landi sínu undir verslunar- og þjónustustarfsemi. Nýtt verslunar- og þjónustusvæði verður um 3 ha að stærð og þar er gert ráð fyrir byggingu veitinga- og gistiheimilis í tengslum við ferðaþjónustu. Tillaga að breytingu á aðalskipulagi hefur verið kynnt.

Framkvæmdahópur á vegum Kaupfélags Skagfirðinga leggur fram tilögu að deiliskipulagi fyrir Rangárbakka 1-3 á Hellu. Í auglýsingu tilögunnar komu fram athugasemdir frá Skipulagsstofnun um framsetningu efnis og skilmála í tillögunni. Einnig telur Skipulagsstofnun að tillagan samræmist ekki aðalskipulagi Rangárþings ytra 2010-2022 þar sem ný lóð fyrir verslun- og þjónustu sé aðeins að hluta til á skilgreindu verslunar- og þjónustusvæði.

Landeigendur hafa lagt fram tillögu að deiliskipulagi af þremur lóðum undir frístundahús á jörð sinni, Hjallanesi 1 í Rangárþingi ytra. Tillagan var auglýst frá 20.10.2016 til og með 1.12.2016. Athugasemd barst frá Heilbrigðiseftirliti Suðurlands um skýrari afmörkun vatnsverndar umhverfis vatnsból á uppdrætti.

Eigendur Vindáss 165015 hafa lagt fram tillögu að deiliskipulagi úr landi sínu. Afmörkuð er lóð þar sem heimilt verður að byggja allt að 200 m² íbúðarhús og bílskúr, allt að 60 m² gestahús og allt að 200 m² skemmu. Tillagan var auglýst frá 20.10.2016 til og með 1.12.2016 og bárust engar athugasemdir á auglýsingatíma.

Lárus Einarsson leggur fram tillögu að deiliskipulagi í landi sínu Ketilhúshagi, lóð nr. 47, landnr. 218198. Tillaga að deiliskipulagi var auglýst síðast á árinu 2014. Breyting hefur verið gerð á fram lagðri tillögu þess efnis að fjarlægðarmörk hafa verið leiðrétt skv. athugasemd Umhverfisstofnunar ásamt því að byggingarmagn hefur verið minnkað til muna. Ábending barst einnig frá Skipulagsstofnun um að eðlilegra hefði verið að auglýsa tillöguna sem breytingu á gildandi deiliskipulagi í stað nýs deiliskipulags fyrir einstaka lóð.

Skipulags- og matslýsing vegna deiliskipulags fyrir Hvammsvirkjun var fyrst kynnt 2011 og aftur kynnt haustið 2015. Lögð er fram lýsing skipulagsáforma að nýju.

Landsnet óskar eftir umsögn Rangárþings ytra um tillögu að kerfisáætlun 2016-2025 og umhverfisskýrslu sem lögð er fram samhliða.

Bergur Sveinbjörnsson fyrir hönd Söluskálans Landvegamótum ehf óskar eftir stöðuleyfi fyrir u.þ.b. 60 m² timburhúsi ætlað til veitingasölu í Landmannalaugum. Óskað er eftir leyfi fyrir söluskálann frá 1. júní 2017 til 30. september 2017.

Karl Axelsson áformar að sameina lönd sín að Hrauni og Leirubakka. Stofna lögbýli og flytja lögheimili sitt á staðinn. Sveitarstjórn gerði ekki athugasemdir við áform umsækjanda og beinir því til skipulagsnefndar að undirbúa erindið áfram. Svæðið sem um ræðir er á skilgreindu frístundasvæði í aðalskipulagi Rangárþings ytra 2010-2022.

Stracta Hella ehf óskar eftir að fá að setja niður auglýsingaskilti á tiltekna tvo staði innan og utan við þéttbýlið á Hellu. Stærð skiltanna er áformuð um 2 X 3 metrar. Staðsetning er utan veghelgunarsvæðis.

Tryggvi Baldursson fyrir hönd eigenda að gistiskála á lóðinni Sómastaðir í Landmannahelli óskar eftir leyfi til að byggja allt að 35 m² aðstöðuhús á lóðinni til viðbótar núverandi 62,7 m² gistiskála.

Birgir Sigurðsson eigandi lóðar nr. 38 í landi Fjallalands úr Leirubakka, óskar eftir að fá að byggja 30-35 m² geymslu á lóð sinni. Á lóðinni eru þegar byggð 150,2 m² sumarhús auk 50,3 m² bílskúrs/geymslu.